Romaindjé 14:13 - Mbede Lə Luba Kone Gə Sigi

¹³ J-a gangəje tar dɔ naa gə gə yo gə nee ang; ngaa may kar j-ar-je gangə tar lə-si təl to jigi no ngon ko̰-si gə ose təl to ɗəw koso lə-a ang.

Testament ke Siki 1960 (Kabba Laka)

¹³ Bana ase kare djèdjè ngange saria dòna té horodjè té marè ang nga, a ta da baa ta kila touka gòl, aséh né ke ta kare doou oso no ngoködjè té kada ang.

Romaindjé 14:13 ပူးပေါင်းရင်းမြစ်များ

Matiye 16:23

Ngaa Jeju turu kəm-e pa ar Piyɛr na: ꞌSu ɔdə ta-m gə gə ɗangə! ꞋI to jigi tuga koso no-m gə, mba kəji tarje lə-i to kar Luba ang ngaa to kar dəwje baa.

Matiye 18:7

Tuji to kar dəwje gə dɔ nangə nee mba ɗəw gə dəw a koso dan neɗa gə kṵra̰y gə. Ɗəw gə dəw a koso ne dan neɗaje gə kṵra̰y gə le a to ja, ngaa tuji uba dəw gə to ɗəw koso dan neɗa gə kṵra̰y gə!

Matiye 7:1

ꞌGangəje tar dɔ dəwje gə ang, mba kar ꞌgangə tar dɔ si ang tɔ.

Lugu 12:57

Mba ɗi ɓa ꞌgangəje tar dɔ ro si gə ja ɔji dɔ ne gə gadə-gadə ang wa?

Lugu 17:2

To gə ɓo n-to jigi tuga koso lə ngon gə njɛ̰ kara horo nganje gə njɛ̰-njɛ̰ gə nee nama, to nokarə lə-a kar ꞌtɔ ər kusu ne gɔb-ɛ gə, d-ila mə babo gə.

Romaindjé 11:9

Ɗaa Dabidi pa na: May kar nekusaje lə-je təl kula uba-je, kar to bandə kuwa-je, gə ɗəw koso lə-je ngaɓa kar to ne kɔr gira kula ɗa-je!

Romaindjé 14:10

Ngaa ꞌi, ꞌi to na ɓa ꞌgangə tar dɔ ngon ko̰-i gə wa? Ose ꞌi, mba ɗi ja ɓa ꞌdabə ne ngon ko̰-i dasəra wa? J-a kar no ngɔ gangə tar gə lə Luba ja tɔ̰y.

Romaindjé 14:3

May kar dəw gə njekusa-a le dabə njekusa-a ang dasəra ang, ngaɓa dəw gə usa ang kara may kar ila tar dɔ njekusa-a gə ang tɔ, mba Luba uwa-a gə rɔ-ɛ gə tɔ.

Romaindjé 14:4

ꞌI ꞌto na ɓa ꞌgangə tar dɔ ngon lokisi gə lə dəw wa? N-ar taar, ose n-oso kara to tar lə ꞌɓəə-eje. Ngaa n-a kar taar ja, mba singa Mbayɓe asə mba gəd-e.

Romaindjé 16:17

Ngan ko̰-mje, m-ndəji-si mba kar undaje kəm karə dɔ rɔ-si gə, mba nje kɔsə kudu kay naaje ngaɓa ꞌpa tar ꞌtuji ne neje gə ꞌtɔji-si d-ar njetakagəje d-uba ne netɔji nee le d-ḭya̰. May kar ɔrəje rɔ-si rɔ-je gə gugu.

1 Corinthiendjé 10:32

May kar ꞌtoje jigi tuga gɔl mba Jiibije ang nəm, mba dəwje gə ꞌgərə Luba ang ang nəm, mba Mbo̰ naa lə njetakagəje lə Luba ang nəm,

1 Corinthiendjé 11:13

Sisəy ja unjaje kəm tar gə nee le ar-je si j-o: To dɔ gɔl-ɛ kar jene dəji Luba lal tɔ dɔ-ɛ wa?

2 Corinthiendjé 5:14

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

2 Corinthiendjé 6:3

Sijee ja ɗa ne kara kar to jigi no dəw gə mba kar d-a kila ne tar dɔ kula lə-si ang.

Philippiendjé 1:10

To gə be ɓa mba kar ꞌgərəje ne ɗəw kɔr kəm ne gə may, gə ar-je ne ngadə ngaɓa kar tar uwa ne dɔ-si ndɔ təl gə lə Kirisi ang.

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

Jacques 2:4

Sisəy ɔrəje kəm naa horo-si gə ang ɓa kən wa? Ose ɔrəje kəm ne gə go tar kəji gə kṵra̰y ang wa?

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

1 Jean 2:10

Dəw gə njigi ngon ko̰-ɛ le, to dəw gə isi dan lokarə gə, n-a to jigi tunga lə-a ang.

Apocalypse 2:14

Ngaa, neje gə kɛm ɗaa, m-ila ne tar dɔ-i gə. Nje gə naaje ꞌga̰ mə kəy gə lə-i nee, gə cḭya̰ dɔ netɔji gə lə Balam gə ɔsə kudu Balak ar-ɛ iya kula uba ne ngan Ijirayɛlje mba kar-je d-usa da gə ꞌpolo ne d-ar magəje ꞌto ne njekayaje.