Romaindjé 12:8 - Mbede Lə Luba Kone Gə Sigi

⁸ Kar njendəji dəwje nama ore kəm-e kəne; ɓo nje kun ne kar dəwje nama un gə kɔsə rɔ ang; ɓo nje kun dɔ kulaje nama may kar rɔ-je ɔlɛ kəne pɛl-pɛl; kar nje ɗa məmay nama ɗa məmay gə rɔləl.

Testament ke Siki 1960 (Kabba Laka)

⁸ Doou ke ndedji doou, ase kounda mèa dò tar ndedji té la, doou ke are né, ase kare nè nare né ke mè ke ndiki, doou ke ngem né, ase ngem madji, doou ke da mè madji, ase ta da ke rònèl.

Romaindjé 12:8 ပူးပေါင်းရင်းမြစ်များ

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 13:12

Be ɓa ne gə ce dɔ njembɛ̰ gə nee le cɛdə singa njeko̰ ɓe le ar ta kagə mba tar lə Mbayɓe gə ꞌtɔji le cɛdə singa-a.

Koula 13:15

Logə ꞌtura torondu ngaɓa tar pajambərəje d-ila nangə ɗaa njeko̰ dɔ kəy nendoje ula pa ar-je na: Sisəy ngan ko̰-si, ɓo tar gə kar kula jingaw mə dəwje gə to ta-si gə nama ꞌpaje.

Koula 15:32

Go-e gə ɗaa Judas ngaɓa Silas nəm, ꞌto pajambərəje tɔ ɗaa d-un tar ꞌpa d-ula ne jingaw mə ngan ko̰ naaje gə to gə ɗangə ja cibi.

Koula 20:2

Logə n-aw nday mə dɔ nangə gə nee le ɗaa n-ula jingaw mə-je gə gə tarje ya̰ ngaɓa n-aw n-ce ɓeko̰ gə Gərɛsə gə.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 4:36

Jəjəb gə njeka̰ykulaje d-unda ri-a na Barənabas gə kɔr m-e na dəw gə njekula jingaw mə dəwje gə, n-to gə gəl kuji Lebi gə, ɓe lə-a Sipərə,

Romaindjé 12:13

May kar-si ꞌlaje gə njerɔsangəje gə neje gə d-aw ndoo-e. May kar uwa-je mbaje gə kede-kede.

Romaindjé 13:6

Gəl-e gə nee ɓa, uga-je ne lar gədə ɓe. Mba nje gə ꞌmbo̰ lar gədə ɓe nee le Luba ja unda-je ɔji dɔ kula gə nee le.

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

1 Corinthiendjé 14:3

Ngaa dəw gə pa tar gə pajambərə le, pa ar ne dəwje singa nəm, n-ula ne jingaw mə-je gə, ngaɓa n-dəji-je ne nəm tɔ.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 11:3

Be ja kara, ɗəw kara baa to gə li ərə ne Ɛbə gə gusu le, kar-m gədə-m gədə mba kar kəji lə-si turu buguju ngaɓa ɔsə-si ila-si əw gə lo kum naa gə lə-si, gə lo sangə rɔ gə lə-si mba Kirisi.

2 Corinthiendjé 8:12

To gə ɓo dəw gə kəji lə-a to gə maj-ɛ, ɓa un ne gə ji-a gə ar nama, Luba ɓar Tar gə May dɔ-ɛ gə, ɓo ɔji dɔ ye gə godo ji-a gə ang baa.

2 Corinthiendjé 9:11

Be ɓa sisəy a toje njenekingaje ɗəw neje ɓədə-ɓədə gə ɔji dɔ nenujije dang-dang gə a to neɗa oyo Luba, ɗəw gə lə-sijee.

2 Corinthiendjé 9:13

Logə dəwje d-o singa kula gə ꞌɗaje nee ɗaa, d-ila ne riɓar dɔ Luba gə ɔji dɔ kila kuji lə-si dɔ Tar gə May gə lə Kirisi gə ta-je, ngaɓa ɔji dɔ nenuji kar mə kara gə ꞌɗaje gə je, ngaɓa gə dəwje tɔ̰y.

2 Corinthiendjé 9:7

May kar na-na kara arə ne to gə əji m-e gə, gə məko̰ ang nəm ngaɓa gə singa ang nəm tɔ, mba Luba njigi dəw gə ar ne gə rɔləl.

Ephésiendjé 6:5

Ngan lokisije ilaje kuji dɔ ꞌɓəə-sijee gə ɗəw darɔ gə, gə ꞌɓəəl gə kisa gə mə gə dana gadə, to gə ꞌɗaje ne gə Kirisi be tɔ;

Colossiendjé 3:22

Ngan njekulaje, dan neje gə tɔ̰y le, ilaje kuji dɔ ꞌɓəə-sijee gə gə go ɗəw gə darɔ gə, ɓo ꞌɗaje mba ta kəm-je ang to to gə aw sangəje mba mayje ne ta kəm dəwje gə, ngaa ꞌɗaje gə mə gə may ꞌɓəəlje ne Mbayɓe.

1 Thessaloniciendjé 2:3

Tar ndəjije lə-sijee le, j-ar gə mbɔr-ɛ baa ang nəm, gə kəji gə mina ang nəm ɓa j-a ɗa gə gusu baa ang nəm tɔ;

1 Thessaloniciendjé 2:8

J-a njigi sisəy ya̰ le ɗaa, j-a njinga rɔ-si mba kila mbərə Tar gə May lə Luba ja kara baa kar-si ang, ngaa darɔ təbə lə-sijee ja kara j-a kun kar-si mba j-a njigi-si j-ar al dɔ lo sula.

1 Timoce 4:13

Kede nam ɓa kar-m m-ɗe m-inga-i ɗaa, ula rɔ-i mbiriri lo tura Mbede gə lə Luba, lo kula jingaw mə-je ngaɓa lo netɔji gə tɔ.

1 Timoce 5:17

May kar ngatɔgəje gə d-o̰ dɔ kula gə maj-ɛ le, njetakagəje d-a kila riɓar dɔ-je gə gɔl joo, nje gə d-ula rɔ-je ndubu ɗəw pa tar gə lə Luba ngaɓa ɗəw netɔji gə ja ɓa.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Ebərəje 10:25

J-ubaje mbo̰ naa lə-si j-ḭya̰-je to to gə nje gə kɛm d-aw ꞌɗa ne be ang, ngaa ar-si j-ula-je jingaw mə naa gə gə yo gə nee, mba oje to gə dɔ ndɔ nay əw ang baa.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Ebərəje 13:22

Ngan ko̰-mje m-dəji-si kar uwa-je tar ndəji gə nee le gədərə, mba m-ɗa mbede gə nee le njɛ̰ baa m-ar-si.

Ebərəje 13:24

May kar oje njekɔr no-sijee tɔ̰y ar-mje gə njerɔsangəje tɔ̰y tɔ. Nje gə Itali d-o si.

Ebərəje 13:7

Ar-je mə-si ole dɔ njekɔr no-sijee gə ꞌpa tar lə Luba d-ar-si, ꞌtənje pa nja-je saar ce ne dɔ ndɔ yo-je gə ɗaa ꞌndəjije takagə lə-je.