Philippiendjé 2:15 - Mbede Lə Luba Kone Gə Sigi

¹⁵ mba kar d-ila tar dɔ-si gə ang, ngaɓa ar-je ngadə, gə nganje lə Luba gə tar uwa dɔ-je ang, horo gəl kuji gə to dana ang gə, ngaɓa ndṵrḭ nəm; horo-je gə le, ꞌndogoje to to gə pər ngəl be dɔ nangə nee;

Testament ke Siki 1960 (Kabba Laka)

¹⁵ Baa ta kare sésè éhdjé ke tar kada dòsè té ang, ke né ke madjang kada ang, ngandjé lo Allah ke éh ke né ke madjang kada goto horo gel dooudjé té ke to gatang, ke ndja deo mbeténa té, mbata horodè té ke nange nèn sésè ndokooidjé tokou pourou.

Philippiendjé 2:15 ပူးပေါင်းရင်းမြစ်များ

Matiye 10:16

Oje: M-ula-si to gə badəmje horo njagəmanjɛrje gə. Undaje kəm karə dɔ rɔ-si gə to to gə li be, ꞌkulje yururu to to gə dər kuul be.

Matiye 17:17

Jeju ila kəne na: ꞌToje dəwje nje məkədərəje, ꞌtoje njetula pa nja-je naa gə je, m-a ga̰ gə si saar ndɔ gə ɗa gə wa? Ose m-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje.

Matiye 5:45

Be ɓa sisəy a toje ne nganje lə Bɔ-sijee gə isi mə dara gə, mba n-ar kar ɔsə dɔ njeməndulje gə nəm gə njeməmayje gə nəm tɔ, ngaɓa n-ar nji ər ndɔɔ lə dəwje gə gadə-gadə gə nje ɗa ne dɔ buguruje naa gə tɔ.

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Lugu 1:6

ꞌToje dəwje gə gadə-gadə joo kɛm no Luba gə, ngaɓa d-ila kuji dɔ ndu gə gə torondu gə lə Mbayɓe.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 5:35

Ja̰ to ngəl gə d-ɔsə pər kəne ɗaa ndogo: ɗaa sisəy ꞌnjigije mba kar n-ndogo dɔ-si gə n-ar-si ꞌɗaje rɔləl kəm ngira kar kara.

Koula 2:40

Ngaɓa n-pa tarje bula n-ula ne jingaw mə-je gə nəm ngaɓa n-pa ne tar naji na: Ar-je d-aji-si horo dəwje gə kṵra̰y gə ɓogəne.

Koula 20:30

ngaɓa horo-sisəy gə ja kara dəwje gə kɛm d-a kuba nangə kḭ pa tarje gə ngabula mba kɔr ne ngan njenendoje kum neje go-je gə.

Romaindjé 16:19

Ngaa sisəy le ɗaa dəwje tɔ̰y ja ꞌgərə kila kuji lə-si, m-uwa-si m-unda ne kar-m, ngaɓa m-njigi mba kar-si undaje kəm karə dɔ rɔ-si gə ɔji dɔ ɗa may, ngaɓa kar ɔsəje ɗa kṵra̰y ngərəng tɔ.

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

2 Corinthiendjé 6:17

Gəl-e nee ɓa, Mbayɓe pa na: ꞌCe-je horo-je gə gə gugu, Ɔrəje rɔ-si gə ɗangə, ꞌMbɔ̰bə-je mbɔr ne gə mina ang Ɗaa, m-a kuwa-si gə rɔ-m gə

Ephésiendjé 5:27

mba tɔji ne mbo̰ naa lə njetakagəje gə ɗaga kar-ɛ ndole yondə-yondə ta kəm-e ꞌne gə ja, kar-ɛ n-mina ose n-ndole njɔl-njɔl ang nəm, ose mba kar ne gə to gə mar-ɛ bənəng ɓar ri-a ang nəm tɔ. Ngaa mba kar-ɛ n-to gə losang-ɛ ngaɓa kar tar uwa dɔ-ɛ ang nəm tɔ.

Philippiendjé 1:10

To gə be ɓa mba kar ꞌgərəje ne ɗəw kɔr kəm ne gə may, gə ar-je ne ngadə ngaɓa kar tar uwa ne dɔ-si ndɔ təl gə lə Kirisi ang.

Philippiendjé 3:6

ye gə ɔji dɔ kula kəm mbo̰ naa lə njetakagəje ndoo kara tar-ɛ o̰-m ya̰ nəm, gə ye gə ɔji dɔ nja dana gadə-gadə gə go torondu le dəw asə kila tar-ɛ dɔ-m gə ang.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

1 Timoce 3:10

To may mba na-je ko kede nam ɓa, ngaa ɓo tar godo dɔ-je gə nama d-a kum kula diyakərə ji-je gə ɓi.

1 Timoce 3:2

Be ɓa, may kar nje ka dɔ lo kuwa dɔ naa le tar a kuwa dɔ-ɛ ang, n-a to nje jene gə kara, n-a ɗa mə bo nekusa ang, n-a kunda kəm karə dɔ rɔ-ɛ gə, n-a to njekuwa nuji, n-a to nje kuwa mbaje cibi n-a kasə mba tɔji ne dəwje.

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

1 Timoce 5:20

May kar ndangə njeneɗaje gə kṵra̰y no dəwje gə tɔ̰y, be ɓa nje gə kɛm d-a ɓəəl nee.

1 Timoce 5:7

Ye gə nee ɓa to ndu gə ꞌi a pa kar jene ndubaje mba kar dəw ila nee tar dɔ-je ang.

Tite 1:6

dəw gə a to ngatɔgə le tar a kuwa dɔ-ɛ ang gə a ta jene kara baa ngaɓa ngan-ɛ d-a to njetakagəje gə pa nja-je a to gə maj-ɛ gə d-ila kuji ɓa.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Tite 2:15

Be ɓa gə go tarje gə m-pa m-ar-i le ɗaa n-ndəji-je ne nəm gə ndangə-je gə singamongə. Ar dəw o-i gə ne gə baa ang.

Ebərəje 7:26

Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

Apocalypse 2:5

Be ɓa ar mə-i ole dɔ lo gə ꞌce oso kəne: ꞌTuru kəji lə-i, ɓo un kula ɗa-ije gə may gə kede ləw. Be ang nama m-aw gə ɓə lə-i əng, a to gə ɓo, ꞌturu kəji lə-i ang nama, m-a kɔr dɔ ne kunda lambe lə-i lo to-e gə gə ɗangə.

Apocalypse 3:9

A o, m-ar-i dəwje gə kəy nendo gə lə ꞌSu, dəwje gə ꞌɗa rɔ-je gə Jiibije, ngaa ꞌto Jiibije ang baa, ꞌto nje pa tar gə ɗəgərəje. O, m-a kar-je ꞌɗe d-um məkəji-je nangə no gɔl-i gə, ngaɓa d-a gərə to gə m-ɓol-i.