Matiye 7:7 - Mbede Lə Luba Kone Gə Sigi

⁷ ꞌDəjije ne nama d-a kar-si, ꞌsangəje ne nama a kingaje, undaje ta kəy nama d-a kɔr kar-si.

Testament ke Siki 1960 (Kabba Laka)

⁷ Edoudjidjé a da karesè, esangidjé a sésè a kingaidjé, oundaidjé tadeo kei a da kòrou karesè.

Matiye 7:7 ပူးပေါင်းရင်းမြစ်များ

Matiye 18:19

Tɔgərɔ, m-təl m-pa m-ar-si ja cibi, ne gə ban-ban ja ɓa ndu dəwje joo asə naa kəne dɔ nangə nee, ɓa ꞌdəji nama, Bɔy gə isi dara a kar-je ja.

Matiye 21:22

Ne tɔ̰y gə a dəjije Luba gə takagə le, a kingaje ja.

Matiye 6:33

ꞌSangəje ɓeko̰ lə Luba gə gadə-gadə ja dɔngɔr ɗaa neje gə sisəy aw-je ndoo-e nee le, Luba a kar-si dɔ-ɛ gə.

Matiye 7:11

To gə ɓo sisəy gə ꞌtoje dəwje gə kṵra̰y baa ja, ꞌgərəje karəje ngan si neje gə may-may ngaa ɓədə ɓa Bɔ-sijee Luba gə isi dara a kar ne gə may dəwje gə ꞌdəji-e ang wa?

Matiye 7:8

Mba dəw gə dəji ne ɗaa d-ar-ɛ, dəw gə sangə ne ɗaa inga, ngaɓa dəw gə unda ta kəy ɗaa d-ɔr d-ar-ɛ.

Marəke 11:24

To gə be ɓa, m-pa m-ar-si: Ne tɔ̰y gə ꞌdəjije Luba le ꞌtaje kagə to gə ingaje nam ɗaa, Luba a ɗa kar-si.

Lugu 13:25

Logə njekəy ḭ taar udu ta kəy, ɗaa sisəy gə a karje ɗaga, a kundaje ta kəy ngaɓa a Paje na: Mbayɓe! Ɔr ta kəy ar-si, ɗaa n-a kila-si kəne na: Sisəy le, m-gərə-si ang.

Lugu 18:1

Jeju pa gusutar kara ar-je mba tɔji neje kar ꞌdəji Luba gə ndɔ-ndɔ ngaɓa d-ḭya̰ go-e ang.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Jean 4:10

Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 3:11

Dəw gə nje kəji negərə kara be ja godo, Dəw kara baa be gə nje sangə Luba kara godo. Tɔ̰y ja ꞌndəm, ꞌto neje gə baa ja,

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Jacques 5:15

Dəji Luba gə takagə le a kaji dəw gə rɔ-ɛ to-e ɗaa Mbayɓe a kun-e kur-e taar, a ɓo n-ɗa neɗa gə kṵra̰y nama d-a kɔr tar dɔ-ɛ gə.

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.