Romaindjé 10:18 - Mbede Lə Luba Kone Gə Sigi

¹⁸ Ngaa m-pa na: Ko ɓa d-o ang wa? Ngaa gə Ndu-je ta lo dɔ nangə nee tɔ̰y le, Ngaɓa tarje gə ꞌpa le ɔr sṵra̰ dɔ nangə njal.

Testament ke Siki 1960 (Kabba Laka)

¹⁸ A mam ndoudjou, dèdè do ang wa? Dèdè do tokoro, mbata, Ndoudè ao do nange té toï, ke tar lodè téh dò nange té toï.

Romaindjé 10:18 ပူးပေါင်းရင်းမြစ်များ

Matiye 24:14

D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.

Matiye 26:13

Tɔgərɔ ja, m-pa m-ar-si to gə, loje tɔ̰y gə d-a kila mbərə Tar gə May kəne dɔ nangə nee le, dəwje d-a pa tar ne gə jene ɗa nee le mba kole ne mə-je dɔ-ɛ gə.

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Matiye 4:8

ꞌSɛ̰ngərɛ̰ ɔr-ɛ aw sə-a dɔ ər gə ndəw ya̰ ɓa tɔj-ɛ ɓeko̰je tɔ̰y gə dɔ nangə nee gə nemayje gə kəne,

Marəke 16:15

Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y.

Marəke 16:20

Be ɓa d-ɔdə d-aw d-ila mbərə gə lo-lo. Mbayɓe ɗa gə je kula, ngaɓa ore kudu tar lə-a gə netɔjije.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Romaindjé 1:8

Kede nam ɗaa m-ɗa Luba lə-m oyo mba sisəy tɔ̰y, gə ri Jeju Kirisi mba ꞌpa tar takagə lə-sisəy gə dɔ nangə nee ja tɔ̰y.

Romaindjé 15:19

ɗəw singamongə netɔjije gə neje dang-dang gə kəm dəw o ndɔ kara ang, ɗəw singamongə Njil, un kud-e Jerujalɛm saar ce ne Iliri ja m-ila mbərə Tar gə May lə Kirisi m-ar ta lo ya̰-ya̰.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

1 Thessaloniciendjé 1:8

Mba Tar lə Mbayɓe ɓar kagə ɓə lə-si, ce Masedowan gə Akayi ja kara baa ang ngaa dəwje ꞌgərə takagə Luba lə-si gə lo tɔ̰y, ar al dɔ lo sula.