Matiye 9:16 - Mbede Lə Luba Kone Gə Sigi

¹⁶ Dəw a kunja ta kubu gə sigi kila ne kəm kubu gə ləw ang, mba ta kubu gə sigi le a ndɔr ꞌye gə ləw kar-ɛ cil kar kəm-e a tadə ya̰ ja cibi.

Testament ke Siki 1960 (Kabba Laka)

¹⁶ Doou kada a koun koubou ke siki ta kila nè kem koubou ke konè ang, mbata yéh ke siki a kwaa ngeng a tir bo boui.

Matiye 9:16 ပူးပေါင်းရင်းမြစ်များ

Matiye 9:15

Jeju təl ila-je kəne na: Njekuraje lə njetajene le, logə njetajene ga̰ gə je naa gə baa ɓi le, d-a ɗa rɔ-je gə ndoo ang, ngaa dɔ ndɔje a kasə gə, d-a kɔr ngaw jeneje ji-je gə ɗɔdə le ngaɓa dɔ ndɔ-ɛ əng le d-a tɔl mə-je ɓo ɓi.

Matiye 9:17

Dəw a kiya munduru kodo mə jo kodo gə ləw gə ang mba mii lə kodo le a tɔ jo, kar kodo ula nangə kəngəng-kəngəng. Ɓo bənəng ang nama, kodo nəm, jo nəm tɔ le, d-a to neje gə tuji gə kɔrɔ ja. Ngaa ɓo munduru kodo nama may kiya mə jo kodo gə sigi gə ja tɔ ɓa d-a kuwa naa gə maj-ɛ.

Marəke 2:21

Dəw a kunja ta kubu gə sigi kila ne kəm kubu gə ləw ang; ɓo bənəng ang nama, ta kubu gə sigi le a ndɔr ꞌye gə ləw, kar-ɛ cir kar kəm-e a tadə ya̰ ja cibi.

Lugu 5:36

Jeju pa gusutar gə ɗangə kara ar-je ja cibi na: Dəw unja ta kubu gə sigi ila ne kəm kubu gə ləw gə cil ang. Ɓo bənəng ang nama ta kubu gə sigi a ndɔr ꞌye gə ləw kar-ɛ a cil gə kede.

Jean 16:12

Neje gə kɛm ga̰ kəne əng mba kar-m m-pa tar-ɛ m-ar-si ɓi, ngaa ɓisine ɗaa a kasəje mba kuwa məndəər kəne ang ang.

1 Corinthiendjé 13:13

Be ɓa ɓisine neje gə munda nee le ga̰: Takagə, kunda mə, njigi, ngaa ne gə to ɓəəl ya̰ ja to njigi.

2 Corinthiendjé 9:12

Mba kula nembo̰ nee le la gə njerɔsangəje gə kar-je baa ang, ngaa ɗa ar dəwje d-ar ne oyo Luba ya̰.