Philippiendjé 1:11 - Mbede Lə Luba Kone Gə Sigi

¹¹ May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Testament ke Siki 1960 (Kabba Laka)

¹¹ Ta kare sésè edousidjé ke kandé ke gaté gaté, ke dé deo té lo Jésus Christ, mbata kòsou gadji ke mbata wal Allah.

Philippiendjé 1:11 ပူးပေါင်းရင်းမြစ်များ

Matiye 5:16

Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Jean 15:8

Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

Romaindjé 15:28

Be ɓa ɓo ꞌɗa tɔ̰y, ngaɓa ɓo m-aw gə nembo̰je nee m-ar-je kəm naa gə tɔ̰y ɗaa ye ɓa m-a nday gə ɗəw gə ɓe lə-si kaw ɛsəpa̰y.

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

1 Corinthiendjé 10:31

Be ɓa, le usaje ne ne, le ayje ne ne, ngaɓa le ɗi-ɗi ɓa ꞌɗaje kara, ꞌɗaje ne tɔ̰y mba rɔnduba lə Luba.

2 Corinthiendjé 9:10

Dəw gə njekun ko kar nje dubu-e, gə nje kar dəw mbə gə nekusa-a le, n-a kun ko le kar-si ngaɓa n-a kar ko le ɔsə dɔ mar-ɛ gə kede-kede, cibi n-a kar kandə neɗa gə dana gadə-gadə lə-si oso dɔ mar-ɛ gə.

Ephésiendjé 1:12

mba kar-sijee gə j-unda mə-si dɔ Kirisi gə kede nam le, j-ila ne riɓar dɔ-ɛ ꞌne gə Luba gə.

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 5:9

Mba kandə lokarə le, ɔji dɔ ne ja tɔ̰y gə to gə məmay, neɗa gə gadə-gadə, gə tar gə tɔgərɔ.

Philippiendjé 4:17

To gə nekarə baa ɓa m-sangə ang, ngaa m-sangə nduji kula lə-si gə ɔsə dɔ mar-ɛ.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

2 Thessaloniciendjé 1:12

Be ɓa, mba kar ri Mbayɓe lə-si Jeju ɓar ne ɗəw gə lə-si, ngaɓa mba kar-sisəy kara ingaje ne riɓar ɗəw gə lə-a gə go mənuji lə Luba lə-sijee gə Mbayɓe Jeju Kirisi.

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Ebərəje 12:11

Siri gə ɗa-ɗa kara dɔngɔr-ɛ le to gə ne wungu ɓo to ne rɔləl ang; ngaa go-e gə, ngaɓa turu nje gə ꞌsiri-je le ar ꞌto nje kunda ɗɛgɛgɛ gə neje dana gadə-gadə.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 4:14

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.