Philippiendjé 2:3 - Mbede Lə Luba Kone Gə Sigi

³ ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si.

Testament ke Siki 1960 (Kabba Laka)

³ Edaidjé né kada deo maitar té aséh deo ndoi rò té ang, a deo da ròsè té ngadji, woidjé mare dooudjé madji wota sésè ndja.

Philippiendjé 2:3 ပူးပေါင်းရင်းမြစ်များ

Lugu 18:14

Jeju pa dɔ mar-ɛ gə cibi na: M-pa m-ar-si, njembo̰ lar gədə be nee le aw kəy lə-a gə maj-ɛ, tar ɔr dɔ-ɛ gə, ngaa ye gə kara ɗa bənəng ang baa, mba dəw gə ɗa-ɗa gə unda dɔ-ɛ taar gəgəgə nama, Luba a kuwa dɔ-ɛ kula nangə, ngaa dəw gə ula dɔ-ɛ ɓa Luba a kun-e kunda-a taar.

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Romaindjé 13:13

Ar-je si j-a njaje gə njekəm karəje, to to gə dəw gə nja dan kara be, j-ɔsəje ne neje gə to nee rəw: Mbula nekusa, mbə kodo, ɓogo lo to gə bula njagəda, ma̰y tar gə nər mə.

Romaindjé 2:8

ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne.

1 Corinthiendjé 15:9

mba ꞌma gə m-to dəw gə njɛ̰ baa horo njeka̰ykulaje gə; m-asə kar ꞌɓar-m njeka̰ykula ang, mba m-ula kəm Mbo̰ naa lə njetakagəje lə Luba ndoo.

1 Corinthiendjé 3:3

mba darɔ o̰ dɔ-si ɓi. Mba nər mə ngaɓa ko ta naa ang to horo-si gə nəm le se, to neje gə darɔ gə ang wa? Ngaɓa se ꞌnja-je gə go kəji gə darɔ gə ja dɔngɔ ang wa?

2 Corinthiendjé 12:20

Mba m-ɓəəl mba kar logə m-ce ɓə lə-si nama, m-inga-si to gə m-njigi le ang baa, ngaɓa sisəy kara kar inga-mje to gə ꞌnjigije le ang tɔ; m-ɓəəl mba kar neje gə to nee a kḭ to: Mbadə tar ta naa gə, nər mə, wungu mbə, kəji mə bo, pa gə naa, pa tar gə to, kunda kar ngaɓa neje gə wɔr-wɔr.

Galatedjé 5:15

Ngaa to gə ɓo ꞌto̰je naa gə usaje naa gə yo gə nee nama, oje gə maj-ɛ ɓa na a tujije naa gə yo gə nee tɔ.

Galatedjé 5:26

J-undaje kar-si j-a tɔsə ne ta naa gə yo gə nee ang, ngaɓa j-a ꞌɗa kəm kə̰y dɔ naa gə yo gə ne ang tɔ.

Ephésiendjé 4:2

ulaje dɔ-si ngulum, awje yururu ngaɓa ilaje mə-si dɔ mar-ɛ gə po̰-po̰ tɔ. Oreje ur-si dɔ naa gə gə yo gə nee gə njigi,

Ephésiendjé 5:21

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Philippiendjé 2:14

ꞌƊaje ne tɔ̰y gə yṵrṵ tar ang nəm, gə ma̰y tar ang nəm,

Colossiendjé 3:12

Be ɓa Luba ja njigi-si, mbərə-si ngaɓa togo-si le ɗaa, may kar ko kəmtondoo gə tɔgərɔ, gə məmay, kula dɔ ngulum, gə kaw yururu gə kila mə dɔ mar-ɛ gə ɓa ar-je uwa mə-si.

Colossiendjé 3:8

Ngaa ɓisine ɗaa, sisəy le, may kar ꞌtɔrəje neje tɔ̰y gə to nee le horo-si gə gə ɗangə: wungu, kəji lə daje, məndul, pa gə naa, gə tarje gə ngabula gə aw ce ta-si gə.

1 Timoce 6:4

n-to dəw gə kunda kar tɔ kəm-e, n-gərə ne kara ang, n-to njema̰y tar ngaɓa n-to nje ndo̰ro̰ tar cibi tɔ. Ye gə nee le ɓa uji kəm kə̰y, tḭ naa, taji kil, nani,

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 5:5

Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.