Philippiendjé 2:6 - Mbede Lə Luba Kone Gə Sigi

⁶ ꞌne gə n-asə naa gə Luba, n-njigi mba kisi lo kasə naa gə lə-a gə Luba ang,

Testament ke Siki 1960 (Kabba Laka)

⁶ Nè, lé ke nè néh tokou Allah, ta kisi naaté ke Allah nè no tokou né ta sange ta kwaa ang.

Philippiendjé 2:6 ပူးပေါင်းရင်းမြစ်များ

Matiye 1:23

Oje ꞌmbakum a kḭ kɛm ɗaa, a kuji ngon gə jingaw Ngaɓa d-a kunda ri-a na Emanuyɛl, Kɔr gəl-e na: Luba ga̰ gə si.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:30

ꞌMa je gə Bɔy j-a to gə kara baa.

Jean 10:33

Jiibije d-ila-a kəne na: Mba kula gə may gə ꞌɗa ɓa j-a cila-i gə kɔr ər mb-ɛ ang ngaa mba taji gə ꞌtaji Luba, ngaɓa mba ꞌI gə ꞌto dəw nee ja baa uwa rɔ-i gə Luba.

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 14:28

Tar gə m-pa gə oje gə mbi-si gə m-pa na: M-aw mba təl ɗe kinga-si ɓi. To gə ɓo ꞌnjigi-mje nama a ɗaje rɔləl mba kaw gə m-aw gə rɔ Bɔ dəwje gə nee, mba Bɔ dəwje to ɓəəl ya̰ unda-m ꞌma ja ɓi.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 17:5

Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Jean 20:28

Toma ila kəne ɗaa pa ar-ɛ na: Mbayɓe lə-m, ngaɓa Luba lə-m!

Jean 5:18

Be ɓa Jiibije ꞌsangə ɗəw gə mba tɔl-ɛ gə tɔl ja kara baa, mba n-al dɔ ndɔ kuwa kɔr ja kara baa ang, ngaa n-təl n-ɓar Luba gə bɔ-ɛje gə nje kuj-e, ngaɓa n-ɗa rɔ-ɛ n-asə ne naa gə Luba nəm tɔ.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 1:6

Cibi, logə n-a kaw kula ngon-e gə to dəər dɔ nangə nee ɗaa, n-pa na: May kar anjije lə Luba tɔy ja d-ɔsə takəji-je nangə no-ɛ gə

Ebərəje 1:8

Ngaa kar ngon-e ɗaa n-pa na: Ngəndəng mbay lə-i, əy Luba, to saar gə no. Ngaɓa, Miya̰ ko̰ mbay lə-i kara o̰ ne ɓe gə dɔ gɔl-ɛ.

Ebərəje 13:8

Jeju Kirisi gə njekara nee ja ga̰ tagəne, gə ɓogəne ngaɓa gə ɓal gə ɓal.

Apocalypse 21:6

Ngaɓa n-pa n-ar-m na: Ɓɛlɛ ngaa. M-to Aləpa gə Omega, lo kuma kudu ne gə lo tɔl ngangə ne. Ye gə kunda ɔr-ɛ nama m-a kar-ɛ man gə a̰y kuji-kuji gə kar kisi kəm baa, gə a ndogo gə lar ang.