Philippiendjé 3:8 - Mbede Lə Luba Kone Gə Sigi

⁸ Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

Testament ke Siki 1960 (Kabba Laka)

⁸ Tokoro mo né toï to né ke nai mbata mo madji wota ta geré Christ Jésus Mbaibé lom. Ma mïya né toï mbata la, mo toï to dòbiri, baa ta karem minga Christ.

Philippiendjé 3:8 ပူးပေါင်းရင်းမြစ်များ

Lugu 1:43

Nokarə gə ban ja ko̰ Mbayɓe-je lə-m ce ne dɔ-m gə nee wa?

Lugu 11:20

Ngaa to gə ɓo Luba ɓa ar-m singa m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa.

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 14:7

To gə ɓo ꞌgərə-mje nama a gərəje Bɔy tɔ. Un kud-e ɓisine ɗaa ꞌgər-eje ngaɓa o-eje nəm tɔ.

Jean 16:3

D-a ɗa ne nee le to gə be mba ꞌgərə Bɔ dəwje ang nəm ꞌgərə-m ꞌma ang nəm tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 20:13

ꞌJejee nee le ꞌpa d-ar Məri na: Jene, ꞌno mba ɗi wa? N-ila-je kəne na: D-ɔr Mbayɓe lə-m ɗaa, m-gərə lo gə d-ila-a kəne ang.

Jean 20:28

Toma ila kəne ɗaa pa ar-ɛ na: Mbayɓe lə-m, ngaɓa Luba lə-m!

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Romaindjé 8:18

M-o to gə ko ꞌməsərə lə-si gə ɓogəne le, a kasə naa gə rɔnduba gə d-a kila gə ɗaga kar-sijee gə dɔ ndɔ gə bara gə ang.

Romaindjé 8:39

singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.

1 Corinthiendjé 2:2

Mba tar ne gə uwa mə-m horo-si gə le to Jeju Kirisi gə ꞌɓər-e kagə dəsə gə ja kara baa ɓo ne gə ɗangə ang.

1 Corinthiendjé 9:10

Ose Luba pa ɔji dɔ sijee ja kara baa wa? Tɔgərɔ, mba sijee ja ɓa ꞌɗa ne mə mbede gə; nje gə ndɔ-ndɔ a ndɔ gə məkunda, ngaɓa nje ɗa kula kunda wa kara, a ɗa gə məkunda mba kinga k-ɛ kəne tɔ.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Ephésiendjé 4:13

saar kar-sijee ja tɔ̰y, ja təl ja to ne gə dəwje gə kara baa ɗəw takagə gə, gə ɗəw gərə Ngon lə Luba gə, gə to ne gə dəw gə tɔgə asə naa gə lo kunda rɔ Kirisi gə may pɛdə.

Philippiendjé 1:1

ꞌMa Pɔl, je gə Timoce, njekulaje lə Kirisi Jeju, j-a ɗa mbede nee j-ar njerɔsangəje gə mə Kirisi Jeju gə, gə d-isi Pilipi, gə nje ka dɔ njetakagəje ngaɓa gə diyakərəje tɔ.

Philippiendjé 3:10

M-njigi gər-e, ꞌne gə singamongə ce buwa yo gə lə-a ngaɓa ɗa ne sə-a mə kara dɔ ko ꞌməsərəje gə lə-a, ɓa gə mba təl ta ne sə-a naa ɗəw kuy gə lə-a,

Philippiendjé 3:12

Ə̰ə̰ə̰, m-pa na m-ce kəne nam ose m-arə ngadə nam ngaa ang, ngaa m-aw ndole go-e gə ndole ja ɓi ɗaa, m-unda mə-m mba kuwa gə ji-m ja, mba ꞌma kara Kirisi Jeju ula ji-a uwa-m ne tɔ.

Philippiendjé 3:7

Ngaa neje nee gə to gə may lə-m le, m-o gə ne gə baa mba Kirisi.

2 Timoce 4:6

Mba ꞌma le d-un-m to to gə gə nay nepolo nam ngaa ɗaa ndɔ kuy lə-m nay dəb baa ngaa.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

1 Piyɛr 2:7

Ɗɔy to kar-sisəy gə ꞌtaje kagə. Ngaa kar nje gə ta kagə ang ɗaa, Kɔr ər gə njekunda kəyje d-un d-ila kɔrɔ le ja Ye ja təl to kɔr ər gə kil kəy gə Ngaɓa kɔr ər le təl to jigi tuga gɔl To kɔr ər gə təl to ɗəw koso.

2 Piyɛr 1:2

May kar mənuji gə ɗɛgɛgɛ d-ɔsə kudu naa ngug-ngug dɔ-si gə go ɗəw gərə ꞌgərəje Luba gə Mbayɓe lə-si Jeju!

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

2 Piyɛr 1:8

Be ɓa ɓo neje gə nee le to mə-si gə ngaɓa ɓo ɔsə dɔ naa gə kede-kede nama, a ɗaje kula kar nduj-e a to mba kar ꞌgərəje ne Mbayɓe Jeju Kirisi;

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

1 Jean 1:3

Ne gə j-o gə kəm-si ngaɓa ne gə j-o tar-ɛ gə mbi-si le, j-ila mbər-e j-ar-si mba kar-sisəy kara ore-je gə si naa gə dɔ mə kara tɔ-si naa gə. Ngaa mə kara lə-sijee le ga̰ rɔ Bɔ dəwje gə je gə Ngon-e Jeju Kirisi.

1 Jean 2:19

Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.