Matiye 8:4 - Mbede Lə Luba Kone Gə Sigi

⁴ Cibi ɓa Jeju təl pa ar-ɛ na: ꞌNgom ta-i, ɓo ꞌpa ar dəw ang, ɗaa ɔdə aw ar njekapolo o-i, ngaɓa aw un nepolo to gə Moyiji pa tar-ɛ mə mbede gə le, mba kar to tar naji ar-je ꞌgərə to gə rɔ-i arə ngadə.

Testament ke Siki 1960 (Kabba Laka)

⁴ Jésus pa arè, Ngem madji, epa tar kada are doou kada ang, a ao etòdjou ròi ndjè kòr, are né kare ba ke Moïse pa aresè leo, to tar nadji kemdè té.

Matiye 8:4 ပူးပေါင်းရင်းမြစ်များ

Matiye 10:18

D-a kaw gə si no njeko̰ ɓeje gə, gə no mbayje gə mba tar lə-m, mba kar to tar naji lə-m no-je gə nəm ɓa no dəwje gə ꞌgərə Luba ang gə tɔ.

Matiye 16:20

Be ɓa Jeju təl un ndu gə mong-e ar ngan njenendoje lə-a mba kar ꞌpa d-ar dəw o to gə n-to Kirisi ang.

Matiye 17:9

Logə d-aw ɗisi dɔ ər dɔ-je gə nangə ɗaa, Jeju un ndu ar-je na: Ne gə oje nee le, a paje tar-ɛ kar dəw o ang saar mba kar ꞌma gə Ngon lə dəw m-a ndol horo nje gə d-uy gə.

Matiye 3:15

Jeju təl ila kəne na: Dɔ kar gə nee ɗaa iya̰ ar to to gə be. Mba j-a ɗa ne ne tɔ̰y gə to gadə-gadə. Ɗaa n-njigi sə-a.

Matiye 5:17

Əji-je to gə m-ɗe mba tuji torondu lə Moyiji ose gə mba cḭ tarje lə pajambərəje lə Luba ang. M-ɗe mba cḭ ang, ngaa m-ɗe gə mba tɔl t-ɛ.

Matiye 6:1

Jeju təl pa ja cibi, ꞌngomje rɔ-si dɔ neɗa gə gadə-gadə gə ꞌɗaje mba kəm dəwje, mba kar d-o ne si ja baa, be nama Bɔ-sijee gə isi dara le a kuga dɔ ji-si ang baa.

Matiye 9:30

Ɗaa gə lo-e gə əng ja kəm-je cɛ̰ ar-je d-o lo. Ngaɓa Jeju təl ndəji-je na: Əwje rɔ-si pa kar dəw o.

Marəke 13:9

Unda-je kəm karə dɔ darɔ-sisəy gə ja; D-a kaw gə si no ngɔ gangə tarje gə, ngaɓa d-a kunda-si gə kɔb mə kəy nendo gə, d-a kaw gə si no njeko̰ ɓeje gə, no mbayje gə mba tar lə-m kar to tar naji no-je gə.

Marəke 3:12

Ngaa n-un ndu gə mong-e n-ar-je mba kar ꞌɗa d-ar dəw gər-e ang.

Marəke 5:43

Jeju un ndu ar-je mba kar ꞌpa tar gə nee le d-ar dəw gərə ang, ngaɓa n-pa na d-ar ngon mandə le ne usa.

Marəke 6:11

Ngaɓa lo gə d-uwa si mba kəne ang nəm d-o tar gə ta-si gə kəne ang nəm ɓa ɓo a kaw kɔdəje nama, ꞌkundaje kuru gə gɔl si gə mba kar to tar naji gə ila tar dɔ-je gə.

Marəke 7:36

Jeju un ndu ar-je mba kar ꞌpa tar-ɛ d-ar dəw ang, ngaa logə n-un ndu gə mong-e n-ar-je ja ngaɓa, ꞌpa tar le d-asə ne lo gə kede-kede.

Marəke 8:30

Jeju un ndu gə mong-e ar-je mba kar ꞌpa tar gə ɔji dɔ-ɛ d-ar dəw o ang.

Marəke 9:9

Logə d-aw ɗisi gə nangə ɗaa, Jeju ɓɛr mbi-je kar ꞌpa tar neje gə d-o nee le d-ar dəw o ang, saar mba kar logə ꞌne gə Ngon lə dəw n-a ndol ne horo nje gə d-uy gə.

Lugu 17:14

Jeju o-je ɗaa, pa ar-je na: Awje, aw tɔjije rɔ-si ar-je njekapoloje. Logə d-aw d-aw gə kəne gə kaw ja baa ɓi ɗa, rɔ-je arə ngadə.

Lugu 21:13

Ye gə nee ɓa a kar-si ɗəw mba kar-si ꞌpaje ne tar naji lə-m.

Lugu 4:41

Njilje gə kṵra̰y gə ce mə dəwje gə bula le d-uru ꞌkuwi na: ꞌI to ngon lə Luba. Ngaa Jeju ḭ gə je gə singa, ɗaa un ɗəw ar-je kar ꞌpa tar ang mba ꞌgərə som to gə n-to Kirisi.

Lugu 5:14

Jeju un ndu ar dəw le na: ꞌPa tar ne gə nee le ar dəw ang, ngaa ɔdə aw tɔji rɔ-i ar njekapolo, ɓo aw un nepolo gə Moyiji pa tar-ɛ le, mba kar to tar naji ar ꞌgərə to gə rɔ-i arə ngadə.

Lugu 8:56

Nje kuji ngon gə jeneje le, lo tar igi-je sɛl, cibi Jeju un ndu ar-je mba kar tar nee le ce ta-je ar dəw o ang.

Lugu 9:21

Jeju un ndu gə mong-e ar-je mba kar ꞌpa d-ar dəw o ang.

Jean 5:41

ꞌMa m-inga riɓar gə ḭ rɔ dəwje gə ang,

Jean 7:18

Dəw gə pa tar ɔji go mə njigi lə-a ye nama sangə riɓar lə-a ye ja; ngaa dəw sangə riɓar lə dəw gə nje kula-a le, nj-ɛ nee ja kara baa to dəw gə tɔgərɔ, ngaɓa neɗa gə dɔ buguru ɓar ri-a ang tɔ.

Jean 8:50

Ngaɓa ꞌma le, riɓar lə-m ꞌma ɓa m-sangə ang: dəw kara ga̰ kəne əng gə to gə njesang-ɛ ngaɓa gə nje gangə tar tɔ.