Romaindjé 13:9 - Mbede Lə Luba Kone Gə Sigi

⁹ Mba torondu gə na: ꞌI a ɓogo lo to ang, ꞌi a tɔl dəw ang, ꞌi a ɓogo ang, ꞌi a gangə tar kunda ta dəw gə ang, ꞌi a ɗa kəm kə̰y ang, ngaɓa torondu gə to ngaw ur toronduje ja na: ꞌI a njigi njemar-i to to gə darɔ-i ꞌi ja be.

Testament ke Siki 1960 (Kabba Laka)

⁹ Mbata tar ndedji pana, Ase kare eto loou to madjang ang, Ase kare etòl doou ang, Ase kare eboukou ang, Ase kare mè dai ang, tar nèn mbona ke mare tar ndedji ke kadaba, Ase kare i ndiki doou ke ndjè nin kei mari tokou i ndiki ròi ndja.

Romaindjé 13:9 ပူးပေါင်းရင်းမြစ်များ

Matiye 22:39

Njekum gə joo gə ta sə-a naa ɓa nee: ꞌNjigi njemar-i to gə darɔ-i be.

Marəke 10:19

ꞌGərə toronduje gə ne gə maj-ɛ wa: ꞌTɔl dəw ang; ꞌɓogo lo to ang; ꞌɓogo ang; ꞌgangə tar unda ta dəw gə ang; ərə dəw ang; ila ngon kuji dɔ bɔ-ije je gə ko̰-ije gə.

Marəke 12:31

Njekum gə joo ɓa nee: A njigi njemar-i to to gə darɔ-i be. Ndu gə ɗangə gə to ɓəəl ya̰ unda nje gə nee le godo.

Lugu 10:27

Dəw le ila kəne na: ꞋI a njigi Mbayɓe, Luba lə-i gə mə tɔ̰y, gə kəm lə-i tɔ̰y, gə singa-i tɔ̰y, gə kəji lə-i tɔ̰y; ngaɓa a njigi njemar-i to gə ꞌnjigi ne darɔ-i be.

Lugu 18:20

ꞌGərə ndu gə na: ꞌƁogo lo to ang, ꞌtɔl dəw ang, ꞌɓogo ang, ꞌgangə tar unda ta dəw gə ang, ila ngon kuji dɔ bɔ-ije gə ko̰-ije gə.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.