Philippiendjé 1:1 - Mbede Lə Luba Kone Gə Sigi

¹ ꞌMa Pɔl, je gə Timoce, njekulaje lə Kirisi Jeju, j-a ɗa mbede nee j-ar njerɔsangəje gə mə Kirisi Jeju gə, gə d-isi Pilipi, gə nje ka dɔ njetakagəje ngaɓa gə diyakərəje tɔ.

Testament ke Siki 1960 (Kabba Laka)

¹ Paul ke Timothée, beredjé lo Christ Jésus, Djoula djare ndjè ko mè tédjé toï mè Christ Jésus té, dèdè ke disi Philippes té, ke ndjè ndja ta ngem kei Allah, ke ndjè kö dò kei Allah tò.

Philippiendjé 1:1 ပူးပေါင်းရင်းမြစ်များ

Marəke 13:34

Ɓeko̰ lə Luba le to ɗəw kara baa to gə dəw gə aw gə mba gə be, ɗaa ḭya̰ neje tɔ̰y mə ji ngan njekulaje gə lə-a, na-na kara gə kula lə-a kula lə-a, ngaɓa n-un ndu n-ar njegəm ta ɗəw kəy kar ngom gə maj-ɛ.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Koula 1:20

Ngaa d-unja mə mbede Paje gə na: May kar mə kəy lə-a uwa ngɔ, Ngaɓa dəw kara kara isi kəne ang. Ngaɓa: May kar dəw ta tor-e ta kula gə lə-a ang.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 9:13

Ananiyas ila kəne na: Mbayɓe, dəw gə nee le m-o tar lə-a ta dəwje gə bula to gə n-ula kəm njerɔsangəje gə Jerujalɛm ndoo ya̰.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 1:7

m-ɗa mbede nee m-ar-sisəy tɔ̰y gə isije Rɔm, gə Luba njigi-si ya̰, gə ꞌɓar-si kar ꞌtoje gə losang-ɛ le: May kar Bɔ-sijee Luba gə Mbayɓe Jeju Kirisi d-ar-si mənuji gə ɗɛgɛgɛ!

1 Corinthiendjé 16:10

To gə ɓo Timoce ce ɓə lə-si nama, ꞌɗaje ar-eje n-isi gə ɓəəl ang, mba n-ɗa kula lə Mbayɓe to to gə ꞌma be tɔ.

2 Corinthiendjé 1:1

ꞌMa Pɔl, njeka̰ykula lə Jeju Kirisi gə go mə njigi lə Luba, je gə ngon ko̰-si Timoce j-a ɗa mbede nee j-ar Mbo̰ naa lə njetakagəje gə mə ɓe gə Kɔrɛnt, ngaɓa gə njerɔsangəje gə dɔ nangə gə Akayi tɔ̰y nəm tɔ.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Ephésiendjé 1:1

ꞌMa Pɔl njeka̰ykula lə Kirisi Jeju gə go mə njigi lə Luba, m-ɗa mbede nee m-ar njerɔsangəje gə d-isi Epɛs, gə ꞌto gə njetakagə Kirisi Jeju-je gə tɔgərɔ.

Ephésiendjé 1:15

Gəl-e gə nee ɓa, ꞌma kara, logə tar ta gə ꞌtaje kagə Mbayɓe Jeju, ngaɓa njigi gə ꞌnjigije njerɔsangəje tɔ̰y oso mbi-m gə ɗaa,

Ephésiendjé 6:24

May kar mənuji nay gə dəwje tɔ̰y gə ꞌnjigi Mbayɓe lə-sijee Jeju Kirisi gə pa njigi gə unda nangə ang.

Philippiendjé 2:19

M-um mə-m dɔ Mbayɓe Jeju gə mba kula Timoce ɓə lə-si gə tɔg-e, mba kar m-o no-si ja ɓa m-a kuba ne singa gə maj-ɛ,

Philippiendjé 2:5

Ar-je kəji gə to mə Kirisi Jeju gə ɓa uwa mə-si,

Philippiendjé 3:12

Ə̰ə̰ə̰, m-pa na m-ce kəne nam ose m-arə ngadə nam ngaa ang, ngaa m-aw ndole go-e gə ndole ja ɓi ɗaa, m-unda mə-m mba kuwa gə ji-m ja, mba ꞌma kara Kirisi Jeju ula ji-a uwa-m ne tɔ.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

1 Thessaloniciendjé 1:1

ꞌMa Pɔl, gə Silibɛ̰ je gə Timoce j-a ɗa mbede nee j-ar Mbo̰ naa lə njetakagəje gə to Tesaloniki, gə to kar Luba gə Bɔ dəwje ngaɓa gə Mbayɓe Jeju Kirisi. May kar mənuji gə ɗɛgɛgɛ to kar-si.

