Romaindjé 13:12 - Mbede Lə Luba Kone Gə Sigi

¹² Londul aw nday ngaa, ɗaa lo aw arə tɔ. May kar j-a tɔrje neje gə londul gə rɔ-si gə gə gugu ɗaa j-odoje ne ɗɔje gə kar ɗɔ ne dan kara j-um-je rɔ-si gə.

Testament ke Siki 1960 (Kabba Laka)

¹² Londoul dé ngosi ta goto, ke kade dé ngosi ta téh. Tokou ban ase kare djòrou né koula ke londoul té, ke djoula né dòò lo lokarè.

Romaindjé 13:12 ပူးပေါင်းရင်းမြစ်များ

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

1 Corinthiendjé 10:11

Neje gə əng le ꞌɗe gə nekɔji mar-ɛ ngaɓa ꞌɗa mə mbede gə mba ndəji ne sijee gə j-isi dɔ ɗudu ndɔ gə.

1 Corinthiendjé 7:29

Ngan ko̰-mje, oje tar gə m-pa ɓa nee: Dɔ kar guji baa, un kud-e ɓisine ja, nje gə ꞌta jene kara may kar ꞌnja to to gə ꞌta ang be,

2 Corinthiendjé 10:4

Mba ne ɗɔje gə j-aw ɗɔ ne le, ngira-a ḭ darɔ gə ang, ngaa to neɗɔje gə singamong-e ḭ rɔ Luba gə mba tuji ne tɔ̰y gə ila sə-a karəw, sijee ja tuji kəji tarje gə baa pugudu.

2 Corinthiendjé 6:7

ɗəw pa tar gə tɔgərɔ, ɗəw singamongə gə lə Luba, ɗəw ne ɗɔje lə neɗa gə dana gadə gə kar kila ɗɔ ose kar ta ɗɔ gə,

Ephésiendjé 4:22

may kar ɔrəje darɔ gə ləw gə to gə pa nja-si gə kede ləw ɗəw ɓo neje gə ərə si ar-si ꞌtuji-je ne rɔ-si pugudu,

Ephésiendjé 5:11

ɓo undaje rɔ-si naa gə kara baa dɔ kula ɗaje gə lə cil ciməri gə aw kadə baa nee ang, ngaa ꞌceje gə gəl-je gə ɗaga.

Ephésiendjé 5:8

Sisəy le ɗaa, kede ləw ꞌtoje gə cil ciməri, ngaa ɓisine ɗaa ꞌtoje gə lokarə gə mə Mbayɓe gə ngaa. ꞌNjaje to gə ngan lokarəje be;

Ebərəje 10:25

J-ubaje mbo̰ naa lə-si j-ḭya̰-je to to gə nje gə kɛm d-aw ꞌɗa ne be ang, ngaa ar-si j-ula-je jingaw mə naa gə gə yo gə nee, mba oje to gə dɔ ndɔ nay əw ang baa.

Ebərəje 12:1

Be ɓa sijee kara, bula bo njetar najije gugu dɔ-si, ɗaa ar-si j-a ɗisije nekodo gə neɗa gə kṵra̰y gə dəbə-si guburu le, ɗaa j-uwaje gədərə dan nena gə to no-si gə,

Jacques 1:21

Gəl-e gə nee ɓa, to gə ɓo ɔsəje ne gə mina, gə neməyɛr gə al dɔ mar-ɛ ngərəng nam ɗaa, ꞌtaje tar gə a kasə kaji təbə lə-si, gə ꞌmaa dɔ ɓəngərə-si gə le gə mə kul yururu.

Jacques 5:8

Sisəy kara, uwaje mə-si ndəər, oreje ur-si ndəng, mba ndɔ ɗe lə Mbayɓe aw ɗe dəb ngaa.

1 Piyɛr 2:1

Ne ja gə ne gə kṵra̰y nama ɔsə-je ngərəng, ngaɓa kərə dəw, tar mula, ɗa mal ne gə pa tarje gə kṵra̰y dɔ dəw gə.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

2 Piyɛr 3:11

Mba neje nee tɔ̰y d-a kaw kunda nangə to gə be le ɗaa, may kar pa nja-si to gə losang-ɛ gə kila kuji dɔ ne gə lə Luba.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

Apocalypse 1:3

Nokarə to kar dəw gə tura mbede nee, ngaɓa rɔləl to kar nje gə ꞌtuga mbi-je d-o ne tarje gə to lokiya gə gə ꞌpa mə mbede gə nee, gə d-ila ngon kuji dɔ neje tɔ̰y gə d-uja kəne nee, mba dɔ kar gə Luba a kɔji kar neje nee a ɗe le nay njɛ̰ baa ngaa.

Apocalypse 22:10

Cibi n-pa n-ar-m na: Iya dɔ tarje lə pajambərə gə to mbede gə nee ang, mba dɔ kar nay dəb baa ngaa.