Romaindjé 1:25 - Mbede Lə Luba Kone Gə Sigi

²⁵ ꞌjejee gə d-uwa tar gə ɗəgərə ꞌtaje ne toro tar gə tɔgərɔ lə Luba, ngaɓa neje gə Luba unda-je ɓa ꞌpolo-je ngaɓa ꞌɗa kula d-ar-je ɗaa d-ḭya̰ Njekunda-je gə ndu tɔr to k-ɛ gə ɓal-ɓal! Oyo!

Testament ke Siki 1960 (Kabba Laka)

²⁵ Mbata dèdè ntourou tar ke tokoro lo Allah mbata tar ngem, ke dèdè mpiti né ke nda mbä wota nè ke nto Ndjè da né, nè ke néh ke tar ke madji ke ndò ke ndò. Amen.

Romaindjé 1:25 ပူးပေါင်းရင်းမြစ်များ

Matiye 10:37

Dəw gə njigi bɔb-ɛje ose ko̰-ɛje ya̰ unda-m nama asə to nje kar ꞌma ang, ngaɓa dəw gə njigi ngon-e gə jingaw ose ye gə jene unda-m nama asə to nje kar ꞌma ang tɔ,

Matiye 6:24

Dəw gə gə kar-ɛ baa ja ꞌɓəə-eje d-a kḭ joo ang, mba n-a njigi dəw gə kara ang gə kɔrɔ ɗaa, dəw gə kara ɓa n-a njigi-e ose n-a kiyi rɔ-ɛ rɔ dəw gə kara gə ɗaa n-a dabə dəw gə kara dasəra. Sisəy a poloje Luba je gə lar joo kɛm ang.

Jean 2:8

Jeju təl pa ar-je na: Ɔrəje man nee le awje ne ar-je njeko̰ dɔ nekusa. Ɗaa d-ɔr d-aw ne tɔ.

Romaindjé 1:18

Mba wungu lə Luba kila rɔ-ɛ mə dara gə uru dɔ nje ꞌɓəəl Luba ang gə ɗa-ɗa ngaɓa dɔ neɗa gə dɔ buguru gə ɗa-ɗa lə dəwje gə ꞌlom dɔ tar gə tɔgərɔ dɔ buguru baa;

Romaindjé 1:23

ngaɓa d-uwa ndaji neje gə tɔji dəw gə a kuy, ꞌtaje ne toro rɔnduba lə Luba gə njekuy ang, əlje, daje gə gɔl-je sɔɔ sɔɔ ngaɓa daje gə d-agə nangə.

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

2 Corinthiendjé 11:31

Luba gə to Bɔ Mbayɓe Jeju je ngaɓa ndu tɔr to k-ɛ gə ndɔ gə ndɔ le, gərə to gə m-pa tar gə negərə ang!

Ephésiendjé 3:21

may kar riɓar to k-ɛ mə Mbo̰ naa lə njetakagəje ngaɓa ɗəw gə lə Kirisi Jeju ɗaa, gə gəl kujije tɔ̰y ja gə ɓal gə ɓal saar-saar gə no. Oyo!

1 Thessaloniciendjé 1:9

ꞌPa tar ɔji dɔ sijee na, pa kuwa mba gə uwaje-si le gar-ɛ godo, ngaɓa to gə ban ja ɓa ꞌmbəlje ne kəji lə-si ar-je Luba, ngaɓa ꞌmbadəje magəje ɗaa ꞌtəl ɗaje ne kula lə Luba gə tɔgərɔ gə nje kisi kəm baa,

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

2 Timoce 3:4

d-a to nje ce gəl ngan marəje-je, d-a to nje wunguje, ɗaa kunda kar a tɔ kəm-je sḭ nəm ɓa d-a njigi rɔləl gə darɔ gə ɓa ya̰ kunda njigi Luba;

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.