Philippiendjé 3:12 - Mbede Lə Luba Kone Gə Sigi

¹² Ə̰ə̰ə̰, m-pa na m-ce kəne nam ose m-arə ngadə nam ngaa ang, ngaa m-aw ndole go-e gə ndole ja ɓi ɗaa, m-unda mə-m mba kuwa gə ji-m ja, mba ꞌma kara Kirisi Jeju ula ji-a uwa-m ne tɔ.

Testament ke Siki 1960 (Kabba Laka)

¹² Ma mpa ang ke ma minga mbä, aséh mam ndé ase toï mbä, a ma maïngòrou baa ta taa to né lom ndja, mbata Christ Jésus taam to né la ndja.

Philippiendjé 3:12 ပူးပေါင်းရင်းမြစ်များ

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 8:39

singamongəje ang nəm, nekundaje gə dara ang nəm, nekundaje gə nangə nee ang nəm, nekunda gə ɗa-ɗa kara a kɔr sijee mə njigi gə Luba njigi sijee ɗəw gə lə Mbayɓe lə-sijee Kirisi Jeju le ang.

1 Corinthiendjé 13:10

ngaa logə ne gə may pɛdə a ɗe ɗaa, ne gə ga̰-e baa le a kunda nangə mburugu.

1 Corinthiendjé 13:12

Ɓogəne j-o lo gə tatara ɗaa j-o lo arə ngadə ang ngaa j-a ko gə kəm-si nda̰-nda̰ ja ɓi. Ɓogəne m-gərə tɔ̰y ang ngaa m-a gərə tɔ̰y to gə ꞌgərə-m ne be ja ɓi.

1 Corinthiendjé 9:24

May kar-si ꞌgərəje to gə nje kuma naa gə ngɔdə ꞌɓaraje le d-a̰y gə ka̰y ja tɔ̰y ngaa dəw kara baa ja inga ne dɔ ji-a. Ɗaa a̰yje gə go ɗəb-e mba kinga ne ne dɔ ji.

2 Corinthiendjé 13:9

Logə sisəy ubaje singa ɓa singa sijee godo le, j-a ɗa rɔləl, ngaɓa ne gə ja njinga lo dəji Luba gə lə-sijee to gə may pɛdə lə-sisəy tɔ.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 5:17

Mba neje gə kar darɔ tila kəm kar Njil, ngaɓa kar Njil kara tila kəm kar darɔ; neje lə darɔ gə neje lə Njil, ꞌtɔsə kəm naa ɓa gə mba kar ꞌɗaje neje gə mə-si njigi ang.

Ephésiendjé 1:4

ɗaa Luba mbərə ne sijee, ɗəw gə lə Kirisi, kede ləw baa nam ɓa gəl dara gə gəl nangə to, mba kar j-a to gə losang-ɛ ngaɓa kar tar uwa dɔ-si no-ɛ gə ang. Dan njigi gə lə-a,

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Philippiendjé 1:1

ꞌMa Pɔl, je gə Timoce, njekulaje lə Kirisi Jeju, j-a ɗa mbede nee j-ar njerɔsangəje gə mə Kirisi Jeju gə, gə d-isi Pilipi, gə nje ka dɔ njetakagəje ngaɓa gə diyakərəje tɔ.

Philippiendjé 3:16

Ne kara baa le ɗaa may kar ne gə j-um mə-si naa gə kəne le, ye ja j-ar-je ndu-si asə naa kəne gə no kara ngaa.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

2 Thessaloniciendjé 2:13

Sijee le ɗaa, may kar j-ar oyo Luba gə dɔ karje tɔ̰y ɔji dɔ sisəy, ngan ko̰-sijee gə Mbayɓe njigi-si. Mba Luba mbərə-si lo kun kudu neje gə ləw baa mba kar-si ingaje kaji gə go ɗəw Njil unda-si gə losang-ɛ nəm gə go takagə tar gə tɔgərɔ.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

1 Timoce 6:19

Be ɓa, d-a mbo̰ ne nekinga gə lo gə may gə bara mba kinga ne təbə gə tɔgərɔ.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 12:23

andəje lo mbo̰ naa gə lə ngan dərje gə d-unda rije mə dara gə, ar-je rɔ Luba gə nje gangə tar dɔ dəwje gə tɔ̰y, gə dɔ njil dəwje gə Luba oje gadə-gadə gə ꞌɗe gə dəwje gə may pɛdə.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Jacques 3:2

J-a ɗa neje gə kṵra̰y gə ɗəwje bula. To gə ɓo dəw ɗa ne gə kṵra̰y ɗəw pa tar gə ang nama, to dəw gə may pɛdə gə asə mba ngom rɔ-ɛ gə maj-ɛ pɛdə tɔ.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.