Romaindjé 12:1 - Mbede Lə Luba Kone Gə Sigi

¹ Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

Testament ke Siki 1960 (Kabba Laka)

¹ Tokou ban mam ndedjisè, ngakömdjé, deo ndiki té lo Allah, aridjé ròsè tokou né polo ke tébe, ke madji toï ase kem Allah té, yèn to koula lo ndii ke asesè.

Romaindjé 12:1 ပူးပေါင်းရင်းမြစ်များ

Lugu 7:47

Gəl-e gə nee ɓa, m-pa m-ar-i, neɗaje gə kṵra̰y lə-a gə bula le Luba ɔr tar-ɛ dɔ-ɛ gə, mba n-tɔji njigi gə to m-e gə. Ngaa to gə ɓo Luba ɔr tar neɗa gə kṵra̰y dɔ dəw gə njɛ̰ baa nama dəbe nee le tɔji njigi gə to m-e gə njɛ̰ baa ja tɔ.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 15:30

Ngan ko̰-m, m-ndəji-si gə ri Mbayɓe lə-si Jeju Kirisi ngaɓa gə go njigi lə Njil, kar ilaje dər mar-ɛ gə ar-mje, ɗəw dəji gə a dəjije Luba gə mba-m,

Romaindjé 2:4

Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa?

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:16

ꞌGərəje ang wa? Logə unje rɔ-si ilaje mə ji dəw gə gə ɓərə lə-a mba kila ne kɔji dɔ-ɛ gə nama, ꞌtoje ɓərəje lə dəw gə ilaje kuji dɔ-ɛ gə nee le, gə kar neɗa gə kṵra̰y gə ce yo, ose kila kuji gə ce neɗa gə gadə-gadə gə.

Romaindjé 6:19

M-pa tar ji dəwje mba darɔ-si mbɔr-ɛ gə mbɔr-ɛ. Ɗəw kara baa to gə unje bar kəm rɔ-sijee gə ɓərə lə ne gə mina gə neɗa gə dɔ buguru saar ꞌce-je ne dɔ ngang gə, be ɓa ɓisine ɗaa may kar unje bar kəm rɔ-sijee gə ɓərə lə neɗa gə gadə-gadə, mba ce ne dɔ sangə rɔ gə.

Romaindjé 9:23

Ngaɓa mba kar ꞌgərə ne nebaw riɓar lə-a gə ɔji dɔ bayje gə kar məmay gə gə n-gɔl kede mba rɔnduba.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 4:1

Gəl-e gə nee ɓa, kula gə Luba um ji-si gə go məmay gə lə-a le, sijee j-ila ne kasə ang.

2 Corinthiendjé 4:16

Gəl-e nee ɓa, sijee j-ila kasə ang. Ngaa to gə ɓo da kasə rɔ-si gə ɗaga tuji kara, təbə gə to mə-si gə le a təl to sigi gə ndɔ gə ndɔ.

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 5:10

ꞌSangəje ɗəw mba gərə ne gə mə Mbayɓe njigi;

Philippiendjé 1:20

gə go ne gə m-aw ngina ngaɓa gə go kunda mə lə-m ɗaa rɔ kul kara kara a kuwa-m ang. Ngaa ɓisine saar gə kede le d-a pidi Kirisi ɗəw gə lə-m gə ɓəəl ang, uji ne kuy lə-m ose kisi gə təbə lə-m;

Philippiendjé 2:17

Ngaa, le to gə m-nuga rɔ-m kadə m-ɔsə ne dɔ kar-sisəy gə dɔ kula takagə lə-si gə to nepolo gə nenuji kara, m-ɗa rɔləl-e ngaɓa m-təl m-ɗa gə sisəy tɔ̰y;

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

1 Thessaloniciendjé 4:10

Ɗaa to ne gə nee le ja tɔ ɓa ꞌɗaje gə ngan ko̰-si gə gə Masedowan tɔ̰y. Be ja kara j-ula jingaw mə-si gə kar ꞌɗaje ya̰ gə kede ja cibi,

1 Thessaloniciendjé 5:12

Ngan ko̰-mje, j-a dəji-si kar ilaje kuji dɔ nje gə d-aw ɗa kula horo-si gə, gə d-ɔr no-si ɗəw gə lə Mbayɓe ngaɓa d-aw ndəji-si.

1 Timoce 2:3

Ye gə nee le ɓa to ne gə may ngaɓa to ne gə to ngira rɔləl lə Luba, Njekaji-si.

1 Timoce 5:4

Ngaa to gə ɓo jene nduba gə ngan-ɛ ose ngan k-ɛ ga̰ nama, may kar d-ila kuji dɔ ne gə lə Luba ɔji mə kəy gə lə-je; Ye ɓa to ɗəw təl gə ne kar njekuji-jeje gə d-odo-je kede, mba to ne gə may ta kəm Luba gə.

Pilimo 1:10

m-oso kul no-i mba ngon-m Onejim gə m-uj-e kəy kula gə,

Pilimo 1:9

m-njigi koso kul no-i gə ri njigi, m-dəji ne kara. ꞌMa Pɔl, gə m-tɔgə ngaɓa mə kar gə ne ɗaa m-to kəy kula gə lə Kirisi Jeju,

Ebərəje 13:22

Ngan ko̰-mje m-dəji-si kar uwa-je tar ndəji gə nee le gədərə, mba m-ɗa mbede gə nee le njɛ̰ baa m-ar-si.

1 Piyɛr 2:20

To gə ɓo d-ula kəm dəw ndoo mba kula ɗ-ɛ gə kṵra̰y le se, riɓar gə ban ɓa nj-ɛ a kinga wa? Ngaa to gə ɓo ꞌɗaje may ɓa uwaje gədərə dan ꞌməsərə gə nama, to ne gə may ta kəm Luba gə.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;