Romaindjé 14:18 - Mbede Lə Luba Kone Gə Sigi

¹⁸ Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ.

Testament ke Siki 1960 (Kabba Laka)

¹⁸ Doou ke da mbata lo Christ tokou ban, nè nase kem Allah té, ke dooudjé pitè.

Romaindjé 14:18 ပူးပေါင်းရင်းမြစ်များ

Marəke 13:34

Ɓeko̰ lə Luba le to ɗəw kara baa to gə dəw gə aw gə mba gə be, ɗaa ḭya̰ neje tɔ̰y mə ji ngan njekulaje gə lə-a, na-na kara gə kula lə-a kula lə-a, ngaɓa n-un ndu n-ar njegəm ta ɗəw kəy kar ngom gə maj-ɛ.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Koula 10:35

Ngaa horo gəl kujije gə tɔ̰y ja ɓo dəw gə ɓəəl-e ngaɓa ɗa ne gə gadə-gadə nama ta kəm-e.

Romaindjé 12:11

Ar-je rɔ-si ɔlɛ kəne pɛl ɓo ꞌdabəje ang. Uwaje gədərə mə kəji gə lə-si, ꞌɗaje kula ar-je Mbayɓe.

Romaindjé 14:4

ꞌI ꞌto na ɓa ꞌgangə tar dɔ ngon lokisi gə lə dəw wa? N-ar taar, ose n-oso kara to tar lə ꞌɓəə-eje. Ngaa n-a kar taar ja, mba singa Mbayɓe asə mba gəd-e.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

1 Corinthiendjé 7:22

Be ɓa ɓərə gə Mbayɓe ɓar-ɛ le, Mbayɓe ɔr kula ɓərə gɔs-ɛ gə, ɗəw kara baa gə dəw gə to ɓərə ang ɓa ɓo Luba ɓar-ɛ nama to ɓərə lə Kirisi.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Corinthiendjé 5:11

Gəl-e gə nee ɓa, sijee ja gərə ɗəw kila kuji dɔ Mbayɓe gə ɗaa, ja sangə mba kar dəwje d-aw ne go tar gə tɔgərɔ lə-a. Luba gərə gəl-si gə maj-ɛ, m-unda mə-m to gə sisəy kara ꞌgərəje sijee mə kəji gə lə-si tɔ.

2 Corinthiendjé 5:9

Gəl-e gə nee ɓa, to gə ɓo j-isi ne mə darɔ-si gə nee, ose ja tusu j-iya̰ kara, ne gə uwa mə-sijee, to gə may ta kəm Mbayɓe gə.

2 Corinthiendjé 6:4

Ngaa sijee ja tɔji rɔ-si mə neje tɔ̰y to gə ngan njekulaje lə Luba ɗəw kuwa gədərə gə dan neməko̰je gə, dan nekəmandoo gə, dan neje mongə si kang, dan neje gə ar mə-si gangə man,

2 Corinthiendjé 8:21

mba sijee ja sangə mba may ne ta kəm Mbayɓe gə baa ang, ngaa ta kəm dəwje gə tɔ.

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

1 Timoce 2:3

Ye gə nee le ɓa to ne gə may ngaɓa to ne gə to ngira rɔləl lə Luba, Njekaji-si.

1 Timoce 5:4

Ngaa to gə ɓo jene nduba gə ngan-ɛ ose ngan k-ɛ ga̰ nama, may kar d-ila kuji dɔ ne gə lə Luba ɔji mə kəy gə lə-je; Ye ɓa to ɗəw təl gə ne kar njekuji-jeje gə d-odo-je kede, mba to ne gə may ta kəm Luba gə.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:20

To gə ɓo d-ula kəm dəw ndoo mba kula ɗ-ɛ gə kṵra̰y le se, riɓar gə ban ɓa nj-ɛ a kinga wa? Ngaa to gə ɓo ꞌɗaje may ɓa uwaje gədərə dan ꞌməsərə gə nama, to ne gə may ta kəm Luba gə.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.