Philippiendjé 1:21 - Mbede Lə Luba Kone Gə Sigi

²¹ mba ꞌma le, Kirisi ɓa to təbə lə-m ɗaa yo to gə may lə-m.

Testament ke Siki 1960 (Kabba Laka)

²¹ Mbata ke kem té, ta kisi tébe to Christ, ke ta kwoei to ta kinga né.

Philippiendjé 1:21 ပူးပေါင်းရင်းမြစ်များ

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 3:22

Pɔl, ose Apolos, ose Sepas, ose dɔ nangə nee, ose təbə, ose yo, ose neje gə ɓogəne, ose neje dɔ ndɔ gə bara; tɔ̰y to kar-sisəy;

2 Corinthiendjé 5:1

Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

2 Corinthiendjé 5:6

Be ɓa, j-unda singa-si dɔ rɔ-si gə gə ndɔ tɔ̰y, ngaɓa j-a gərə to gə lo gə sijee ja nay darɔ gə ɓi le, j-ar əw gə Mbayɓe,

2 Corinthiendjé 5:8

Tɔgərɔ, j-unda singa-si dɔ rɔ-si gə ja, ngaa ja njigi ya̰ mba kuba darɔ nee le kḭya̰, mba kaw kisi naa gə gə Mbayɓe.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Philippiendjé 1:20

gə go ne gə m-aw ngina ngaɓa gə go kunda mə lə-m ɗaa rɔ kul kara kara a kuwa-m ang. Ngaa ɓisine saar gə kede le d-a pidi Kirisi ɗəw gə lə-m gə ɓəəl ang, uji ne kuy lə-m ose kisi gə təbə lə-m;

Philippiendjé 1:22

Ngaa ye gə uji dɔ kula lə-m le se may kar m-aw gə dɔ-m taar ɓa may ose ɗi wa? Ye gə ɗa ɓa m-a mbərə kara m-gərə ang ngaa.

Philippiendjé 1:23

M-ndəbə ɓe joo kɛm: m-njigi ya̰ mba kɔdə kaw kisi gə Kirisi, mba ye ja ɓa may unda neje tɔ̰y;

Philippiendjé 2:21

dəwje tɔ̰y ja, ꞌsangə ne gə ɔji dɔ-je dɔ-je ɓo ꞌsangə kar Jeju Kirisi ang.

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

Apocalypse 14:13

Ɗaa m-o ndu ḭ dara pa na: ꞌƊa mbede, nokarə to kar dəwje gə ɓisine d-uy gəl Mbayɓe gə! Njil pa na, oyo, may kar d-uwa kɔr-je dɔ kula rɔ ndubu gə lə-je gə, mba kula ɗa-je ɔr go-je.