Philippiendjé 2:8 - Mbede Lə Luba Kone Gə Sigi

⁸ n-ula dɔ-ɛ ngulum gə darɔ-ɛ ja, n-oso ne kul saar n-uy ne, n-uy kagə dəsə gə.

Testament ke Siki 1960 (Kabba Laka)

⁸ Ke mbata nè néh ke rò tokou lo rò doou, nè nda nè ndja ngadji, ke nè no tar nderèng kwoei, lé kwoei do kake dèse té.

Philippiendjé 2:8 ပူးပေါင်းရင်းမြစ်များ

Matiye 17:2

N-mbəl rɔ-ɛ kəm-je gə: Ngo no-ɛ ndogo to gə kar be, ngaɓa kubuje lə-a kara nda kələw-kələw to gə lokarə be.

Matiye 26:39

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

Matiye 26:42

Jeju təl ɔdə aw nganga̰ gə gɔl joo lə-a ja cibi, ɗaa dəji Luba na: Bɔy, to gə ɓo ɗəw gə kar nekay ꞌməsərə nee le a nday ne ta-m gə godo, a ɓo kar-m m-ay gə kay gə no nama, may kar ꞌɗa mə njigi lə-i ja.

Lugu 9:29

Logə Jeju aw dəji Luba ɗaa, kəm-e mbəl ngaɓa kubu lə-a təl nda kələw-kələw.

Jean 10:18

Dəw kara kara ɔr təbə lə-m ang, ngaa ꞌma ja gə dɔ-m m-ḭya̰ təbə lə-m m-ila kɔrɔ; M-aw gə singamongə mba kḭya ne təbə lə-m kila kɔrɔ ngaɓa m-aw gə singamongə mba təl kinga ne to gə ɗangə tɔ; ye gə nee ɓa to gə ndu gə m-inga ta Bɔy gə.

Jean 14:31

ngaa, to to gə be mba kar dəwje d-a gərə ne to gə m-njigi Bɔ dəwje ngaɓa m-ɗa ne m-ila ne kɔji dɔ ne gə n-un ndu-e kəne n-ar-m. Ḭje taar! Ar-je j-ɔdə lo gə nee gə gə ɗangə.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Jean 4:34

Jeju pa ar-je na: Nekusa ta-m to gə ɗa mə njigi lə dəw gə njekula-m, ngaɓa ɗa kula lə-a tɔl t-ɛ bɛm nəm tɔ.

Koula 8:33

N-ula dɔ-ɛ ngulum ja ngaa ꞌgangə tar lə-a gə dɔ gɔl-ɛ ang, Na ɓa a pa tar gə ɔji dɔ gəl kuji lə-a wa? Mba ꞌtuji təbə lə-a dɔ nangə nee gə gugu.

Romaindjé 5:19

Mba to gə kal tar lə dəw kara baa ja ɗa ar dəwje bula ꞌto ne njeneɗaje gə kṵra̰y le, ɗəw kara baa kila kuji lə dəw kara baa ja ɗa ar dəwje bula d-a təl to ne dəwje gə gadə-gadə.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 12:4

Sisəy le ꞌɗɔje gə neɗa gə kṵra̰y uwaje gədərə saar uy-je ne ang baa ɓi.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.