1 Thessaloniciendjé 2:2

Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula.

2 Thessaloniciendjé 1:1

ꞌMa Pɔl, gə Silibɛ̰ je gə Timoce ja ɗa mbede nee j-ar Mbo̰ naa lə njetakagəje to Tesaloniki to kar lə Luba Bɔ-sijee gə Mbayɓe Jeju Kirisi.

2 Thessaloniciendjé 1:10

logə n-a ɗe dɔ ndɔ-ɛ əng mba kar ꞌɗɔy-ɛ, ngaɓa njeka-ɛje gə nje ta kag-ɛje d-a ko-e ɗaa lo tar a kigi-je sɛl, sisəy kara a ga̰ horo-je gə tɔ mba ꞌtaje kagə tar naji gə j-ila mbər-e j-ar-si le.

1 Timoce 1:2

ɓa m-ɗa mbede nee m-ar-i, Timoce, ꞌi gə m-o-i to gə ngon njigi lə-m gə tɔgərɔ gə ɗəw takagə gə. M-dəji Luba gə Bɔ je gə Kirisi Jeju gə to Mbayɓe lə-si mba kar d-ar-i mənuji, ꞌɗa sə-i məmay ngaɓa d-ar-i ɗɛgɛgɛ tɔ.

1 Timoce 3:8

Ɗəw kara baa, diyakərəje d-a to dəwje gə d-a kila ngon kuji dɔ rɔ-je gə gə maj-ɛ, ndu-je a kḭ joo ang, d-a toje gə ɓərə lə kodo ang ngaɓa d-a mbɔl-ɛ lar ang tɔ.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Pilimo 1:1

ꞌMa Pɔl gə m-to kəy kula gə lə Kirisi Jeju gə je gə ngon ko̰-si Timoce ja ɗa mbede nee j-ar Pilimo, nje baa kula m-ar-si gə j-a njigi-e ya̰,

Ebərəje 13:23

May kar ꞌgərə to gə ngon ko̰-si Timoce le d-ḭya̰ nam. To gə ɓo n-ɗe gə tɔg-ɛ nama m-a kaw sə-a ɓe le-si kaw ko-si.

Jacques 1:1

ꞌMa Jagə, ngon njekula lə Luba, gə Mbayɓe Jeju Kirisi, sisəy gəl kaje gə dɔg gə gir-je gə joo gə ꞌsɛ̰rɛ̰-je naa dɔɓe gə, m-o-si tɔ̰y ɓa!

1 Piyɛr 2:25

Mba ꞌnayje to gə badəmje gə d-igi be, ngaa ɓisine ɗaa ꞌtəlje dɔ-si gə ɓə lə njekuul-si ngaɓa nje tɔsə kəm-e dɔ kəm gə lə-si nəm tɔ.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 1:20

Kar nemisi gə ɔji dɔ ndɛ̰ndərɛ̰ndɛ̰je gə siri gə oje mə ji-m gə dɔ kɔl gə dɔ ne kunda lambeje gə siri gə ꞌɗa gə maa le: Ndɛ̰ndərɛ̰ndɛ̰je gə siri to anjije lə mbo̰ naa lə njetakagəje gə siri ngaɓa lo kunda nendogoje gə siri to gə mbo̰ naa lə njetakagəje gə siri tɔ.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 2:12

ꞌƊa mbede ar anji lə mbo̰ naa lə njetakagəje gə Pɛrəgam: O tar gə dəw gə ndo̰ kiya bayi lə-a adə ngɛl-ngɛl ngaɓa t-ɛ adə pəm-pəm ɓe joo pa:

Apocalypse 2:8

ꞌƊa mbede ar Anji lə Mbo̰ naa lə njetakagəje gə Isimirənə: A o tar gə dəw gə dɔngɔr gə dəw gə njekudu bo̰ pa, ye gə uy ɓa təl ndol aw kəm baa:

Apocalypse 22:9

Ngaa n-pa n-ar-m na: Əw rɔ-i polo-m! M-to gə njeba kula lə-i gə njeba-ɛ lə ngan ko̰-i pajambərəje, gə nje gə ꞌngom tarje gə to mə mbede gə nee. Luba ɓa ꞌpolo-e.