Philippiendjé 4:6 - Mbede Lə Luba Kone Gə Sigi

⁶ ꞌNoje rɔ-si ɔji dɔ ne kara ang; ngaa dan neje gə tɔ̰y nama ꞌpaje ar-je Luba gə dəji, ꞌɗaje ne ndoo no-ɛ gə, ar-ɛje ne oyo.

Testament ke Siki 1960 (Kabba Laka)

⁶ Aridjé mèsè sangesè mbata né kada ang, a ke mè né té toï, deo koi té ke deo doudjou Allah té ke woio, ase kare epaidjé né ke edoudjidjé are Allah.

Philippiendjé 4:6 ပူးပေါင်းရင်းမြစ်များ

Matiye 10:19

Ngaa logə d-a kaw gə si le, ꞌnoje rɔ-si mba gusu gə a paje ne tar ang, ɓa ɔji dɔ tar gə a paje ang; tar gə a paje le d-a kar-si dɔ kar-ɛ gə əng ja;

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Matiye 6:34

ꞌNoje rɔ-si mba ndɔ gə bara ang mba ndɔ gə bara to gə lo-e dang ja tɔ. Ngaɓa kɔr gə ɓogəne asə kəm ndɔ gə ɓogəne ja tɔ.

Matiye 6:8

ꞌNdəjije kəm-je ang, mba Bɔ-sijee Luba gərə ne gə sisəy awje ndoo-e le kede nam ɓa ꞌdəj-eje ɓi.

Lugu 10:41

Mbayɓe ila-a kəne na: Madə, Madə, ꞌno rɔ-i ngaɓa ꞌjɔgə rɔ-i dɔ neje gə ya̰.

Lugu 12:22

Jeju pa ar ngan njenendoje lə-a na: ꞌNoje rɔ-si mba kisi kəm baa ɔji dɔ nekusa ta-si ang nəm ɓa, mba kubuje gə a kulaje rɔ-si gə ang tɔ.

Lugu 12:29

Arje kəji lə-si jɔgə si ɔji dɔ ne gə a kusaje gə ne gə a kayje ang.

Lugu 18:1

Jeju pa gusutar kara ar-je mba tɔji neje kar ꞌdəji Luba gə ndɔ-ndɔ ngaɓa d-ḭya̰ go-e ang.

Lugu 18:7

Ɗaa Luba a pa tar dɔ dəwje gə lə-a gə n-mbərə-je, gə no no gɔl-ɛ gə kar gə cil ang wa? N-a kar-je ꞌngɔb-ɛ wa?

1 Corinthiendjé 7:21

ꞌTo ɓərə ɓa Luba ɓar-i wa? ꞌJɔgə ne rɔ-i ang; ngaa ɓo to ɗəw gə a kinga ne dɔ to doy nama al uru kəne.

1 Corinthiendjé 7:32

Be ɓa m-njigi kar ꞌnoje rɔ-si ang. Dəw gə ta jene ang ɓi le, no rɔ-ɛ mba neje lə Mbayɓe, ngaɓa sangə ɗəw mba ləl ne Mbayɓe tɔ.

2 Corinthiendjé 1:11

Sisəy ja kara ꞌlaje gə si dɔ-ɛ gə ɗəw dəji Luba gə tɔ. Be ɓa mənuji gə sijee j-a kinga ɗəw dəji Luba gə lə dəwje bula ɔji dɔ-si le, a təl to ne gə dəwje bula d-a kar ne Luba oyo mba sijee.

Ephésiendjé 5:20

Ɔji dɔ ne gə ɗa-ɗa kara, ꞌɗaje oyo Luba gə Bɔ dəwje gə dɔ kar tɔ̰y, gə ri Mbayɓe lə-sijee Jeju Kirisi.

Ephésiendjé 6:18

ꞌDəjije Luba gə dɔ karje tɔ̰y ɗəw njil gə gə pa dəji gə gə lo-e lo-e ꞌɗaje ne kɔgərɔ. Bənəng ɗaa, undaje kəm karə dɔ rɔ-si gə, ḭya̰je rɔ-si yag ja ꞌtugaje ne njoro lo dəji Luba gə mba njerɔsangəje tɔ̰y;

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

Colossiendjé 4:2

Uwaje dəji Luba gədərə, oreje kəm-si ndəng kəne ꞌɗaje ne oyo.

1 Timoce 2:1

Dɔngɔr kede ɗaa, m-dəji neje gə nee: may kar ꞌdəjije Luba, ꞌpaje sə-a tar, ꞌɗaje ndoo rɔ-ɛ gə nəm, ngaɓa ꞌɗaje oyo Luba mba dəwje tɔ̰y,

1 Timoce 5:5

Ngaa ɓo jene nduba gə to dəw gə isi dɔ-ɛ gə baa ɗaa, unda m-e dɔ Luba gə, ngaɓa ar njang dɔ dəji gə, ɗa ndoo no Luba gə cil gə kar.

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

1 Piyɛr 5:7

Ḭya̰je tar kəjije gə dum dɔ-si tɔ̰y mə ji-a gə, mba n-to nje gədə-si.