Philippiendjé 1:18 - Mbede Lə Luba Kone Gə Sigi

¹⁸ D-unda gusu ɓa d-ila ne mbərə lə Kirisi ose gə kəji gə tɔgərɔ kara, Kirisi le ja d-ila mbərə lə-a əng, ɗaa m-ɗa ne rɔləl ngaɓa m-a təl ɗa ne ja cibi,

Testament ke Siki 1960 (Kabba Laka)

¹⁸ Tokou ban di wa? Deo té toï, dèdè mpa tar lo Christ, lé tokou to deo kere té, aséh to deo té ke tokoro, ke mam nkoukou mbata yèn.

Philippiendjé 1:18 ပူးပေါင်းရင်းမြစ်များ

Matiye 23:13

Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Marəke 12:40

D-o̰ mə kəy lə jene ndubaje ləm-ləm d-ore dɔ-ɛ nangə ndəng ꞌdəji Luba ngɔɔgɔ-ngɔɔgɔ d-ar kuru-je əwu mba kar dəwje d-o-je ne. Be ɓa d-a gangə tar gə to ɓəəl ya̰ dɔ-je gə.

Lugu 9:45

Ngaa ngan njenendoje ꞌgərə mə tar nee le ang, ɗaa tar le iya rɔ-ɛ kəm-je gə gə kiya, mba kar ꞌgərə gəl-e ang; ɗaa ꞌɓəəl mba dəji-e gəl-e.

Lugu 9:50

Jeju pa ar-ɛ na: Ɔg-ɛje ang; mba dəw gə to njeba̰a̰ lə-si ang nama nj-ɛ nee le to dəw lə-si.

Romaindjé 3:9

Ɗi cibi wa? Sijee j-a to ɓəəl j-unda na wa? Ɗɔgə ang. Mba sijee tɔ̰y j-a tɔji to gə neɗa gə kṵra̰y ɔ̰ ɓe dɔ-si gə, Jiibije gə dəwje gə to Jiibije ang naa gə kara baa.

Romaindjé 6:15

Ɗi cibi wa! J-a ɗa-je neɗa gə kṵra̰y mba kisi gə j-isije gəl torondu gə ang ngaa j-isi gəl mənuji gə wa? Jagə ang!

1 Corinthiendjé 10:19

M-pa na ɗi wa? M-a pa na da gə ꞌpolo ne magəje le to ɓəəl ya̰ wa? Ose m-a pa to gə magə to ne gə to ɓəəl wa?

1 Corinthiendjé 14:15

Ɗi ɓa m-a ɗa wa? M-a dəji Luba ɗəw Njil gə ja, ngaa m-a dəji gə kəji negərə; m-a kɔsə pa ɗəw Njil gə ja, ngaa m-a kɔsə gə kəji negərə.

1 Corinthiendjé 15:11

Be ɓa, le to ꞌma ose ꞌjeje kara, tar gə j-ila mbər-e ja kən, ngaɓa ye ja ɓa to gəl takagə lə-sisəy.

Philippiendjé 1:19

mba m-gərə to gə mbɔr dɔ dəji Luba lə-sisəy ɗaa m-aji ne ngaɓa Njil Jeju Kirisi kara a la sə-m tɔ;