Romaindjé 11:16 - Mbede Lə Luba Kone Gə Sigi

¹⁶ Be ɓa to gə ɓo dɔngɔr mbə to gə losang-ɛ nama ꞌye gə ꞌmbo̰y tɔ̰y ja to gə losang-ɛ tɔ; ngaɓa to gə ɓo ngira kagə to gə losang-ɛ nama bar kəm-ɛje kara to gə losang-ɛ tɔ.

Testament ke Siki 1960 (Kabba Laka)

¹⁶ Tokou mourou ke dare tokou kandé ke dongor to madji toï, kesedjé toï a to madji toï to, ke tokou ngira kake to madji toï, barkemè to madji toï tò.

Romaindjé 11:16 ပူးပေါင်းရင်းမြစ်များ

Romaindjé 11:17

Ngaa to gə ɓo ꞌndər bar kəm-ɛje gə kɛm, ngaɓa ꞌi gə kagə olibiye gə muu baa, d-un-i ꞌnam-i toro-je gə, ngaɓa uba may dɔ ngira gə, gə dɔ bodo kagə olibiye gə to kede le nama,

Romaindjé 8:23

To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy.

1 Corinthiendjé 7:14

Mba ngaw gə ta kagə ang nee le, a təl to njerɔsangə ɗəw gə lə jene, ngaɓa jene gə ta kagə Kirisi ang nee le kara, a təl to njerɔsangə ɗəw gə lə ngab-ɛje tɔ. Ɓo be ang nama d-a to nganje gə mina, be ɓa ngan-si d-a to ne njerɔsangəje tɔ.

Jacques 1:18

Mə njigi lə-a ɓa n-uji ne si gə go ɗəw tar gə tɔgərɔ, mba kar j-a to neje gə dɔngɔr horo nekundaje gə lə-a (dɔngɔr nekundaje gə Mbede pa le uji dɔ takagə Jeju ose Luba).

Apocalypse 14:4

To gə nje gə ꞌrɔgə rɔ-je yoro gə ɔji dɔ sangə jeneje ang, ꞌgərə jene ang ɓi. Nje gə kən le d-um mə-je dɔ Jeju gə jəb-jəb dɔ ɗəw nja gə lə-a. Nje gə kən le d-uga dɔ-je horo dəwje gə asə naa gə kandə neje gə dɔngɔr gə ɔji dɔ Luba ngaɓa ɔji dɔ ngon badəm tɔ.