Romaindjé 12:6 - Mbede Lə Luba Kone Gə Sigi

⁶ Ngaa, gusu lə-si dang-dang gə go mənuji gə j-inga, ɓo to gə gusu kila mbərə lə Luba nama may kar uwa buwa takagə ɓa;

Testament ke Siki 1960 (Kabba Laka)

⁶ Ke mbata djèdjè djéh ke né kare ba dang dang deo tòkou mè madji té ke daredjè, tokou to tar ke Allah oula, ase kare djèdjè ntòdjou tar ke Allah oula né, ase deo ko mè té lodjè.

Romaindjé 12:6 ပူးပေါင်းရင်းမြစ်များ

Matiye 23:34

Gəl-e gə to gə be ɓa m-ula ne pajambərəje, gə njekəm karəje, gə njekɔr gəl toronduje horo-si gə. Ɗaa a tɔlje nje gə kɛm gə a ɓərəje nje gə kɛm kagə dəsə gə, cibi a kundaje nje gə kɛm gə ndəy abəlay mə kəy nendo gə, cibi ɓa a ndoleje-je gə ɓe-ɓe mba kula kəm-je ndoo.

Matiye 25:22

Ngon njekula gə nje kinga mbɛl gə kula joo le ɗe tɔ ɗaa pa na: ꞌƁəə-mje, ar-m mbɛl kula joo, a m-inga mar-ɛ kula joo m-um kəne nee.

Lugu 11:49

Gəl-e gə nee ɓa Luba pa gə kəm karə na: M-a kula pajambərəje gə njeka̰ykulaje kar-je, ɗaa d-a tɔl-je nje gə kɛm ngaɓa d-a kula kəm nje gə kɛm ndoo tɔ,

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 15:32

Go-e gə ɗaa Judas ngaɓa Silas nəm, ꞌto pajambərəje tɔ ɗaa d-un tar ꞌpa d-ula ne jingaw mə ngan ko̰ naaje gə to gə ɗangə ja cibi.

Koula 2:17

Luba pa na dɔ ndɔje gə gugu nama, Dəw gə ɗa-ɗa kara Njil-m a kuru m-e gə, Ngan-si gə jingaw gə ngan si jene d-a kila mbərə M-a pa tar gə basa̰je d-a ko ne lo kiya gə Ngaɓa ɓugaje kara m-a pa gə je tar gə ni tɔ.

Koula 21:9

Ngan-ɛ gə ngan mandə ꞌmbakumje sɔɔ ꞌga̰ ɓe lə-a, d-ar ꞌpa tar gə pajambərəje

Romaindjé 1:11

Mba m-njinga rɔ-m ya̰ mba ko-si, mba kar-si inga-je ne gusu gə ɗəw njil gə ɓəəl ɓa, mba kar uba-je ne singa,

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

1 Corinthiendjé 12:18

Ngaa Luba unda bar kəm rɔ dang-dang darɔ gə to gə m-e njigi.

1 Corinthiendjé 13:2

Ngaɓa to gə ɓo m-pa tar gə pajambərə, m-gərə gəl neje tɔ̰y gə to lokiya gə ngaɓa gərə ne tɔ̰y, to gə ɓo m-ta kagə gə mə-m tɔ̰y, ar asə kar m-ngɛsə ne dɔ ərje ɓa, to gə ɓo njigi godo mə-m gə nama m-to ne gə baa.

1 Corinthiendjé 14:1

May kar-si oreje kəm-si dɔ njigi gə. Ar-je ɓo neje kar Njil ɓa oso ur-si tɔ, ngaa ye gə kar pa tar gə pajambərəje ja ɓa.

1 Corinthiendjé 14:24

To gə ɓo dəwje tɔ̰y ja d-ar ꞌpa tar gə pajambərə ngaɓa njetakagə ang ose dəw gə baa ja ɗe ce dɔ-je ɗaa tarje gə n-o a mbudu dɔ ɓəngər-e, ngaɓa a kar n-ɔr ne kəm ne gə go tar lə-si tɔ̰y.

1 Corinthiendjé 14:29

Ɔji dɔ pa tar gə pajambərəje le ɗaa, may kar dəwje joo ose munda ꞌpa tar nama, nje gə kɛm d-unja kəm-e,

1 Corinthiendjé 3:5

Apolos ɓa to gə ɗi wa? Pɔl ɓa to gə ɗi wa? ꞌTo gə njekulaje gə ɗəw gə lə-je ɓa ꞌta-je ne kagə, gə go ɗəw gə Mbayɓe ar-je ne ne kara kara.

1 Corinthiendjé 7:7

M-njigi kar dəwje tɔ̰y ja d-aw to gə ꞌma be, ngaa na-na kara Luba ar-ɛ gusu gə ɔji dɔ-ɛ ye ja, gə go mənuji lə-a. Be ɓa dəw gə nee to gə be, dəw gə kən to gə bənəng.

2 Corinthiendjé 8:12

To gə ɓo dəw gə kəji lə-a to gə maj-ɛ, ɓa un ne gə ji-a gə ar nama, Luba ɓar Tar gə May dɔ-ɛ gə, ɓo ɔji dɔ ye gə godo ji-a gə ang baa.

Ephésiendjé 3:5

Ne gə to lo kiya-a gə nee le, Luba ar kəm nje gə kede ləw unja dɔ-ɛ gə, to gə n-kila ne dɔ-ɛ ɓisine ɗəw njil gə n-ar njeka̰ykulaje gə ꞌto gə losang-ɛ gə pajambərəje lə-a be ang baa:

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

Philippiendjé 3:15

Sijee tɔ̰y gə ja to dəwje gə may pɛdə le may kar kəji gə to gə be ɓa to mə-si gə, ngaa ɓo kəji lə-sisəy to dangə dɔ neje gə kɛm gə kara Luba a kila gəl-e gə ɗaga kar-si ɓi.

1 Thessaloniciendjé 5:20

ꞌDabəje tar gə ta pajambərəje gə ang;

2 Piyɛr 1:20

ꞌGərəje kede nam to gə tar gə pajambərəje pa mə mbede gə le, dəw kara ja asə kɔr gəl-e gə kəm karə lə-a ang,