Romaindjé 1:17 - Mbede Lə Luba Kone Gə Sigi

¹⁷ Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Testament ke Siki 1960 (Kabba Laka)

¹⁷ Mbata ke mè té ntòdjou gaté gaté lo Allah ke daka deo ko mè té mbata ko mè té, deo kadaba tokou maketourou pa, Doou ke gaté gaté a kisi ke tébe deo ko mè té.

Romaindjé 1:17 ပူးပေါင်းရင်းမြစ်များ

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Romaindjé 10:3

Mba ꞌgərə go ɗəw gə Luba o ne dəw, gə dəw gə gadə-gadə ang, ɗaa ꞌjejee ja ꞌsangə ɗəw lə-je mba to ne gadə-gadə, ngaɓa ꞌnjigi-je go ɗəw gə Luba o ne dəw gə dəw gə gadə-gadə le ang;

Romaindjé 3:21

Ngaa ɓisine ɗaa Luba kila gadə-gadə lə-a gə ɗaga lal torondu to gə ꞌpa ne mə torondu ngaɓa pajambərəje kara ꞌpa ne nəm,

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

Romaindjé 3:3

Ngaa, ɗi ja wa? To gə ɓo nje gə kɛm ꞌto njeməkədərəje le, məkədərə lə-je a tuji to dana gadə-gadə lə Luba wa?

Romaindjé 9:30

Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə,

2 Corinthiendjé 3:9

Mba kula gangə tar ɓa, to gə ɓo inga riɓar nama, kula neɗa gə dana gadə a kinga riɓar gə a to ɓəəl kal dɔ lo ang wa?

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 3:11

Dəw kara ja gə to dəw gə gadə-gadə gə go torondu no Luba gə le godo, ye gə nee ɗaa to arə ngadə, mba: Dəw gə gadə-gadə a kaw kəm baa ɗəw gə lə takagə.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Ebərəje 10:38

Ɗaa dəw lə-m gə gadə-gadə a kaw kəm baa ɗəw gə lə takagə. Ngaa to gə ɓo n-ɔr rɔ-ɛ gə gugu nama, kəm lə-m a kinga rɔləl dɔ-ɛ gə ang.