Romaindjé 12:2 - Mbede Lə Luba Kone Gə Sigi

² May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Testament ke Siki 1960 (Kabba Laka)

² Etouridjé ròsè deo té ke nange nèn ang, a etouridjé ròsè deo té lo tél kedji losè ke siki, ta karesè egeridjé né ke Allah ndiki, né ke to madji ase kèmè ke to madji toï.

Romaindjé 12:2 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Marəke 4:19

ngaa no rɔ gə ɔji dɔ ne gə nangə nee, gə ɓo nekingaje gə dɔ nangə nee, kəm kə̰y neje dang-dang ɗe udu dɔ tar lə Luba gə d-o le ngaɓa ɗa ar kand-e godo.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 15:19

To gə ɓo ꞌtoje gə dɔ nangə gə nee nama dɔ nangə le ne gə to gə k-ɛ ye ɓa njigi. To gə ɓo dɔ nangə ndɔɔl-si nama, mba sisəy ꞌtoje gə njeka-ɛje ang, ngaɓa ꞌma ɓa m-mbərə-si mə dɔ nangə gə tɔ.

Jean 17:14

M-pa tar lə-i m-ar-je ɗaa dɔ nangə njigi-je ang gə kɔrɔ mba ꞌtoje gə dɔ nangə gə nee ang ɗəw kara baa to gə ꞌma kara m-to gə dɔ nangə gə nee ang tɔ.

Jean 7:7

Dəwje d-a kasə ndɔɔl-si ang; ngaa ꞌma ɗaa ꞌndɔɔl-m mba m-ɗa tar naji lə-je to gə kula ɗa-je kṵra̰y.

Romaindjé 12:1

Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Romaindjé 7:12

Be ɓa torondu to gə losang-ɛ, ngaɓa ndu kara to gə losang-ɛ, to gadə-gadə ngaɓa may nəm.

Romaindjé 7:14

Be ɓa j-a gərə to gə torondu le to ne gə ɗəw njil gə, ngaa ꞌma m-to dəw, ꞌɗabə-m d-ar neɗa gə kṵra̰y.

Romaindjé 7:22

Mba rɔ-m ndɔɔ dɔ torondu gə lə Luba dɔ ɓəngərə-m gə kəy,

1 Corinthiendjé 3:19

Mba kəm karə gə dɔ nangə nee le to ne mbə kəm Luba gə. ꞌƊa mə mbede gə tɔ, na: N-uwa njekəm karəje dɔ gusu gə lə-je

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 5:17

Be ɓa, ꞌnjaje dɔ mbə gə baa ang, ngaa ꞌgərəje se ɗi ɓa to gə mə njigi lə Mbayɓe wa?

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 3:10

Be ɓa unje pa nja gə sigi gə aw dɔ-ɛ gə kede-kede mba kun ne ndaji njekunda gəl-e mə-si gə mba kar ꞌgər-eje ne ɔr njal.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 4:3

Ne gə Luba njigi le, to sangə rɔ lə-si, kar ɔsəje kaya ngərəng,

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Jacques 1:27

Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

1 Piyɛr 1:14

ꞌƊaje to gə nganje gə d-ila kuji, ɗaa ꞌnjaje gə go ɓo neje gə d-o̰ dɔ-si to gə kede ləw d-o̰ ne dɔ-si dɔ mbə gə le ang;

1 Piyɛr 1:18

ꞌGərəje to gə d-un neje gə a tuji, gə to lar ose maa ɓa ndogo-si ne ɗəw pa nja gə kṵra̰y gə, gə bɔ-sijee-je d-ḭya̰ gə nenduba d-ar-si le ang,

1 Piyɛr 2:3

to gə ɓo ꞌnaje to gə Mbayɓe may ya̰.

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

1 Jean 3:13

Ngan ko̰-mje, to gə ɓo dɔ nangə nee njigi-si ang gə kɔrɔ nama, oje gə ne gə sigi ang.

1 Jean 5:19

Sijee j-a gərə to gə j-a to kar Luba, ɗaa dɔ nangə nee tɔ̰y to gəl njeməkṵra̰y gə.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:8

Dəwje tɔ̰y gə d-isi dɔ nangə gə nee, gə ri-je godo mə mbede təbə gə lə ngon badəm gə d-uja-a gə ne məsə, un kud-e lo kunda gəl nangə gə ja, d-a pol-e ꞌne gə da le.