Philippiendjé 1:27 - Mbede Lə Luba Kone Gə Sigi

²⁷ Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

Testament ke Siki 1960 (Kabba Laka)

²⁷ A ase kare ndja losè to ase madji ke tar lo Christ, baa ta kare tokou mam ndé ta kosè, aséh ma méh kesè ang, ma mase ko tar losè ke sésè isidjé ngeng ke ndii kadaba, ke edòòidjé naaté ke mè kada mbata ko mè té ke tar ke madji.

Philippiendjé 1:27 ပူးပေါင်းရင်းမြစ်များ

Matiye 12:25

Mba Jeju gərə kəji lə-je le ɗaa pa ar-je na: Ɓeko̰ gə ɗa-ɗa ɓa ɓo kay rɔ-ɛ dana cila kəm naa nama a tuji. Ngaɓa ɓebo ose kəy gə kay naa to kəne ɓa ꞌtəl cila kəm naa nama a tuji tɔ.

Koula 2:46

Gə ndɔ-ndɔ ja d-um mə-je naa gə d-isi mə kəy gə lə Luba, d-usa ne naa gə kara baa mə kəyje gə lə-je ngaɓa d-usa ne gə rɔləl nəm gə mənda nəm tɔ.

Koula 24:24

Ndɔje nday ɓəl go-e gə ɗaa, Pilis ɗe gə jene lə-a Durusil gə to Jiibi ngaɓa ula ɓar Pɔl. N-ɗe n-o tar t-ɛ gə ɔji dɔ ta kagə Kirisi Jeju.

Koula 4:32

Dəwje bula gə ꞌta kagə le, kəji lə-je gə mə-je to kara baa. Dəw kara kara ɔr kəm nekinga lə-a ɓədə ang nəm, ngaa neje to kara baa horo-je gə.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 1:9

Luba gə m-aw m-pol-e mə njil gə tɔgərɔ ɗəw kila mbərə Tar gə May gə lə Ngon-e le, to njetar naji lə-m, to gə gə ndɔ-ndɔ ja,

Romaindjé 10:8

Ngaa mbede le pa na ɗi wa? Tar le to sə-i əw ang, to ta-i gə ngaɓa to mə-i gə əng. Ye le ɓa to tar takagə gə sijee j-ila mbər-e.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 15:29

M-gərə to gə Kirisi a tɔr ndu dɔ-m gə gə maj-ɛ mba kar m-aw ɓə lə-si.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

2 Corinthiendjé 9:13

Logə dəwje d-o singa kula gə ꞌɗaje nee ɗaa, d-ila ne riɓar dɔ Luba gə ɔji dɔ kila kuji lə-si dɔ Tar gə May gə lə Kirisi gə ta-je, ngaɓa ɔji dɔ nenuji kar mə kara gə ꞌɗaje gə je, ngaɓa gə dəwje tɔ̰y.

Galatedjé 1:7

M-pa ɔji ne dɔ Tar gə May gə ɗangə ang ngaa m-pa ɔji dɔ dəwje gə ꞌɗe ꞌjɔgə-si ngaɓa njigi turu dɔ Tar gə May lə Kirisi le gə nangə.

Ephésiendjé 1:13

Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Ephésiendjé 1:15

Gəl-e gə nee ɓa, ꞌma kara, logə tar ta gə ꞌtaje kagə Mbayɓe Jeju, ngaɓa njigi gə ꞌnjigije njerɔsangəje tɔ̰y oso mbi-m gə ɗaa,

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Philippiendjé 1:5

mba kum gə um-je mə-si naa gə gə sijee dɔ Tar gə May gə, un kud-e dɔngɔr ndɔ gə ja saar ɓisine.

Philippiendjé 2:12

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja,

Philippiendjé 2:24

ngaɓa m-um mə-m dɔ Mbayɓe gə to gə ꞌma gə darɔ-m ja m-a kaw ɓisine baa.

Philippiendjé 3:18

M-pa tar pa nja lə dəwje bula m-ar-si ngaɓa ɓisine kara m-pa gə man no to gə ꞌnja gə njeba̰a̰je lə kagə dəsə lə Kirisi

Philippiendjé 3:20

Kar-sijee ɗaa, ɓe lə-si to dara; lo gə j-a ngina Mbayɓe Jeju Kirisi ɓa gə Njekaji-si kəne,

Philippiendjé 4:1

Gəl-e gə nee ɓa, ngan ko̰-mje, sisəy gə m-njigi-si ya̰, gə ɓo ko kəm-si tɔl-m le, ꞌtoje nerɔləl lə-m gə jɔgə lə-m le, may kar-si ar-je dɔ gɔl si gə njang dɔ Mbayɓe gə ja, sisəy gə m-njigi-si ya̰.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 1:4

Logə tar ta gə ꞌtaje kagə Kirisi Jeju ngaɓa njigi gə ꞌnjigije njerɔsangəje tɔ̰y oso mbi-sijee gə,

1 Thessaloniciendjé 3:6

Ngaa logə Timoce ḭ ɓe lə-si ɗe ɗaa, n-pa tar takagə lə-si gə maj-ɛ nəm, njigi naa lə-si, gə mə-sisəy gə uy dɔ sijee ang ngaɓa mal təl ko kəm sijee gə ɗa sisəy le, mal sisəy kara ɗa sijee ɗəw kara be tɔ.

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.

1 Timoce 1:11

Nendo nee le to Tar gə May kar riɓar lə Luba, gə kɔsə gaji to dɔ-ɛ gə, Luba um ji-m gə to gə tɔgərɔ.

1 Timoce 1:19

kar uwa nee takagə ji joo ngaɓa aw nee gə kəji gə gə maj-ɛ. Kəji gə nee le ɓa nje gə kɛm ꞌtusu d-iya̰, ɗaa d-oso ɗəw takagə gə lə-je to gə to gə njuyi man be.

2 Timoce 4:7

M-ɗɔ ɗɔ gə may, m-ce ɗudu ngɔdə gə lə-m, m-ngom takagə.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Pilimo 1:5

mba m-o tar njigi gə takagə lə-i gə ɔji dɔ Mbayɓe Jeju ngaɓa ɔji dɔ njerɔsangəje tɔ̰y.

Jacques 3:18

Njekunda ko ɗɛgɛgɛje le, ꞌdubu kandə neɗa gə dana gadə-gadə mba kar ɗɛgɛgɛ ta ne lo.

2 Piyɛr 3:11

Mba neje nee tɔ̰y d-a kaw kunda nangə to gə be le ɗaa, may kar pa nja-si to gə losang-ɛ gə kila kuji dɔ ne gə lə Luba.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.