Romaindjé 1:30 - Mbede Lə Luba Kone Gə Sigi

³⁰ pa tar gə kṵra̰y dɔ naa gə, ꞌto njeba̰a̰je lə Luba, ɗa gasəra, kunda kar, kɔsə rɔ, kəji ɗa kṵra̰y, gə ɗa dɔ ngang gə nje kuji-jeje,

Testament ke Siki 1960 (Kabba Laka)

³⁰ Ntoula dò dooudjé madjang, ndjè mbeté Allah, ntél tar madjang, dòdè ngeng, ndoi ròdè ndja, nsange deo ta da né ke madjang, do tar lo bòdèdè ke kòdèdè ang.

Romaindjé 1:30 ပူးပေါင်းရင်းမြစ်များ

Matiye 15:4

Mba Luba pa na: Ila kuji dɔ bɔ-ije gə dɔ ko̰-ije gə, cibi dəw gə taji bɔ-ɛje ose ko̰-ɛje nama d-a tɔl-ɛ gə tɔl.

Matiye 16:21

Uma kud-e dɔ ndɔ-ɛ əng ja Jeju un kudu tɔji ne ngan njenendoje lə-a: To may kar n-aw Jerujalɛm mba ko ꞌməsərə ji buba ɓeje gə nəm, gə ji buba njekapoloje gə ngaɓa gə ji njekɔr gəl toronduje gə nəm tɔ. D-a ɗa kar ꞌtɔl ꞌne ngaɓa ndɔ gə njekum gə munda nama n-a təl ndol ɓi.

Lugu 21:16

Njekuji-sijee ja kara d-a kun dɔ-si, ngaɓa ngan ko̰-si, njeba-ɛje lə-si gə njekuraje lə-si kara d-a kun dɔ-si tɔ. D-a kun dɔ nje gə kɛm bula horo-si gə kar ꞌtɔl-je.

Jean 7:7

Dəwje d-a kasə ndɔɔl-si ang; ngaa ꞌma ɗaa ꞌndɔɔl-m mba m-ɗa tar naji lə-je to gə kula ɗa-je kṵra̰y.

Koula 5:36

Mba kur-e əw ang ja ɓi, dəw kara ri-a na Tədas, gə o rɔ-ɛ gə dəw gə to ɓəəl ya̰, ar dəwje asə tɔl-tɔl sɔɔ be d-um go-e gə ngaa ꞌtɔl-ɛ ɗaa njekum go-e gə je le ꞌja̰rɛ̰ naa tɔ̰y, dəw kara kara nay ang.

Romaindjé 2:17

Ngaa, ꞌi gə un ri Jiibi unda dɔ-i gə, gə unda mə-i dɔ torondu gə, ngaɓa uwa Luba ɔsə ne rɔ-i,

Romaindjé 2:23

ꞌI gə uwa torondu gə ne riɓar lə-i, ngaa ꞌɗɔy Luba ang gə go kal dɔ torondu!

Romaindjé 3:27

Ɗi ɓa to ne kunda kar wa? Ne kara godo. Gə go torondu gə ɗa wa? Ɔji dɔ kula ɗaje wa? Be ang baa, ngaa gə go torondu takagə.

2 Corinthiendjé 10:15

Be ɓa, sijee j-uwa kulaje gə dəw gə ɗangə ɗa j-ɔsə ne rɔ-si j-ar al dɔ lo ang. Ngaa ne kunda mə lə-sijee le, to gə ɓo takagə lə-sisəy ɓar mii nama, sijee ja ɗa kula karə təl to ɓəəl ya̰ horo-sisəy gə ja ɓi, lal kal ne dɔ ɗəw nim lə-sijee.

2 Corinthiendjé 12:20

Mba m-ɓəəl mba kar logə m-ce ɓə lə-si nama, m-inga-si to gə m-njigi le ang baa, ngaɓa sisəy kara kar inga-mje to gə ꞌnjigije le ang tɔ; m-ɓəəl mba kar neje gə to nee a kḭ to: Mbadə tar ta naa gə, nər mə, wungu mbə, kəji mə bo, pa gə naa, pa tar gə to, kunda kar ngaɓa neje gə wɔr-wɔr.

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

2 Timoce 3:2

Mba dəwje d-a njigi darɔ-je ɓa ya̰, ngaɓa d-a njigi lar ya̰, d-a to gə nje kɔsə rɔ-jeje, njekunda kar-jeje, njetaji Lubaje, d-a mbadə koso kul no njekuji-sijee gə, d-a kar oyo ang, d-a ɓəəl ne lə Luba ang,

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Jacques 3:5

Ɗəw kara baa to gə ndo̰ gə to gə bar kəm rɔ gə njɛ̰ baa ja, ngaa pa tarje gə to ɓəəl ya̰. Oje to gə kɔr pər gə njɛ̰ ja baa asə tuji kɔr gə bo!

Jacques 4:16

Ngaa ɓisine ɗaa sisəy ɔsəje gaji rɔ-si undaje ne kar-si. Kɔsə gaji rɔ gə bənəng le kṵra̰y baa.

2 Piyɛr 2:18

ꞌPa tarje gə baa ja d-ɔsə ne rɔ-je ngaɓa gə go ɓo neje gə darɔ gə d-ərə ne nje gə kar be ɓi ɓa ꞌkɔdɛ rɔ-je d-ɔr ji njendəəmje gə;

Jude 1:16

Dəɓ-eje gə nee le, ꞌto nje no rɔ-jeje gə njerɔkadəje ja jaga ɔji dɔ rɔ-je, gə go ɓo ne gə kṵra̰y gə uwa mə-je, ꞌpa tar d-ɔsə ne rɔ-je ngaɓa d-ərə ne kəm dəwje.