Romaindjé 13:11 - Mbede Lə Luba Kone Gə Sigi

¹¹ May kar ꞌgərəje dɔ ndɔ gə j-isije kəne nee gə maj-ɛ: To dɔ kar gə asə mba kar ꞌndol-je ne dɔ ɓi gə, mba logə j-un kudu ta kagə ja ɓa kaji to gə si dəb.

Testament ke Siki 1960 (Kabba Laka)

¹¹ Mbata dò tar té nèn, sésè egeridjé kade to to di wa, to kade asenga loshénè mbata losè ta ndol dò bi té, mbata kadji dé ngosiba loshénè wota ndò té ke leo ke djèdjè djo mèdjè té.

Romaindjé 13:11 ပူးပေါင်းရင်းမြစ်များ

Matiye 16:3

ngaa ɓo gə ndɔɔ-sḭ nama ꞌpaje na: Nji a kər ɓogəne ɗaa dara kasə mbo̰. Sisəy gə ꞌgərəje lo kunda rɔ ndaji dara ngaa mba ɗi ɓa asəje mba gərəje neje gə to kəm-si gə nda̰-nda̰ ang wa?

Lugu 21:28

Logə neje nee a kun kudu mba ɗa ne nama ar-je dɔ gɔl si gə ɓo ɔrəje dɔ-si gə taar mba kar ta dɔ-si nay dəb baa ngaa.

1 Corinthiendjé 10:11

Neje gə əng le ꞌɗe gə nekɔji mar-ɛ ngaɓa ꞌɗa mə mbede gə mba ndəji ne sijee gə j-isi dɔ ɗudu ndɔ gə.

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

Ephésiendjé 5:14

Mba ne tɔ̰y gə to gadəmagay gə le to lokarə. Gəl-e gə nee ɓa Mbede pa na: ꞌI gə ꞌcibi le, ꞌndol dɔ ɓi gə, Uba nangə ḭ horo nje gə d-uy gə, Ɗaa Kirisi a ndogo dɔ-i gə.

Jacques 5:8

Sisəy kara, uwaje mə-si ndəər, oreje ur-si ndəng, mba ndɔ ɗe lə Mbayɓe aw ɗe dəb ngaa.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

2 Piyɛr 3:11

Mba neje nee tɔ̰y d-a kaw kunda nangə to gə be le ɗaa, may kar pa nja-si to gə losang-ɛ gə kila kuji dɔ ne gə lə Luba.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.

1 Jean 2:18

Ngan-m gə gɔgɔ, oje, j-isi dɔbo̰ ndɔ gə, to gə sisəy oje tar-ɛ na nje kəm tar lə Kirisi aw ɗe; ngaɓa ɓogəne ne kara nje kəm tarje lə Kirisi bula ꞌga̰ nee, gəl-e gə nee ɓa sijee ja gərə ne to gə dɔbo̰ ndɔ ɗe nam.

Apocalypse 1:3

Nokarə to kar dəw gə tura mbede nee, ngaɓa rɔləl to kar nje gə ꞌtuga mbi-je d-o ne tarje gə to lokiya gə gə ꞌpa mə mbede gə nee, gə d-ila ngon kuji dɔ neje tɔ̰y gə d-uja kəne nee, mba dɔ kar gə Luba a kɔji kar neje nee a ɗe le nay njɛ̰ baa ngaa.

Apocalypse 22:10

Cibi n-pa n-ar-m na: Iya dɔ tarje lə pajambərə gə to mbede gə nee ang, mba dɔ kar nay dəb baa ngaa.

Apocalypse 22:12

A o, m-aw m-ɗe ɓisine baa, ngaɓa m-ɗe gə nekuga dɔ ji lə-m kara dɔ-m gə, mba kar na-na kara m-uga-a ne ɔji dɔ kula ɗ-ɛ ɗ-ɛ.

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!