Romaindjé 1:20 - Mbede Lə Luba Kone Gə Sigi

²⁰ Mba neje gə ɔji dɔ Luba gə kəm dəw o ang, singamongə lə-a gə to saar gə no ngaɓa lo kunda rɔ lə-a le, un kud-e lo kunda dara gə nangə gə ja, n-tɔji gə ɗaga ɗang-ɗang kəm dəwje gə, gə go neɗa-ɛje, ɗaa ɗəw gə tar a kuwa ne dɔ-je ang godo.

Testament ke Siki 1960 (Kabba Laka)

²⁰ Mbata lé té ke kounkoutou da nange té nèn, tar la ke kem ase ta ko ang, yèn to singa la ke ndò ke ndò ke tar Allah la, dooudjé ase ta geré madji deo né té ke nda mbä. Tokou ban dèdè déh ke tar ta tél né ang.

Romaindjé 1:20 ပူးပေါင်းရင်းမြစ်များ

Matiye 5:45

Be ɓa sisəy a toje ne nganje lə Bɔ-sijee gə isi mə dara gə, mba n-ar kar ɔsə dɔ njeməndulje gə nəm gə njeməmayje gə nəm tɔ, ngaɓa n-ar nji ər ndɔɔ lə dəwje gə gadə-gadə gə nje ɗa ne dɔ buguruje naa gə tɔ.

Marəke 10:6

Ngaa un kud-e lo kunda neje gə le, Luba ɗa jene je gə jingaw;

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 15:22

To gə ɓo m-ɗe ang nəm m-pa tar m-ar-je ang nəm nama, tar neɗa gə kṵra̰y a kuwa dɔ-je ang; ngaa ɓisine ɗaa neɗa gə kṵra̰y lə-je le lo kɔr tar-ɛ dɔ-je gə godo.

Koula 17:29

Be ɓa ɓo ja to ngan mə Luba nama j-a kəji to gə Luba unda rɔ maa ose lar ose kɔr ər, gə kagə gə ꞌtɔl ngaɓa unda rɔ-ɛ to to gə dəw əji ne m-e gə ang.

Koula 22:1

Ngan ko̰-mje gə bɔy-jeje, ꞌtuga-je mbi-si oje ne tar gə m-njigi pa kar-si dɔ kar gə nee mba ma̰y ne tar dɔ rɔ-m gə.

Romaindjé 1:19

mba ne gə asə kəm gərə ɔji dɔ Luba le to ɗaga ta kəm-je gə, mba Luba kila gə ɗaga ɗang-ɗang ar-je d-o.

Romaindjé 16:26

ngaa ɓisine kila rɔ-ɛ gə ɗaga gə go mbedeje gə pajambərəje ꞌɗa, gə go ndu Luba gə nje kisi saar-saar gə no le, ꞌkila d-ar gəl kujije tɔ̰y ꞌgərə mba kar d-ila ne kɔji gə go takagə,

Romaindjé 2:1

Gəl-e gə nee ɓa, ɗəw gə tar a kuwa ne dɔ-i ang godo, ꞌi gə ꞌto na-na ja gə ꞌgangə tar, tar gə ꞌgangə dɔ njemar-i gə le, ꞌi ja uwa darɔ-i gə tar, mba ꞌi gə nje gangə tar dɔ ngan mar-ije gə le, ꞌI kara kula ɗa-i to to gə kar-jejee be ja tɔ.

Romaindjé 2:15

ꞌtɔji-je ɗəw kula ɗa-je to gə torondu le d-unja dɔ ɓəngərə-je gə kəy; kəji lə-je kara ɗa tar naj-ɛ tɔ, ngaɓa kəji tar lə-je ila tar dɔ-je gə ose ɔr tar dɔ-je gə ore go na-na.

1 Corinthiendjé 1:20

Nje kəm karə le aw ɗa wa? Njekɔr gəl torondu lə Jiibije le aw ɗa wa? Njekunja kəm tar gə dɔ nangə nee le aw ɗa wa? Se kəm karə gə dɔ nangə gə nee le Luba təl-e mbə ang wa?

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

Colossiendjé 2:9

Mba ꞌne gə n-un lo kun darɔ Luba ja mɔgɔgɔ.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 6:16

ꞌNe gə kar-e baa n-to Njekuy ang, ꞌNe gə n-isi dan ndogo gə dəw ila gɔl-ɛ kəne ang. Lo gə dəw o ang ngaɓa dəw a kasə ko ang nəm. Riɓar gə singamongə gə ndɔ gə ndɔ to gə k-ɛ. Oyo.

Ebərəje 11:27

Gə go takagə ɓa Moyiji ɓəəl ne wungu lə mbay ang, n-ɔdə ne Ejipətə; mba n-uwa ngəng, to to gə n-o ne gə kəm dəw o ang be.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!