Philippiendjé 3:9 - Mbede Lə Luba Kone Gə Sigi

⁹ Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Testament ke Siki 1960 (Kabba Laka)

⁹ Ke ta kéh mèa té ke gaté gaté lom ndja ang, ke dé deo tar ndedji té, a gaté gaté ke dé deo ko mè té mè Christ té, gaté gaté lo Allah ke dé deo ko mè té.

Philippiendjé 3:9 ပူးပေါင်းရင်းမြစ်များ

Matiye 9:13

Aw-je aw sangəje mə tar gə na: Ko kəmtondoo ɓa m-njigi ɓo nepolo ang mba m-ɗe mba ɓar dəwje gə d-o rɔ-je gə dəwje gə gadə-gadə ang, ngaa m-ɗe mba njeneɗaje gə kṵra̰y.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Romaindjé 10:10

Mba dəw gə ta kagə m-e gə ja ɓa to dəw gə gadə-gadə, ngaɓa dəw gə t-ɛ ce ja ɓa inga kaji.

Romaindjé 16:7

Oje Andoronikus je gə Juniyas ar-mje, ꞌjejee gə to njenujije lə-m ngaɓa ꞌto njebakuwaje lə-m, gə ꞌto njeriɓarje gə may horo njeka̰ykulaje gə, ngaɓa ꞌto nje kar Kirisije kede no-m ꞌma gə.

Romaindjé 5:21

Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Philippiendjé 3:6

ye gə ɔji dɔ kula kəm mbo̰ naa lə njetakagəje ndoo kara tar-ɛ o̰-m ya̰ nəm, gə ye gə ɔji dɔ nja dana gadə-gadə gə go torondu le dəw asə kila tar-ɛ dɔ-m gə ang.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Ebərəje 6:18

be ɓa ɗəw gə lə neje gə joo gə ndu-e a turu kəne ang mba Luba asə pa tar gə ɗəgərə ang, a kar singa gə boy, ngaɓa lokiya rɔ mba cḭya̰ ne dɔ ne kunda mə gə d-uwa dɔ gɔl-ɛ d-ar-si.

Jacques 3:2

J-a ɗa neje gə kṵra̰y gə ɗəwje bula. To gə ɓo dəw ɗa ne gə kṵra̰y ɗəw pa tar gə ang nama, to dəw gə may pɛdə gə asə mba ngom rɔ-ɛ gə maj-ɛ pɛdə tɔ.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

1 Jean 3:4

Dəw gə ɗa-ɗa ɓa ɗa neɗa gə kṵra̰y nama, ɗa neɗa gə dɔ buguru ngaɓa neɗa gə kṵra̰y le to kal dɔ torondu.