Romaindjé 12:12 - Mbede Lə Luba Kone Gə Sigi

¹² ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

Testament ke Siki 1960 (Kabba Laka)

¹² Isidjé ke rònèl mè tar ngebe té losè, aridjé mèsè enge ang ke mè né ongou té, ïyaidjé ke ta doudjou Allah ang.

Romaindjé 12:12 ပူးပေါင်းရင်းမြစ်များ

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Lugu 10:20

Be ja kara, ɗaje rɔləl mba njilje gə d-ula dɔ-je d-ar-si ang, ngaa ꞌɗaje rɔləl mba Luba ɗa ri-si mə mbede gə dara.

Lugu 21:19

Uwaje gədərə ɓa a kingaje təbə ɓi.

Lugu 8:15

Kandə kər gə um dɔ nangə gə may gə le to dəwje gə ꞌta tar gə mə gə may gə to dana gadə. ꞌNgom nəm, d-ila ngon kuji dɔ-ɛ gə d-ar kand-e to.

Koula 1:14

ꞌJejee nee tɔ̰y, d-uwa dɔ naa taar-taar ꞌdəji Luba gə mə kara, d-uwa dɔ naa gə jeneje gə kɛm, gə Məri gə ko̰ Jeju-je ngaɓa gə ngan ko̰ Jeju.

Koula 12:5

Piyɛr le ꞌngəm-e kəy kula gə ngaa Mbo̰ naa lə njetakagəje kara d-uwa gədərə gə dəji Luba mba tar lə-a tɔ.

Koula 2:42

Be ɓa gə ndɔ-ndɔ ja ꞌɗe d-ar njeka̰ykulaje ꞌndo-je ne, gə ꞌɗa mə kara, ꞌcɛdə mbə naa gə nəm ngaɓa ꞌdəji Luba naa gə nəm tɔ.

Koula 6:4

Be ɓa sijee ɗaa, j-a kore kəm-si dɔ dəji Luba gə, gə dɔ kula pa tar gə lə-a.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 8:25

Ngaa to gə ɓo j-unda mə-si dɔ ne gə j-o ang gə nama may kar j-uwa gədərə dɔ ngina-a gə.

1 Corinthiendjé 13:13

Be ɓa ɓisine neje gə munda nee le ga̰: Takagə, kunda mə, njigi, ngaa ne gə to ɓəəl ya̰ ja to njigi.

2 Corinthiendjé 12:8

Gɔl munda ja m-ɗa Mbayɓe kɔgərɔ kar ɔr-ɛ rɔ-m gə gə ɗangə,

Philippiendjé 3:1

Tar gə ɗangə gə m-a pa ɓa nee: Ngan ko̰-mje, ꞌɗaje rɔləl ɗəw gə lə Mbayɓe. Kar m-ɗa mbede m-pa ne tar gə njekara baa ja m-ar-si ɓi le, jɔgə-m ang, mba to may lə-sisəy.

Philippiendjé 4:4

ꞌƊaje rɔləl jaga-jaga ja ɗəw gə lə Mbayɓe; m-təl m-pa ja cibi, ꞌɗaje rɔləl.

Colossiendjé 1:11

Mba kar ubaje ne singa gə go singamongə riɓar lə-a, kar uwaje ne gədərə ngaɓa ilaje ne mə-si dɔ mar-ɛ gə tɔ.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

Colossiendjé 4:2

Uwaje dəji Luba gədərə, oreje kəm-si ndəng kəne ꞌɗaje ne oyo.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Thessaloniciendjé 5:8

Ngaa sijee gə ja to nje nja dan kara-je le, j-undaje kəm karə dɔ rɔ-si gə: J-ulaje kubu ɗɔ gə ngira king-king kar takagə, gə kar njigi ngaɓa jɔgə kar kunda mə lə kaji.

2 Thessaloniciendjé 1:4

Be ɓa, rɔ-si ləl-si dɔ sisəy gə horo Mbo̰ naaje lə njetakagəje le Luba, mba uwaje gədərə gə takagə lə-si dan nekəmandooje gə, gə dan ꞌməsərəje gə ce dɔ-si gə.

2 Thessaloniciendjé 3:5

May kar Mbayɓe turu mə-si gə njigi gə lə Luba, ngaɓa gə kuwa gədərə gə lə Kirisi tɔ.

1 Timoce 6:11

ꞋI dəw lə Luba le, may kar a̰y neje nee le. May kar ꞌsangə ne gə gadə-gadə, ɗəw kila kuji dɔ ne gə lə Luba, takagə, njigi, kuwa gədərə ngaɓa gə mə gə kul lom.

2 Timoce 3:10

Be ɓa ꞌi le, ore kəm-i ndəng o ne pa nendo gə m-ndo dəwje, o pa nja-m, ꞌgərə gəl kula gə m-gɔl, ꞌgərə go takagə lə-m, gə kore ur ndəng lə-m, gə njigi gə m-njigi dəwje, gə kuwa gə m-uwa gədərə,

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Ebərəje 12:1

Be ɓa sijee kara, bula bo njetar najije gugu dɔ-si, ɗaa ar-si j-a ɗisije nekodo gə neɗa gə kṵra̰y gə dəbə-si guburu le, ɗaa j-uwaje gədərə dan nena gə to no-si gə,

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

Ebərəje 6:12

ɓo ꞌdabəje dɔ-ɛ gə ang ngaa may kar-si ꞌndəjije kəm nje gə d-uwa gədərə gə go takagə gə ɓa d-inga ne nenduba gə d-uwa dɔ gɔl-ɛ le.

Ebərəje 6:15

Be ɓa mba Abəraham uwa gədərə le ɗaa, inga ne gə d-uwa dɔ gɔl-ɛ d-ar-ɛ le.

Jacques 5:7

Ngan ko̰-mje, uwaje mə-si ndəər, saar ndɔ ɗe lə Mbayɓe. Oje njendɔ ngəbə kandə ne gə ar yororo gə ye gə dubu nangə, uwa məndəər saar kar-ɛ inga man nji gə dɔngɔr, gə ta ngaw nji gə, gə ye gə ɗudu gə dɔ nay gə.

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

2 Piyɛr 1:6

ko̰ dɔ darɔ ɔsə kudu negərə, kuwa gədərə ɔsə kudu ko̰ dɔ darɔ, kila kuji dɔ ne gə lə Luba ɔsə kudu kuwa gədərə,

Apocalypse 13:10

To gə ɓo dəw gə kar d-uwa-a ɓərə nama d-a kuwa-a ɓərə. To gə ɓo dəw gə kar ꞌtɔl-ɛ gə kiya bayi nama d-a tɔl-ɛ gə kiya bayi. Kar gə nee le, to kar gə kar njerɔsangəje d-uwa gədərə dɔ takagə gə.