Philippiendjé 1:7 - Mbede Lə Luba Kone Gə Sigi

⁷ To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Testament ke Siki 1960 (Kabba Laka)

⁷ To gaté gaté mbata mem edji tokou ban mbata losè toï, mbata sésè toï etoidjé mem té tokou ndjè kinga tokou mè madji deo kadaba ke ma, mè kei koula té lom ke tokou ma mpa tar nadji ta ngem tar ke madji to, ke ta kare nto tar ke tokoro.

Philippiendjé 1:7 ပူးပေါင်းရင်းမြစ်များ

Koula 20:23

ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m.

Koula 21:33

Be ɓa njekun dɔ njeɗɔje nee le ula ji-a uwa Pɔl ɗaa un ndu kar ꞌtɔ-ɛ gə kula larje joo ngaɓa təl dəji-e se n-to na wa, cibi se ɗi ɓa n-ɗa wa?

1 Corinthiendjé 13:7

n-ḭya̰ go ne tɔ̰y, n-ta kagə ne tɔ̰y, n-unda m-e dɔ ne gə tɔ̰y, n-uwa gədərə dan ne gə tɔ̰y.

1 Corinthiendjé 9:23

Be ɓa m-ɗa neje tɔ̰y mba Tar gə May ɓa mba kinga ne kar ꞌma kəne tɔ.

2 Corinthiendjé 3:2

Sisəy ja ꞌtoje gə mbede lə-sijee, gə ꞌɗa mə-sijee gə, gə dəwje tɔ̰y ꞌgərə ngaɓa ꞌtura.

2 Corinthiendjé 7:3

M-pa tar gə nee le mba kila ne tar dɔ-si gə ang, mba m-pa kede nam to gə j-uy ose j-aw ne kəm baa kara mə-sijee a kuy dɔ sisəy ndɔ kara ang.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ephésiendjé 3:1

Gəl-e gə nee ɓa, ꞌma Pɔl gə m-to kəy kula gə ɔji dɔ Kirisi Jeju mba sisəy gə ꞌtoje gə Jiibije ang le.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 6:20

Tar gə May gə nee, gə m-to gə njekila mbər-e le ɓa ꞌtɔ-m ne gə kula lar; may kar-m m-pa tar-ɛ gə ɓəəl ang, ngaɓa gə go ɗəb-e gə may kar-m m-pa ne le ja tɔ.

Philippiendjé 1:12

Ngan ko̰-mje, m-njigi mba kar ꞌgərəje to gə ne gə ce dɔ-m gə le, ɔsə kudu Tar gə May ar-ɛ aw gə kede.

Philippiendjé 1:13

Be ɓa, dəwje tɔ̰y gə d-aw ɗa kula kəy mbay gə, gə nje gə ɗangə tɔ̰y ja kara ꞌgərə to gə ꞌma le d-uwa-m d-ila-m kəy kula gə mba tar lə Kirisi.

Philippiendjé 1:14

Ngaɓa, kuwa gə d-uwa-m d-ila-m kəy kula gə nee le, ɗa ar ngan ko̰-mje bula d-inga ne singa dɔ mar-ɛ gə ɗəw gə lə Mbayɓe, mba kila ne mbərə gə ɓəəl ang.

Philippiendjé 1:5

mba kum gə um-je mə-si naa gə gə sijee dɔ Tar gə May gə, un kud-e dɔngɔr ndɔ gə ja saar ɓisine.

Philippiendjé 2:22

Ngaa ꞌgərəje to gə n-tɔji gə ɗaga to to gə ngon gə isi mbɔr bɔb-ɛje gə ja, n-un rɔ-ɛ ɗɔdə n-ila sə-m kula kila mbərə Tar gə May gə.

Philippiendjé 4:14

Be ja kara may ya̰ mba oje kəmtondoo lə-m dan neməko̰ gə.

Philippiendjé 4:15

Dəwje gə Pilipi, sisəy ja kara ꞌgərəje, kun kudu kila mbərə Tar gə May ja, logə m-ɔdə Masedowan le, Mbo̰ naa lə njetakagəje gə ɗangə kara gə un nekarə baa ɔsə ne kudu-m le godo, sisəy ja gə kar-si baa,

Philippiendjé 4:3

Ngaɓa ꞌi kara, ꞌto nje baa kula gə ila kuji ɗaa m-dəji-i mba kar ꞌla gə je, ꞌto jeneje gə d-ila kudu-m gə d-ar m-ɗɔ ne mba Tar gə May, gə Kɛləma je gə nje baa kulaje lə-m gə kɛm gə ri-je to mbede təbə gə.

Colossiendjé 4:18

ꞌMa Pɔl ja, m-ɗa mbede nee gə ji-m: m-o ne si. Ar-je mə-si ole dɔ-m gə lo to kəy kula gə. May kar mənuji nay gə si!

Colossiendjé 4:3

ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

1 Thessaloniciendjé 5:5

mba sisəy tɔ̰y ꞌtoje ngan lokarəje ngaɓa aw nja-je dan kara tɔ. J-a njaje mə cil gə ang nəm dan cil ciməri gə ang nəm.

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

2 Timoce 2:9

Mba tar-ɛ ja m-o ne ko̰ saar, tɔ-m ne kula lar to to gə m-to dəw gə ɗa məyɛr be. Ngaa ꞌtɔ Tar lə Luba gə kula lar ang baa.

Pilimo 1:13

M-njigi ngom-e rɔ-m gə nee mba kar n-ɗa kula tor-i gə, logə m-isi mə kəy kula gə mba Tar gə May.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

2 Piyɛr 1:13

Ɓo m-aw kəm baa ɓi nama to dɔ gɔl-ɛ ja mba kar m-ole mə-si m-ar-si ꞌcibije ne dɔ rɔ-si gə ang,

1 Jean 3:14

Sijee j-a gərə to gə j-a ce mə ji yo gə j-aw lo təbə gə, mba sijee ja njigi ngan ko̰-sijee. Dəw gə njigi ngon ko̰-ɛ ang le nay mə ji yo gə baa ɓi.