Romaindjé 14:17 - Mbede Lə Luba Kone Gə Sigi

¹⁷ Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Testament ke Siki 1960 (Kabba Laka)

¹⁷ Mbata béh ko lo Allah to tar kousa ke tar kaih ang, a to to gaté gaté ke mè woul ke koukou mè Ndil té ke madji toï.

Romaindjé 14:17 ပူးပေါင်းရင်းမြစ်များ

Matiye 3:2

N-pa na: ꞌTuruje kəji lə-si, mba ɓeko̰ gə dara nay əw ang baa.

Matiye 6:33

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

Lugu 14:15

Go tarje gə nee ɗaa, dəw kara horo nje gə d-isi ta ka nekusa pa ar Jeju na: Nokarə to kar gə dəw gə a kusa mbə mə ɓeko̰ gə lə Luba!

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 13:52

Ngaa rɔləl gə Njil Njerɔsangə ɗusu ngan njenendoje tub-tub.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 8:6

Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 4:20

Mba ɓeko̰ lə Luba to tar gə pa ja baa ang, ngaa to gə singa ɗa kula.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

1 Corinthiendjé 8:8

To nekusa ɓa a ɗəm gə sijee gə rɔ Luba gə ang. To gə ɓo j-usa ang kara ne kara lal-si ang nəm, to gə ɓo j-usa kara ne kara gə j-inga j-ila dɔ mar-ɛ gə godo nəm tɔ.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Philippiendjé 2:1

To gə ɓo kinga singa ɓəəl ɗəw lə Kirisi ga̰, to gə ɓo kula jingaw mə naa gə dan njigi gə ga̰, to gə ɓo ɗa mə kara lə Njil ga̰, to gə ɓo ko kəmtondoo gə ɗa məmay ga̰,

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Philippiendjé 4:4

ꞌƊaje rɔləl jaga-jaga ja ɗəw gə lə Mbayɓe; m-təl m-pa ja cibi, ꞌɗaje rɔləl.

Philippiendjé 4:7

Be ɓa ɗɛgɛgɛ lə Luba gə nday kəjije tɔ̰y le, a ngom mə-si gə kəjije lə-si dɔ Kirisi Jeju gə.

Colossiendjé 1:11

Mba kar ubaje ne singa gə go singamongə riɓar lə-a, kar uwaje ne gədərə ngaɓa ilaje ne mə-si dɔ mar-ɛ gə tɔ.

1 Thessaloniciendjé 1:6

Sisəy ꞌndəjije kəm sijee gə kəm Mbayɓe ɗaa, dan neməko̰je gə bula ja ꞌtaje Tar lə Luba gə rɔləl lə Njil Njerɔsangə.

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

1 Piyɛr 1:8

O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.