Romaindjé 1:13 - Mbede Lə Luba Kone Gə Sigi

¹³ Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Testament ke Siki 1960 (Kabba Laka)

¹³ Mam ndikisè ta geré, ngakömdjé, mam ndiki ta dé ròsè té gar baya, a nderèng bokonè deo lom tò, ta karem mase kinga mare ko horosè té deo kadaba ke horo kese Gentildjé té tò.

Romaindjé 1:13 ပူးပေါင်းရင်းမြစ်များ

Jean 12:24

Tar gə tɔgərɔ ja, m-pa m-ar-si, to gə ɓo kandə ko gə ri-a na bəle, gə oso nangə le uy ang nama, to gə kar-ɛ baa, ngaa to gə ɓo uy nama unda mbənji-mbənji.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 4:36

njekunja ko inga lar dɔ ji-a ngaɓa mbo̰ kandə ko ndɔ dɔ naa gə mba təbə gə gə ndɔ gə ndɔ, mba kar Njedubu koje gə njekunja-a ꞌɗa ne rɔləl naa gə kara baa tɔ.

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Koula 15:12

Be ɓa bula dəwje tɔ̰y d-isi njḭng ɗaa Barənabas je Pɔl d-ɔr gəl netɔjije gə neje dang-dang gə kəm dəw o ndɔ kara ang tɔ̰y gə Luba ɗa ɗəw gə lə-je horo dəwje gə ꞌgərə Luba ang gə.

Koula 19:21

Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ.

Koula 21:19

Pɔl oje nam ngaɓa un tar ɔr ne go ne gə Luba ɗa horo dəwje gə ꞌgərə Luba ang gə, gə ɗəw kula lə-a.

Koula 28:14

mə ɓebo gə nee le j-inga ngan ko̰ naaje kəne ɗaa ꞌdəji si kar j-isi gə je ndɔ siri ɓa. Be ngaɓa j-aw ne gə Rɔm.

Romaindjé 1:12

ose bənəng ɓa mba kar j-inga-je ne singa naa gə ngaɓa kar j-ula-je ne jingaw mə naa gə dɔ takagə gə, gə yo gə nee.

Romaindjé 11:25

Ngan ko̰-mje, mba m-njigi kar ne gə to lokiya gə le, aw-je kəne dɔ mbə gə ang, mba a kḭ koje rɔ-si gə njekəm karəje. Məkədərə lə Ijirayɛl le, kur-e a kəw ang saar kar dəwje gə ꞌto Jiibije ang tɔ̰y ja d-andə ne lo kaji gə.

Romaindjé 7:1

Ose ꞌgərə-je ang wa? Ngan ko̰-mje. M-pa tar m-ar dəwje gə ꞌgərə torondu, to gə dəw aw kəm baa ɓi le torondu o̰ dɔ-ɛ ja jaga-jaga ang wa?

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

1 Corinthiendjé 10:1

Ngan ko̰-mje, ne gə m-njigi kar-si ꞌgərəje ɓa nee: Ka-sijee le nja tɔ̰y gəl kil gə lə nji ngaɓa ꞌnday mə babo gə,

1 Corinthiendjé 12:1

Ngan ko̰-mje, ꞌye gə ɔji dɔ neje gə kar njil le ɗaa, m-njigi kar isije kəne dɔ mbə gə ang.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

1 Corinthiendjé 14:26

Ngan ko̰-mje, ɗi ɓa to ne gə kəm ɗa wa? Logə uwaje dɔ naa nama, na-na kara asə kɔsə pa, dəw kara gə nje tɔji ne, dəw gə nee pa tar ne gə ꞌkila gəl-e d-ar-ɛ, dəw gə kən pa ndo̰ tar, dəw ɗangə to njendaji-e, ngaa may kar neje tɔ̰y nee le ar-si singa tɔ̰y ja ɓa.

1 Corinthiendjé 9:2

Le nje gə kɛm ɓa m-to njeka̰ykula kəm-je gə ang kara m-to njeka̰ykula kəm-sisəy gə; mba sisəy le ꞌtoje bəngə ji-m ɗəw kila mbərə gə lə Mbayɓe.

2 Corinthiendjé 1:8

Ngan ko̰-m, j-a njigi mba kar-si isije dɔ mbə gə ɔji dɔ ꞌməsərə gə ce dɔ sijee gə dɔ nangə gə Aji gə ang. Kəm-si gə d-ula ndoo, cɛdə gɛ̰ngərɛ̰ sijee ɓəgəgə ar al dɔ singa-si ar-si j-unda mə-si to gə j-a kisi kəm baa be ang.

2 Corinthiendjé 2:14

Oyo ar Luba gə ar-sijee ja cɛdə ɗɔ mə Kirisi gə gə ndɔje tɔ̰y, ngaɓa ɗəw gə lə-sijee ɗaa, ba̰y kəndə mambo̰ negərə lə Kirisi sagə pə-pə gə lo tɔ̰y.

Galatedjé 3:15

Ngan ko̰-mje, ꞌma m-pa tar pa lə dəwje: Ndu gə dəw ḭya̰ gə maj-ɛ ɓa uy le, dəw gə ɗangə a tuji ang nəm a kila mar-ɛ kəne ang nəm tɔ.

Galatedjé 6:18

Ngan ko̰-mje, may kar mənuji lə Jeju Kirisi Mbayɓe lə-si nay gə sisəy. Oyo!

Philippiendjé 1:22

Ngaa ye gə uji dɔ kula lə-m le se may kar m-aw gə dɔ-m taar ɓa may ose ɗi wa? Ye gə ɗa ɓa m-a mbərə kara m-gərə ang ngaa.

Philippiendjé 4:17

To gə nekarə baa ɓa m-sangə ang, ngaa m-sangə nduji kula lə-si gə ɔsə dɔ mar-ɛ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

1 Thessaloniciendjé 2:18

Gəl-e gə nee ɓa, j-a njigi kaw ɓə lə-si gɔl kara ose joo ja, ngaɓa ꞌma Pɔl gə darɔ-m ja kara m-njigi kaw ngaa ꞌSu ila kagə no sijee gə.

1 Thessaloniciendjé 4:13

Ngan ko̰-mje, j-a njigi kar-sisəy isije dɔ mbə gə ɔji dɔ dəwje gə d-aw cibi le ang, mba kar ꞌɗaje ne rɔ-si gə ndoo to to gə dəwje gə ne kunda mə lə-je godo be ang.

2 Thessaloniciendjé 2:7

Singamongə lə njeneɗa gə dɔ buguru gə to lo kiya-a gə le, un kudu kula nam ngaa. Logə gə nje kuwa-a nangə le a godo ɓa n-a ɗa kula lə-a gadəmagay gə.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.