Romaindjé 1:28 - Mbede Lə Luba Kone Gə Sigi

²⁸ Be ɓa, mba d-o-je to gə gərə Luba ang ɓa gə ne gə may le ɗaa, Luba ḭya̰-je dan tar kəji lə-je gə gə mbɔr-ɛ baa nee le, ar-je ꞌɗa ne neje gə kəm ɗa ang;

Testament ke Siki 1960 (Kabba Laka)

²⁸ Deo kadaba tokou dèdè ndiki ta geré Allah ang, Allah ïyadè ke mè kedji té ke to gatang, ke ta da né ke to madjang.

Romaindjé 1:28 ပူးပေါင်းရင်းမြစ်များ

Koula 17:23

Mba logə m-aw nday ɗaa m-o neje gə aw poloje ngaɓa m-inga no kɔgə kara d-unja ne kəne na: Kar magə gə dəw gər-e ang. Ne gə ꞌgər-eje ang gə ꞌpolo-eje nee le ɓa m-aw m-pa tar-ɛ m-ar-si.

Koula 17:32

Logə d-o-je tar ce buwa yo gə ɗaa nje gə ɓe kara ꞌkogo-e gə kogo ngaa nje gə kɛm ꞌpa na: Ndɔ gə ɗangə ɓa a pa tar gə əng kar j-o ɓi.

Romaindjé 1:18

Mba wungu lə Luba kila rɔ-ɛ mə dara gə uru dɔ nje ꞌɓəəl Luba ang gə ɗa-ɗa ngaɓa dɔ neɗa gə dɔ buguru gə ɗa-ɗa lə dəwje gə ꞌlom dɔ tar gə tɔgərɔ dɔ buguru baa;

Romaindjé 1:21

Mba ꞌgərə Luba ja, ngaa d-ula rɔnduba dɔ-ɛ ang nəm, d-ula rɔnduba ose d-ar-ɛ oyo gə Luba ang nəm, ngaa ꞌto neje gə baa ja go kəji kɔr kəm ne lə-je ngaɓa mə-je gə lal negərə le, ar-je d-uru ne dan cil ciməri gə.

Romaindjé 1:24

Gəl-e gə nee ɓa Luba ḭya̰ neje yag dan neje gə mina gə gə go ɓo neje gə uwa mə-je ar d-ila ne rɔ kul dɔ naa gə gə yo gə nee;

Romaindjé 1:26

Gəl-e gə nee ɓa Luba ḭya̰-je ne ar ɓo neje gə to rɔ kul uwa-je ne ɓərə gə. Mba jeneje lə-je d-uba ji neje gə gə dɔ gɔl-ɛ d-ḭya̰ ɗaa, ꞌturu ꞌto gə naa to gə jingaw to ne gə jene be,

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

2 Corinthiendjé 10:5

Ngaɓa kəji tarje gə baa gə d-unda ne karje dɔ gərə Luba gə le, ja tuji pugudu, ngaɓa ja dum dɔ kəji lə-je mba kar d-ila ne kɔji dɔ Kirisi gə.

Ephésiendjé 5:4

ngaɓa tar mbəje, gə tarje gə baa gə nangə əng, ose tar rɔ kulje le, ar-je ce ta-si gə ang; ngaa tarje tɔ̰y gə ce ta-si gə le, ꞌɗaje ne Luba oyo.

2 Thessaloniciendjé 1:8

n-a ɗe mə pər gə a ko̰ bilim-bilim, mba bɛ̰ ta dəwje gə gərə Luba ang, gə dəwje gə d-ila kuji dɔ Tar gə May gə lə Mbayɓe lə-si Jeju ang.

2 Timoce 3:8

To to gə Janɛs je gə Jambɛrɛs d-ila ne karəw gə Moyiji dɔ ndɔ gə kede le ja tɔ a, dəwje gə əng le ꞌɗa to gə be gə tar gə tɔgərɔ tɔ, mba to dəwje gə kəji lə-je to gə maj-ɛ ang ngaɓa takagə lə-je kara to gə maj-ɛ ang tɔ.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Pilimo 1:8

Gəl-e gə nee ɓa, mə Kirisi ɗaa, dɔ-m to doy mba kar-m m-un ndu m-ar-i ꞌɗa ne gə a ɗa,

2 Piyɛr 3:5

Be ɓa gə mə njigi lə-je ja, d-ar mə-je uy to gə Luba ɗa dara gə dɔ nangə ləw baa gə tar gə t-ɛ gə ja ngaɓa nangə ɔsə lo ce mə man ngaɓa ɗa nangə təl to dan man gə,