Philippiendjé 2:7 - Mbede Lə Luba Kone Gə Sigi

⁷ ngaa n-uba n-ḭya̰ gə dɔ rɔ-ɛ ja, n-turu rɔ-ɛ gə ɓərə, n-təl n-asə naa gə dəwje, go təl gə n-təl n-unda rɔ dəw nee ɗaa,

Testament ke Siki 1960 (Kabba Laka)

⁷ A nè mbel nòrou né la ndja, ke nè ndé tokou lo bere, ke doudjè deo kadaba tokou dooudjé.

Philippiendjé 2:7 ပူးပေါင်းရင်းမြစ်များ

Matiye 12:18

Oje ngon njekula lə-m gə m-mbər-e, ꞌNe gə m-njig-e gə maj-ɛ m-ar kəm lə-m inga rɔləl dɔ-ɛ gə. M-a kum Njil-m dɔ-ɛ gə Ɗaa n-a kila mbərə neɗa gə gadə-gadə kar gəl kuji dəwje

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Marəke 9:12

Jeju ila-je kəne na: Eli a ɗe kede ja ɓa gə mba gɔl neje tɔ̰y. Ngaa mba ɗi cibi ɓa ꞌɗa mə mbede gə na ꞌne Ngon lə dəw n-a ko ko̰ ne ya̰ ngaɓa d-a dab-ɛ dasəra le wa?

Lugu 22:27

Na ja ɓa to dəw gə to ɓəəl ya̰ wa, to dəw gə nje kisi ta ka nekusa gə ose dəw gə njekay nekusa wa? Se to dəw gə nje kisi ta ka nekusa gə ang wa? Ngaa, ꞌma le, m-ga̰ horo-si m-to gə ngon njekula.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Romaindjé 1:3

ɔji dɔ ngon-e gə d-uji-e gəl kuji gə lə Dabidi, ɗəw darɔ gə,

Romaindjé 15:3

Mba Kirisi sangə ne gə ləl-e ang baa, ngaa to gə ꞌɗa ne mə mbede gə na: Taji kil lə nje taji-i je le oso dɔ-m gə.

Romaindjé 15:8

Mba m-pa na Kirisi təl njekula lə njekunja bərəje mba tɔji ne to gə Luba pa tar gə tɔgərɔ, ngaɓa mba tɔji ne to gə n-ar njang dɔ neje gə n-uwa dɔ gɔl-ɛ n-ar ka-sijee,

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

2 Corinthiendjé 13:4

Mba ꞌɓər-e kagə dəsə gə mba mbɔr-ɛ lə-a, ngaa n-aw kəm baa gə go singamongə lə Luba; sijee kara ja mbɔr-ɛ ɗəw gə lə-a tɔ, ngaa j-a kaw sə-a kəm baa mba sisəy ɗəw singamongə gə lə Luba.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Philippiendjé 2:6

ꞌne gə n-asə naa gə Luba, n-njigi mba kisi lo kasə naa gə lə-a gə Luba ang,

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 13:3

Oleje mə-si dɔ nje gə to kəy kula gə, to to gə sisəy kara ꞌtoje gə je naa gə be, ngaɓa nje gə ꞌɗaje məyɛr nama ꞌgərə to gə darɔ-sisəy kara d-a ɗa məyɛr tɔ.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.