Romaindjé 10:9 - Mbede Lə Luba Kone Gə Sigi

⁹ To gə ɓo ꞌpa gə ta-i ja to gə Jeju to Mbayɓe, ngaɓa ꞌta kagə mə-i gə to gə Luba ndol-e horo nje gə d-uy nama, a kinga kaji.

Testament ke Siki 1960 (Kabba Laka)

⁹ Mbata tokou i pa tai té ke daka, Jésus to Mbaibé, ke wo mei té ke Allah wèè ke tarr mè bwa yo té, i a kinga kadji.

Romaindjé 10:9 ပူးပေါင်းရင်းမြစ်များ

Lugu 12:8

M-pa m-ar-si, dəw gə ɗa-ɗa gə tɔji rɔ-ɛ gə ɗaga no dəwje gə to gə n-to nje kar ꞌma nama, ꞌma gə Ngon lə dəw m-a tɔj-ɛ gə ɗaga no anjije gə lə Luba to gə n-to nje kar ꞌma tɔ.

Jean 9:22

Nje kuj-eje ꞌpa tar to gə benəng mba ꞌɓəəl Jiibije. Jiibije d-o mə naa gə kede ɗɔdə mba kar to gə ɓo dəw kara pa na Jeju to gə Kirisi nama d-a tɔb-ɛ kəy nendo gə lə-je.

Koula 16:31

Pɔl je gə Silas d-ila kəne na: ꞌTa kagə Mbayɓe Jeju nama a kaji, ꞌi gə njeməkəyje lə-i.

Koula 2:24

N-uy ɓa Luba ndol-e ɔr-ɛ ne ji yo gə mba ɗəw gə yo a ko̰ ne ɓe dɔ-ɛ gə godo.

Koula 2:32

Jeju gə nee le uy ɓa Luba ar-ɛ ndol ɗaa sijee j-a to njetar naj-ɛje.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Romaindjé 10:10

Mba dəw gə ta kagə m-e gə ja ɓa to dəw gə gadə-gadə, ngaɓa dəw gə t-ɛ ce ja ɓa inga kaji.

Romaindjé 14:11

Mba ꞌɗa mə mbede gə na: M-aw kəm baa, Mbayɓe be, Takəji gə ɗa-ɗa kara a kɔsə nangə no-m gə, Ngaɓa ndo̰ tar gə ɗa-ɗa kara a pa tar ɓar ne ri Luba ɓolong.

Romaindjé 14:9

Mba Kirisi uy ɓa təl aw kəm baa mba to Mbayɓe lə nje gə d-uy gə nje gə d-aw kəm baa.

Romaindjé 4:24

ɔji dɔ sijee tɔ, gə d-a tura si, sijee gə j-a takagə nje ndol Mbayɓe lə-si Jeju horo nje gə d-uy gə,

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

1 Corinthiendjé 12:3

Gəl-e gə nee ɓa m-pa m-ar-si dəw gə Njil lə Luba nay sə-a a kasə pa na: Kugu uwa Jeju, a pa be ang, ngaɓa dəw gə Njil Njerɔsangə nay sə-a ja ɓa a pa na: Jeju to Mbayɓe.

Philippiendjé 2:11

ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Jean 4:15

Dəw gə pa gə t-ɛ na Jeju to Ngon lə Luba nama, Luba isi m-e gə ngaɓa dəb-e le um naa gə Luba gə tɔ.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.