Philippiendjé 4:5 - Mbede Lə Luba Kone Gə Sigi

⁵ May kar dəwje tɔ̰y ꞌgərə kila mə dɔ mar-ɛ gə lə-si. Mbayɓe nay dəb baa.

Testament ke Siki 1960 (Kabba Laka)

⁵ Ase kare dooudjé toï geré kourè wour losè, Mbaibé Seigneur éh ngosiba.

Philippiendjé 4:5 ပူးပေါင်းရင်းမြစ်များ

Matiye 6:25

Gəl-e gə ne ɓa m-pa m-ar-si na: ꞌNoje rɔ-si mba kisi kəm baa ɔji dɔ nekusa ta-si ang nəm ɓa, mba kubuje gə a kulaje rɔ-si gə ang tɔ. Kaw kəm baa nday nekusa nəm, darɔ dəw kara nday kubu nəm tɔ.

Matiye 6:34

ꞌNoje rɔ-si mba ndɔ gə bara ang mba ndɔ gə bara to gə lo-e dang ja tɔ. Ngaɓa kɔr gə ɓogəne asə kəm ndɔ gə ɓogəne ja tɔ.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

1 Corinthiendjé 6:7

Be ɓa, kar tar to horo-sisəy gə ja le, to ne gə kṵra̰y ɗɔdə ngaa kən. Mba ɗi ja oreje ur-si ndəng dɔ ne gə dɔ buguru gə ꞌɗa gə si ang wa? Mba ɗi ɓa ɓo dəw ɓogo si nama ḭya̰je ar-ɛje ang wa?

1 Corinthiendjé 8:13

Gəl-e gə nee ɓa, to gə ɓo nekusa a təl to jigi tuga gɔl ngon ko̰-m nama, m-a kusa da ang gə dɔbo̰ ja, mba kar m-ɗa ne ngon ko̰-m m-ar-ɛ oso ang.

1 Corinthiendjé 9:25

Dəw gə njeka̰y ngɔdə gə ɗa-ɗa kara sangə rɔ-ɛ dɔ neje gə tɔ̰y, ngaa ꞌjejee nee le ꞌɗa be mba kinga ne dɔ gugu gə a tuji pugudu baa, ngaa kar-sijee le ɗaa to dɔ gugu gə a tuji ang.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Thessaloniciendjé 2:2

tar gə dəw a pa na njil gə be ɓa pa, ose tar gə ban-ban gə dəw pa, ose mbede gə ɗa-ɗa gə d-a pa na sijee ɓa ja ɗa, ɓa gə mba pa ne kar-si to gə ndɔ təl lə Mbayɓe le ce ɗaa, ar-je tar kəji lə-si aw gə yo gə nee gə ngɔdə baa ang.

Tite 3:2

kar d-o̰ dəwje yom-yom ang, gə ꞌto nje tɔsə tarje ang, d-a to njekula nuji naa gə je, d-a kul gə dəwje tɔ̰y gə kul ja yururu.

Ebərəje 10:25

J-ubaje mbo̰ naa lə-si j-ḭya̰-je to to gə nje gə kɛm d-aw ꞌɗa ne be ang, ngaa ar-si j-ula-je jingaw mə naa gə gə yo gə nee, mba oje to gə dɔ ndɔ nay əw ang baa.

Ebərəje 10:37

Mba ꞌpa na: Dɔ kar nay ɓəəl baa, cibi nay njɛ̰ baa be! Ɗaa nje ɗe le a ɗe, n-a ngə̰y ang.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

Apocalypse 22:20

Nje pa tar naji gə ɔji dɔ neje gə nee le pa na: Oyo, m-aw m-ɗe ɓisine. Oyo! ꞌƊe, Mbayɓe Jeju!

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.