Philippiendjé 2:22 - Mbede Lə Luba Kone Gə Sigi

²² Ngaa ꞌgərəje to gə n-tɔji gə ɗaga to to gə ngon gə isi mbɔr bɔb-ɛje gə ja, n-un rɔ-ɛ ɗɔdə n-ila sə-m kula kila mbərə Tar gə May gə.

Testament ke Siki 1960 (Kabba Laka)

²² A sésè egeridjé mè ndaa kaï lo Timothée, deo kadaba tokou ngon da ke bèdjè, nè nda sem mè koula tar té ke madji.

Philippiendjé 2:22 ပူးပေါင်းရင်းမြစ်များ

Koula 16:2

Ngan ko̰ naaje gə Lisətərə gə nje gə gə Ikoniyom ꞌpa tar naji lə-a may ya̰.

Romaindjé 5:4

kuwa gədərə uji kar njang dan nena gə, ngaɓa kar njang dan nena gə uji kunda mə,

1 Corinthiendjé 16:10

To gə ɓo Timoce ce ɓə lə-si nama, ꞌɗaje ar-eje n-isi gə ɓəəl ang, mba n-ɗa kula lə Mbayɓe to to gə ꞌma be tɔ.

1 Corinthiendjé 4:17

To gə be ɓa m-ula Timoce ɓə lə-si, ꞌne gə to ngon-m gə m-njig-e ya̰ ngaɓa n-to dəw gə dana gadə ɗəw gə lə Mbayɓe le, n-a kole mə-si dɔ pa nja-m gə ɗəw gə lə Kirisi Jeju, to to gə m-tɔji ne gə lo tɔ̰y, lo Mbo̰ naaje lə njetakagəje.

2 Corinthiendjé 2:9

M-ɗa ne mbede m-ar-si mba na ne mə-si ko, se ila-je kuji ɔji dɔ neje tɔ̰y ja wa?

2 Corinthiendjé 8:22

J-ula ngon ko̰-sijee gə ɗan kara ɓi gə je tɔ, ꞌne to dəw gə ja gər-e gə maj-ɛ ngaɓa tar ɗa kula o̰-ɛ ya̰, ɓisine gə nee ja kara, ɓo ɗa kula ɗ-ɛ ya̰ mba n-unda m-e dɔ sijee gə.

2 Corinthiendjé 8:24

ꞌTɔjije-je to gə ꞌnjigije-je tɔgərɔ jaa, mba kar Mbo̰ naaje lə njetakagəje ꞌgərə, ngaɓa ꞌtɔji-je gəl kɔsə gə j-ɔsə gaji rɔ-sijee ɔji dɔ sisəy no ꞌjeje gə tɔ.

2 Corinthiendjé 8:8

M-pa tar gə nee le m-un ne gə ndu ɓa m-ar-si ang, ngaa m-pa tar ndəbə sər lə nje gə kɛm gə ne kɔji mar-ɛ mba kar-sisəy tɔjije ne njigi lə-si gə tɔgərɔ.

Philippiendjé 1:12

Ngan ko̰-mje, m-njigi mba kar ꞌgərəje to gə ne gə ce dɔ-m gə le, ɔsə kudu Tar gə May ar-ɛ aw gə kede.

Philippiendjé 1:16

Nje gə ꞌɗa gə go njigi ɗaa, ꞌgərə to gə m-isi nee gə nje ɗa ɗɔ mba Tar gə May,

Philippiendjé 1:5

mba kum gə um-je mə-si naa gə gə sijee dɔ Tar gə May gə, un kud-e dɔngɔr ndɔ gə ja saar ɓisine.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Philippiendjé 2:20

mba dəw kara ja gə a kay sə-m kəji le godo, m-no rɔ-m ya̰ ɔji dɔ-si;

1 Timoce 1:18

Ngon-m Timoce, tar ndəji gə m-a pa kar-i ɓa nee, to tar ndəji gə aw ɗəw kara baa gə tar gə pajambərəje pa ɔji dɔ ndo-ɛ gə kede le. Ye ɓa a kula jingaw mə-i gə kar ꞌɗa nee ɗɔ kəm ngon gə jingaw,

1 Timoce 1:2

ɓa m-ɗa mbede nee m-ar-i, Timoce, ꞌi gə m-o-i to gə ngon njigi lə-m gə tɔgərɔ gə ɗəw takagə gə. M-dəji Luba gə Bɔ je gə Kirisi Jeju gə to Mbayɓe lə-si mba kar d-ar-i mənuji, ꞌɗa sə-i məmay ngaɓa d-ar-i ɗɛgɛgɛ tɔ.

1 Timoce 4:6

To gə ɓo ꞌi tɔji tar nee le no ngan ko̰-ḭje ɗaa, ꞌi a to njekula lə Jeju Kirisi gə horo njetakagə gə gə maj-ɛ, Ye ɓa ꞌi a tɔji to gə tar takagə gə nendo gə tɔgərɔ gə ꞌi ndoo le ɗusu mə-i.

2 Timoce 1:2

Timoce, ngon njigi lə-m: May kar-i inga mənuji, gə məmay ngaɓa gə ɗɛgɛgɛ ɗəw gə lə Luba gə Bɔ je gə Mbayɓe lə-si Kirisi Jeju.

2 Timoce 3:10

Be ɓa ꞌi le, ore kəm-i ndəng o ne pa nendo gə m-ndo dəwje, o pa nja-m, ꞌgərə gəl kula gə m-gɔl, ꞌgərə go takagə lə-m, gə kore ur ndəng lə-m, gə njigi gə m-njigi dəwje, gə kuwa gə m-uwa gədərə,

Tite 1:4

Titə, ngon mə-m gə ɗəw takagə le-si naa gə kara baa: may kar Luba gə Bɔ je gə Jeju Kirisi gə njekaji-si d-ar-i mənuji gə ɗɛgɛgɛ.