Philippiendjé 2:16 - Mbede Lə Luba Kone Gə Sigi

¹⁶ uwaje ngəng ɓo ilaje mbərə tar təbə ar-jeje. Ye ɓa a to ne riɓar lə-m ndɔ təl gə lə Kirisi. Mba m-a̰y ngɔdə baa ang nəm ɓa m-jɔgə rɔ-m baa ang nəm tɔ.

Testament ke Siki 1960 (Kabba Laka)

¹⁶ Tokou ngemi djè tar tébe, tokou ban ndò lo Christ ma ma kase kòsou gadjim mbata maïngòrou ba ang, aséh mam nda koula ba ang.

Philippiendjé 2:16 ပူးပေါင်းရင်းမြစ်များ

Matiye 10:27

ngaɓa ne kara gə ꞌdəbə dɔ-ɛ gə d-a kḭya̰ dɔ-ɛ ngaw kar gadə gə ang le godo. Tar gə m-pa londul gə m-ar-si nama, ꞌpaje dan kara, ngaɓa ye gə m-wɛdə mbi-si gə nama, ubaje dɔ kəy ɓa ilaje ne mbərə.

Lugu 12:8

M-pa m-ar-si, dəw gə ɗa-ɗa gə tɔji rɔ-ɛ gə ɗaga no dəwje gə to gə n-to nje kar ꞌma nama, ꞌma gə Ngon lə dəw m-a tɔj-ɛ gə ɗaga no anjije gə lə Luba to gə n-to nje kar ꞌma tɔ.

Jean 6:63

Njil ɓa to nje kar dəw aw kəm baa. Darɔ asə ɗa ne kara ang. Tarje gə ꞌma, m-pa m-ar-si le to Njil gə təbə.

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

1 Corinthiendjé 9:26

ꞌMa le ɗaa m-a̰y ngɔdə ja, ngaa m-a̰y baa gə nangə əng ang; m-ɔr ji-m nama m-unda ne m-uwa ɓo m-unda ləl baa ang.

2 Corinthiendjé 1:14

to gə sisəy ꞌgərəje tar gə ɔji dɔ sijee njɛ̰ ɗɔdə le, sijee ja to gə ne kunda kar lə-sisəy ɗəw kara baa to gə sisəy kara ꞌtoje ne kar-sijee dɔ ndɔ gə lə Mbayɓe Jeju.

Galatedjé 2:2

M-aw m-ila ne kɔji dɔ ne gə Luba kila gəl-e ar-m kar m-aw m-ɔr gəl mbərə Tar gə May gə m-ila m-ar dəwje gə to gə Jiibije ang m-ar-je d-o; m-uwa dɔ naa gə bubaje gə lo-e ɓədə, mba kar kula gə m-ɗa le unda nangə baa ang.

Galatedjé 4:11

Njil-im ce mba kulaje tɔ̰y gə m-ɗa horo-si gə le təl to ne gə baa.

Philippiendjé 1:10

To gə be ɓa mba kar ꞌgərəje ne ɗəw kɔr kəm ne gə may, gə ar-je ne ngadə ngaɓa kar tar uwa ne dɔ-si ndɔ təl gə lə Kirisi ang.

Philippiendjé 1:6

M-gərə gə maj-ɛ to gə ꞌye gə un kudu kula gə may mə-si gə le, a kaw ne saar mba tɔl t-ɛ ndɔ təl gə lə Kirisi Jeju.

1 Thessaloniciendjé 2:19

Ɗi ja ɓa to ne kunda mə lə-sijee wa? Sisəy ja ꞌtoje rɔləl lə-sijee, gə jɔgə ne riɓar lə-sijee gə dɔ ndɔ təl gə lə Mbayɓe lə-si Jeju.

1 Thessaloniciendjé 3:5

Gəl-e gə nee ɓa ꞌma ja kara m-ore mə-m pḭḭ ɗaa m-ula Timoce mba kar aw tən-si dɔ takagə lə-si o, mba m-ɓəəl m-pa na kar nje kərə dəwje d-aw d-ərə si ngaɓa kar tuji ne kula gə sijee j-a ɗa le pugudu.

Ebərəje 4:12

Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.

1 Piyɛr 1:23

Sisəy gə ꞌtəl d-uji-si to gə sigi ɗəw gə lə ko ne gə a busu ang, ngaa ɗəw gə lə ko ne gə a to saar gə no, gə to tar lə Luba gə to kəm baa ngaɓa a kunda nangə ndɔ kara ang;

1 Jean 1:1

Ne gə ga̰ kede lo kun kudu neje gə le, ne gə nee gə j-o tar-ɛ gə mbi-si, ne gə j-o gə kəm-si, ne gə j-a tən so-so ngaɓa ne gə ji-si uwa pɛb le to tar təbə,

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.