Romaindjé 11:20 - Mbede Lə Luba Kone Gə Sigi

²⁰ Tɔgərɔ ja; ꞌndər-je mba takagə lə-je godo, ngaa ꞌi le, takagə ɓa uwa ji-i joo. May kar ɔsə rɔ-i ang ɗaa ꞌɓəəl gə ɓəəl;

Testament ke Siki 1960 (Kabba Laka)

²⁰ Yèn to tokoro. Ntoukadè mbata dèdè do mèdè té ang, a i nai ngäi deo ko mè té ba. Tokou ban ndoi ròi ang, a eda bel.

Romaindjé 11:20 ပူးပေါင်းရင်းမြစ်များ

Lugu 18:14

Jeju pa dɔ mar-ɛ gə cibi na: M-pa m-ar-si, njembo̰ lar gədə be nee le aw kəy lə-a gə maj-ɛ, tar ɔr dɔ-ɛ gə, ngaa ye gə kara ɗa bənəng ang baa, mba dəw gə ɗa-ɗa gə unda dɔ-ɛ taar gəgəgə nama, Luba a kuwa dɔ-ɛ kula nangə, ngaa dəw gə ula dɔ-ɛ ɓa Luba a kun-e kunda-a taar.

Koula 18:6

Ngaa d-ɔsə ngərəng ngaɓa ꞌtaji Luba ɗaa Pɔl uwa kubu sugu bugu-bugu ngaɓa pa ar-je na: Tar məsə-si a kuwa dɔ sisəy ja ɓo ɔr-m ꞌma ang ngaa, un kud-e ɓogəne ja m-a turu kəm gə ɓə lə dəwje gə ꞌgərə Luba ang.

Romaindjé 11:18

ɔsə rɔ-i dɔ bar kəm-ɛje gə ꞌndər le ang. To gə ɓo ɔsə rɔ-i nama may kar-i ꞌgərə to gə to ꞌi ɓa odo ngira kagə ang ngira ɓa od-i ꞌi.

Romaindjé 11:21

mba to gə ɓo Luba ɔr kəm bar kəm kagəje gə uba ang nama, ꞌi kara n-a kɔr kəm-i ang tɔ.

Romaindjé 12:16

Ar-je mə-si to gə maj-ɛ dɔ naa gə to to gə na-na gə yo gə nee. Undaje dɔ-si taar gəgəgə ang ngaa ar-je kula dɔ ngulum ɓa uwa mə-si. Oje rɔ-si gə njekəm karəje ta kəm-sisəy gə ja ang.

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

Romaindjé 3:3

Ngaa, ɗi ja wa? To gə ɓo nje gə kɛm ꞌto njeməkədərəje le, məkədərə lə-je a tuji to dana gadə-gadə lə Luba wa?

1 Corinthiendjé 10:12

Be ɓa, may kar dəw gə əji to gə n-ar taar nama o gə maj-ɛ mba a ce koso.

1 Corinthiendjé 15:1

Ngan ko̰-mje, m-ole mə-si dɔ Tar gə May gə m-ila mbər-e m-ar-si le, gə ꞌtaje, gə to gə uwaje ne gədərə

1 Corinthiendjé 16:13

ꞌCibije dɔ rɔ-si gə ang, ar-je njang dɔ takagə gə, uwaje rɔ-si gə jingawje, ar-je gədərə.

2 Corinthiendjé 1:24

To kisi ɓa j-isi gina-si gə ɔji dɔ takagə lə-si ang, ngaa sijee ja njigi kore gə sisəy naa gə dɔ rɔləl gə lə-si mba uwaje takagə lə-si gədərə.

2 Corinthiendjé 10:5

Ngaɓa kəji tarje gə baa gə d-unda ne karje dɔ gərə Luba gə le, ja tuji pugudu, ngaɓa ja dum dɔ kəji lə-je mba kar d-ila ne kɔji dɔ Kirisi gə.

Philippiendjé 2:12

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja,

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 3:19

Be ɓa j-oje to gə d-ila gɔl-je kəne ang mba məkədərə lə-je ja tɔ.

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Ebərəje 4:6

Be ɓa, d-ɔr ta ɗəw d-ar nje gə kɛm kar d-andə kəne ja ngaa, nje gə Tar gə May nee oso mbi-je gə dɔngɔr ja d-andə kəne ang mba ko tar ang lə-je,

Jacques 2:19

ꞌTa kagə to gə Luba kara baa ɗəgədə wa? ꞌƊa gə dɔ gɔl-ɛ ja. Njilje gə kṵra̰y kara ꞌta kagə to gə bənəng tɔ, ɗaa ꞌɓəəl d-isa baa ɗɛgə-ɗɛgə.

Jacques 4:6

Ngaa mənuji gə n-ar le, bo unda neje tɔ̰y, to gə be ɓa Mbede pa na: Luba ɔsə njekunda kar-jeje ngərəng, Ngaa n-ar mənuji lə-a nay gə nje gə d-ula dɔ-je ngulum.

1 Piyɛr 1:17

To gə ɓo nje kɔr kəm dəwje ang, gə gangə tar dɔ na-na gə kara gə go kula ɗ-ɛje le, ꞌɓar-ɛje Bɔ nama, may kar dɔ ndɔ kisi kəm baa gə lə-si dɔ nangə nee ja ꞌɓəəl-eje ɗəw pa nja-si gə.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

1 Piyɛr 5:9

Arje gədərə no-ɛ gə, uwaje takagə gədərə, mba ꞌgərəje to gə ngan ko̰-si gə dɔ nangə nee d-o ꞌməsərə ɗəw kara baa to gə be tɔ.

Apocalypse 18:7

Ɗəw kara baa to gə ləl-e ya̰ kar n-isi dan riɓar gə, gə dan nemayje gə le, be ja tɔ ꞌtəlje gə kula kəm ndoo gə kəm ndoo yo gugu ar-eje. Mba n-əji m-e gə na: M-to mbay jene ɓo m-to gə jene nduba ang nəm, ngaɓa ndɔ kara baa be kara kəm ndoo yo a ɓar ri-m ang nəm tɔ,

Apocalypse 3:17

Mba ꞌpa na: M-to njenekinga, m-isi dan nekinga gə dana badagə ɗaa m-aw ndoo ne kara ang, cibi ngaɓa ꞌgərə to gə ꞌto gə njendoo ang nəm, gə njekəmtondoo ang nəm, gə nje ko məsərə ang nəm, gə njekəmandoo ang nəm, gə nje kəm tɔ ang nəm, gə nje kaw kudu dum ang nəm tɔ.