Philippiendjé 1:15 - Mbede Lə Luba Kone Gə Sigi

¹⁵ Nje gə kɛm ɗaa, tɔgərɔ ja, d-ila mbərə lə Kirisi gə ne nər mə gə ne tɔsə tar, ngaa nje gə naaje d-ila mbərə nee le gə kəji gə arə ngadə.

Testament ke Siki 1960 (Kabba Laka)

¹⁵ Maredjé pa tar lo Christ mbata mè dadè, ke mbata ndii maitar, a maredjé pa tar ke mè madji.

Philippiendjé 1:15 ပူးပေါင်းရင်းမြစ်များ

Matiye 23:5

ꞌƊa kulaje lə-je tɔ̰y mba tɔji ne rɔ-je kar dəwje d-o neje. To gə be ɓa d-um ngon ku ndaar gə bo ꞌtɔ ɓida noje ose kagə ji-je gə, cibi ꞌɗaje ta njəbə kubuje lə-je d-ar-ɛ tadə.

Koula 10:36

Luba ula Jeju Kirisi gə to Mbayɓe lə dəwje tɔ̰y ar-ɛ ila mbərə Tar gə May gə kar kinga ne ɗɛgɛgɛ ɗəw gə lə-a ar ngan Ijirayɛlje.

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 5:42

Ngaɓa gə ndɔ-ndɔ ja, mə kəy gə lə Luba ngaɓa mə kəyje gə d-əw rɔ-je tɔji ne gə kila mbərə Tar gə May gə ri Kirisi Jeju ang.

Koula 8:35

Be ɓa Pilibi un tar pa, un ne kud-e dɔ lo tura-a gə nee le, ila ne mbərə Tar gə May lə Jeju ar-ɛ.

Koula 8:5

Pilibi aw mə ɓebo gə Samari kara be ila mbərə Tar gə May lə Kirisi.

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

Romaindjé 2:8

ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne.

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

1 Corinthiendjé 13:3

Ngaɓa to gə ɓo m-kay nemayje lə-m tɔ̰y, ngaɓa m-uwa darɔ-m mba kar-je ꞌɗo gə pər ɓa, to gə ɓo njigi godo mə-m gə nama, m-ɗa ne kara ang.

2 Corinthiendjé 1:19

Be ɓa, Ngon lə Luba Kirisi Jeju gə ꞌma, gə Silibɛ̰ gə Timoce j-ila mbərə lə-a horo-si gə le to oyo gə ə̰ə̰ə̰ ang baa, ngaa n-to oyo ja kara baa.

2 Corinthiendjé 11:13

Dəwje gə nee le, ꞌto njeka̰ykulaje gə gə mbɔr-ɛ baa, njekulaje gə gə nje kəsə tarje, ꞌlom rɔ-je gə njeka̰ykulaje lə Kirisi.

2 Corinthiendjé 12:20

Mba m-ɓəəl mba kar logə m-ce ɓə lə-si nama, m-inga-si to gə m-njigi le ang baa, ngaɓa sisəy kara kar inga-mje to gə ꞌnjigije le ang tɔ; m-ɓəəl mba kar neje gə to nee a kḭ to: Mbadə tar ta naa gə, nər mə, wungu mbə, kəji mə bo, pa gə naa, pa tar gə to, kunda kar ngaɓa neje gə wɔr-wɔr.

2 Corinthiendjé 4:5

Bənəng ang baa, mbərə tar gə j-ila le ɔji dɔ sijee ang, ngaa Jeju kirisi gə to Mbayɓe ɓa j-ila mbər-e. Ngaɓa sijee j-o rɔ-sijee gə ɓərəje lə-sisəy mba Kirisi.

Galatedjé 2:4

Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Philippiendjé 2:3

ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.