Romaindjé 11:25 - Mbede Lə Luba Kone Gə Sigi

²⁵ Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

Testament ke Siki 1960 (Kabba Laka)

²⁵ Mam ndiki ta kare egeridjé gel tar ke yarè nèn, ngakömdjé, ta kare oundaidjé mèsè gousou té losè ndja ang, mbata maredjé ke horo Israël té mèdè ngeng nderèng Gentildjé ande mè té ase mbä.

Romaindjé 11:25 ပူးပေါင်းရင်းမြစ်များ

Matiye 13:11

Jeju ila-je kəne na: Luba ar-sisəy ꞌgərəje tar ɓeko̰ gə dara gə to lokiya gə, ngaa n-ar ꞌjeje ꞌgərə ang,

Lugu 21:24

D-a tɔl-je gə kiya bayi nəm, d-a kuwa-je ɓərə kaw gə je gəl kuji dəwje gə tɔ̰y, ɗaa njeba̰a̰je d-a lagə ɓe gə Jerujalɛm gə gɔl-je lag-lag saar, mba kar dɔ kar gə d-uwa d-ɔji ne dɔ gəl kuji dəwje asə.

Jean 10:16

Badəmje lə-m gə ɗangə ꞌga̰ kəne əng ɓi gə ꞌgodo mə kinga gə nee ɗaa ꞌje gə kən kara, may kar-m m-ɗe gə je; d-a ko ndu-m ɗaa d-a kum naa gə kuduɓe kara baa ngaɓa njekuul-je kara kara baa tɔ.

Romaindjé 1:13

Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Romaindjé 11:12

Ngaɓa to gə ɓo koso lə-je to nebaw lə dɔ nangə nee, ngaɓa kɔr rɔ gə gugu lə-je to may lə dəwje gə ꞌto Jiibije ang nama, ɗi ɓa a may kunda təl gə d-a təl gə kar ꞌjejee d-inga kaji barang tɔ wa?

Romaindjé 11:24

To gə ɓo ꞌi, gə ꞌto bar kəm kagə olibiye gə muu, gə lo kunda rɔ-i gə uba ne, ɓa ꞌgang-i ꞌɗe ꞌnam-i dɔ kagə olibiye gə ɓee gə, ngaa ɓədə ɓa ꞌjejee gə ꞌto bar kəm-eje gə kuji kəy ne le d-a təl nam-je kəne gugu ang wa?

Romaindjé 12:16

Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

Romaindjé 9:18

Be ɓa, n-ɗa məmay gə na-na kara gə mə njigi lə-a ꞌne ja, ngaɓa na-na kara n-ar m-e kədərə gə go mə njigi lə-a ꞌne ja tɔ.

1 Corinthiendjé 10:1

Ngan ko̰-mje, ne gə m-njigi kar-si ꞌgərəje ɓa nee: Ka-sijee le nja tɔ̰y gəl kil gə lə nji ngaɓa ꞌnday mə babo gə,

1 Corinthiendjé 12:1

Ngan ko̰-mje, ꞌye gə ɔji dɔ neje gə kar njil le ɗaa, m-njigi kar isije kəne dɔ mbə gə ang.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

1 Corinthiendjé 4:1

Be ɓa may kar d-o sijee gə njengom ne lə Kirisi ngaɓa nje ka dɔ neje lə Luba gə to lokiya gə.

Ephésiendjé 1:9

ꞌNe ɓa n-ɗa n-ar-sijee j-a gərə ne gə to lo kiya-a gə ɔji dɔ mə njigi lə-a nəm, ne gə m-e ɔji gə n-uwa dɔ gɔl-ɛ ɗəw gə lə Kirisi,

Ephésiendjé 3:9

ngaɓa gə mba tɔji kar-ɛ arə ngadə, se to gə ban ɓa Luba gə njekunda ne tɔ̰y le, ɗa ne ne gə to lo kiya-a gə n-ngom m-e gə kede ləw baa le wa;

Ephésiendjé 4:18

Tar kəji lə-je unja wərəng ang, ꞌto gə njembaaje gə ɔji dɔ kisi kəm baa gə ḭ rɔ Luba gə mba negərə ang lə-je gə məkədərə lə-je tɔ.

2 Piyɛr 3:8

Ngaa, sisəy gə m-njigi-si ya̰, ne kara to kəne əng gə kar mə-si uy ang: no Mbayɓe gə le, ndɔ kara to to gə ɓal tɔl-tɔl dɔg ngaɓa Ɓal tɔl-tɔl dɔg, to to gə ndɔ kara baa be;

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 10:7

Ngaa mə ndɔje gə anji gə njekum gə siri a to kuul ɗaa, ye əng ɓa nemisi lə Luba a kaw lo-e gə yɛrɛrɛ, gə go Tar gə May gə n-pa n-ar njekulaje lə-a gə ꞌto gə pajambərəje.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,