Matiye 8:29 - Mbede Lə Luba Kone Gə Sigi

²⁹ D-uru ꞌkuwi na: Ngon lə Luba, ɗi ɓa aw njigi ji-si gə wa? ꞋI ɗe mba bɛ̰ ta-si kede nam ɓa kar ndɔ gangə tar gə Luba ɔji asə wa?

Testament ke Siki 1960 (Kabba Laka)

²⁹ Wo, dèdè mpa ke tarr, mpana, Di a to horodjè té, i ke djèdjè wa, i Ngon lo Allah? I dé nèn ta da kedjè né mèkon dongor baa ta ndò ase wa?

Matiye 8:29 ပူးပေါင်းရင်းမြစ်များ

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Matiye 8:30

Lo gə d-ar kəne əng le, kuduɓe bərəje gə ꞌbula ya̰ d-ar əw ja d-aw d-usa ne,

Marəke 1:24

Jeju gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gərə to gə ꞌto Njerɔsangə lə Luba.

Marəke 3:11

Logə nje gə njilje gə kṵra̰y ɗa ɓe mə-je gə d-o Jeju ɗaa, d-oso nangə no gɔl-ɛ gə ngaɓa d-uru ꞌkuwi na: ꞌI to Ngon lə Luba.

Marəke 5:7

ngaɓa n-uru ꞌkuwi ɓolong na: Se ɗi ɓa ꞌnjigi rɔ-m gə wa? Jeju, Ngon lə Luba gə sam dara gə. M-pa m-ar-i, no-gɔl Luba gə ja, əw rɔ-i kula kəm-m ndoo.

Lugu 4:34

Ee, Jeju Dəw gə Najarɛd, ɗi ɓa ꞋI njigi wa? Se ꞌi ɗe mba tuji-si ngaa wa? M-gər-i, ꞌto Njerɔsangə lə Luba!

Lugu 4:41

Njilje gə kṵra̰y gə ce mə dəwje gə bula le d-uru ꞌkuwi na: ꞌI to ngon lə Luba. Ngaa Jeju ḭ gə je gə singa, ɗaa un ɗəw ar-je kar ꞌpa tar ang mba ꞌgərə som to gə n-to Kirisi.

Lugu 8:28

Logə n-o Jeju ɗaa n-oso no-ɛ gə ngaɓa n-uru ꞌkuwi ɓolong na: Jeju, Ngon lə Luba gə sam dara gə, ɗi ɓa ꞌnjigi rɔ-m gə wa? M-oso kul no-i gə, ula-m taar ang!

Jean 2:4

Jeju pa ar-ɛ na: Jene, ɗi ɓa ꞌnjigi wa? Kar lə-m asə ang ɓi.

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.

Jacques 2:19

ꞌTa kagə to gə Luba kara baa ɗəgədə wa? ꞌƊa gə dɔ gɔl-ɛ ja. Njilje gə kṵra̰y kara ꞌta kagə to gə bənəng tɔ, ɗaa ꞌɓəəl d-isa baa ɗɛgə-ɗɛgə.

2 Piyɛr 2:4

Mba to gə ɓo Luba ɔr kəm anjije gə ɗa neɗa gə kṵra̰y ang, ngaa ɔsə-je um-je dan cil ciməri gə mə buwa wəl gə sṵra̰ godo, ar ꞌto d-aw ꞌngina gangə tar,

Jude 1:6

Cibi, anjije gə asə ngom singa gə d-inga ang, ɗaa d-iya̰ lokisije le, ꞌtɔ-je gə kula lar gə ngangə ꞌngom-je mə buwa gə ndul ngina ne ndɔ gangə tar gə boy.