Romaindjé 13:8 - Mbede Lə Luba Kone Gə Sigi

⁸ Ar-je ɓangə lə dəw to dɔ-si gə ang, njigi ja baa ꞌnjigi-je naa gə yo gə nee; mba dəw gə njigi ngan mar-ɛje nama tɔl ta torondu.

Testament ke Siki 1960 (Kabba Laka)

⁸ Aridjé baange lo doou kada dé dòsè té ang, baa ta ndikina horosè té ke maredjé, mbata doou ke ndiki doou ke ndjè nin kei marè, nè ngem tar ndedji madji toï.

Romaindjé 13:8 ပူးပေါင်းရင်းမြစ်များ

Matiye 7:12

Be ɓa neje tɔ̰y gə sisəy njigije kar dəwje ꞌɗa mba-si le, sisəy kara ꞌɗaje bənəng ja mba-je tɔ, mba to torondu Moyiji nəm ɓa to tarje lə pajambərəje nəm tɔ.

Jean 13:34

M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Romaindjé 13:10

Sangə may lə njemar-i ja ɓa to njigi, mba njigi le to tɔl ta torondu.

Romaindjé 13:7

Na-na ja nama ar-ɛje ne gə ɔji dɔ-ɛ: Dəw gə kəm kar uga-je lar dɔ ne no-ɛ gə nama uga-aje, dəw gə kəm kar uga-je sə-a lar gədə ɓe nama uga-je, dəw gə kəm kar-si ꞌɓəəl-eje nama ꞌɓəəl-eje, dəw gə kəm kar-si ꞌɗɔy-ɛje nama ꞌɗɔy-ɛje.

Galatedjé 5:14

Be ɓa, torondu tɔ̰y le tɔl t-ɛ gə tar gə kara baa nee: ꞋI a njigi njemar-i to gə darɔ-i be.

Colossiendjé 3:14

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

Jacques 2:8

Tɔgərɔ ja, to gə ɓo sisəy ilaje kuji dɔ torondu gə ur dɔ mar-ɛje tɔ̰y, gə go tar gə Mbede pa na: ꞌNjigi njemar-i to gə darɔ-i be nama, ꞌɗaje gə dɔ gɔl-ɛ ja.

1 Jean 3:10

Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.