Philippiendjé 2:29 - Mbede Lə Luba Kone Gə Sigi

²⁹ Uwa-aje gə rɔ-si gə gə rɔləl lə Mbayɓe ja tɔ̰y ngaɓa dəwje gə to gə be le ilaje kuji dɔ-je gə;

Testament ke Siki 1960 (Kabba Laka)

²⁹ Tokou ban, etèèdjé mè Mbaibé Seigneur té ke koukou ke madji toï, epitidjé dooudjé tokou ban.

Philippiendjé 2:29 ပူးပေါင်းရင်းမြစ်များ

Lugu 9:5

Ngaɓa loje tɔ̰y gə dəwje ꞌmbadə mba kuwa-si mba kəne le, ꞌkundaje kuru gə gɔl si gə mba kar to tar naji gə ɔji dɔ-je.

Jean 13:20

Tar gə tɔgərɔ ja, m-pa m-ar-si, dəw gə uwa njeka̰ykula lə-m gə rɔ-ɛ gə nama to gə ꞌma ja ɓa nj-ɛ uwa-m gə rɔ-ɛ gə kən, ngaɓa dəw gə uwa-m gə rɔ-ɛ gə nama to gə njekula-m ɓa nj-ɛ uwa-a gə rɔ-ɛ gə əng tɔ.

Koula 2:46

Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ.

Koula 28:10

D-ila kuji dɔ-si gə gə maj-ɛ ja ngaɓa kaw lə-si kara d-ar-si neje gə j-aw ndoo-e nəm.

Koula 8:8

Be ɓa rɔləl gə boy ja to mə ɓebo gə nee le.

Romaindjé 10:15

Ngaɓa to gə ɓo d-ula-je ang le njepatar-ɛje d-a ga̰ to gə ban wa? Gə go tar gə ꞌɗa mə mbede gə na: To ne rɔləl ya̰ mba ko njekila mbərə Tar gə Mayje le Lo ɗe gə lə-je.

Romaindjé 16:2

mba kar uwa-aje gə rɔ-si gə maj-ɛ gə ri Mbayɓe gə pa kuwa gə asə kuwa ne mba njerɔsangəje, ngaɓa may kar-si ꞌlaje sə-a ar-je ninga ne tɔ̰y gə n-aw ndoo-e, mba ꞌne ja kara n-la gə dəwje bula, ngaɓa ꞌma ja kara n-la sə-m nəm.

1 Corinthiendjé 16:10

To gə ɓo Timoce ce ɓə lə-si nama, ꞌɗaje ar-eje n-isi gə ɓəəl ang, mba n-ɗa kula lə Mbayɓe to to gə ꞌma be tɔ.

1 Corinthiendjé 16:18

mba ꞌɗaje d-ar njil-m oso nangə ngaɓa kar-sisəy nəm tɔ. May kar-si ꞌgərəje lo kɔsə gaji dəwje gə to gə be.

2 Corinthiendjé 10:18

Mba dəw gə nje kɔsə gaji darɔ-ɛ ye ja ɓa to gə ne ang ngaa dəw gə Mbayɓe ja ɔsə gaji-ɛ ɓa to gə ne.

2 Corinthiendjé 7:2

Ar-je mə-si uy dɔ sijee ang. Sijee ja mbɔlɛ ne lə dəw ang, ja tuji ne lə dəw ang nəm ɓa j-ula mbə dɔ dəw gə kara ang nəm tɔ.

Philippiendjé 2:28

Gəl-e gə nee ɓa m-ula-a gə tɔg-ɛ baa mba kar o-eje ɗaa rɔ-si ləl-si, ngaɓa ꞌma kara kar mə-m oso ne nangə tɔ.

Colossiendjé 4:10

Arisətarəkə gə d-uwa-a sə-m pa na m-o-si m-ar ꞌne, ngaɓa Marəke gə njenuji lə Barənabas kara nəm. ꞌNe le ꞌpa tar lə-a d-ar-si kede nam a ɓo n-ce dɔ-si gə nama uwa-aje gə maj-ɛ gə rɔ-si gə.

1 Thessaloniciendjé 5:12

Ngan ko̰-mje, j-a dəji-si kar ilaje kuji dɔ nje gə d-aw ɗa kula horo-si gə, gə d-ɔr no-si ɗəw gə lə Mbayɓe ngaɓa d-aw ndəji-si.

1 Timoce 5:17

May kar ngatɔgəje gə d-o̰ dɔ kula gə maj-ɛ le, njetakagəje d-a kila riɓar dɔ-je gə gɔl joo, nje gə d-ula rɔ-je ndubu ɗəw pa tar gə lə Luba ngaɓa ɗəw netɔji gə ja ɓa.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

3 Jean 1:10

Gəl-e gə nee ɓa, to gə ɓo, m-ce horo-si gə nama, m-a təl pa tar kula ɗ-ɛje, gə tarje gə kṵra̰y gə n-pa n-tuji ne ri-si gə lo-lo, ye gə kən ja kara as-ɛ ang ja dɔro ɓi ɗaa, n-mbadə mba kuwa ngan ko̰ naaje mba, ngaɓa nje gə ꞌnjigi mba ɗa kul-ɛ kara n-ɔgə je nəm, n-tɔɓə-je lo Mbo̰ naa lə njetakagəje gə nəm tɔ.