Matiye 7:21 - Mbede Lə Luba Kone Gə Sigi

²¹ Dəw gə pa t-ɛ gə na: Mbayɓe, Mbayɓe baa ɓa a kandə ne mə ɓeko̰ gə dara ang, ngaa dəw gə ɗa mə njigi lə Bɔy gə isi mə dara gə ja ɓa a kandə ɓeko̰ gə lə-a.

Testament ke Siki 1960 (Kabba Laka)

²¹ Dooudjé toï ke pa arem, Mbaibé Seigneur, Mbaibé Seigneur, da kao béh ko té ke dara ang, sè nè kadaba ke da né ke Bòi ke éh dara ndiki.

Matiye 7:21 ပူးပေါင်းရင်းမြစ်များ

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Matiye 18:19

Tɔgərɔ, m-təl m-pa m-ar-si ja cibi, ne gə ban-ban ja ɓa ndu dəwje joo asə naa kəne dɔ nangə nee, ɓa ꞌdəji nama, Bɔy gə isi dara a kar-je ja.

Matiye 18:3

M-pa tar gə tɔgərɔ ja m-ar-si, to gə ꞌmbəl-je mə-si ar-ɛje to gə kar gə nganje gə njɛ̰-njɛ̰ be ang nama, a kandə-je mə ɓeko̰ gə dara ang magə.

Matiye 18:35

To gə be ja tɔ ɓa Bɔ-sijee gə dara a ɗa ne gə dəw gə mbadə kɔr tar dɔ ngon ko̰-ɛ gə gə mə nda.

Matiye 19:24

M-təl m-pa m-ar-si ja cibi to gə, a to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə dara le ngangə ya̰ ja cibi.

Matiye 25:10

Logə mbəje le d-ɔdə d-aw lo ndogo ubu lambe gə le ɗaa nje jene le ɗe toro-je gə, ɗaa nje gə ar pɛrɛrɛ le d-andə sə-a kəy ta naa gə to lo ɗa ndam, ngaɓa d-udu ta ɗəw bad.

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Matiye 26:39

Cibi n-ɔdə gə kede njɛ̰ ɗaa, n-təl n-dəbə no-ɛ nangə n-dəji Luba to gə be: Bɔy, ɓo ɗəw to nama ɔsə nekay ꞌməsərə gə nee le ta-m gə ngərəng gə ɗangə! Ngaa ꞌɗa mə njigi lə-i ꞌi ja ɓo kar-m ꞌma ang.

Matiye 26:42

Jeju təl ɔdə aw nganga̰ gə gɔl joo lə-a ja cibi, ɗaa dəji Luba na: Bɔy, to gə ɓo ɗəw gə kar nekay ꞌməsərə nee le a nday ne ta-m gə godo, a ɓo kar-m m-ay gə kay gə no nama, may kar ꞌɗa mə njigi lə-i ja.

Marəke 3:35

Dəw gə ɗa-ɗa gə ɗa mə njigi lə Luba ɗaa, nj-ɛ əng le ɓa to ngon ko̰-m, ko̰ nan-m gə ko̰-mje.

Marəke 9:47

To gə ɓo kəm-i to ɗəw koso dan neɗa gə kṵra̰y gə nama, ɔr-ɛ ila-a kɔrɔ. May ya̰ mba kandə ɓeko̰ gə lə Luba gə kəm-i kara unda kar kəm-i ga̰ joo kɛm ɓa d-un-i d-ila-i dan pər gə a kṵy ang gə.

Lugu 11:28

Ngaa Jeju ila kəne na: Nje gə d-o tar lə Luba gə ngom le, ꞌto njenokarəje!

Lugu 13:25

Logə njekəy ḭ taar udu ta kəy, ɗaa sisəy gə a karje ɗaga, a kundaje ta kəy ngaɓa a Paje na: Mbayɓe! Ɔr ta kəy ar-si, ɗaa n-a kila-si kəne na: Sisəy le, m-gərə-si ang.

Lugu 18:25

Be ɓa, to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə lə Luba le, to ngangə ya̰ ja cibi.

Lugu 6:46

Mba ɗi ɓa ꞌɓar-mje: Mbayɓe, Mbayɓe ngaa, ꞌɗaje ne gə m-pa m-ar-si ang wa?

Jean 14:7

To gə ɓo ꞌgərə-mje nama a gərəje Bɔy tɔ. Un kud-e ɓisine ɗaa ꞌgər-eje ngaɓa o-eje nəm tɔ.

Jean 15:23

Dəw gə njigi-m ang gə kɔrɔ nama njigi Bɔy ang ja tɔ.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Jean 5:17

Ngaa Jeju ila-je kəne na: Saar ɓisine, Bɔy ar ta kula gə ja ɓi, ngaɓa ꞌma kara m-ar ta kula ja ɓi tɔ.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 2:13

Mba dəwje gə ꞌtuga mbi-je d-o ne torondu ɓa to dəwje gə gadə-gadə ta kəm Luba gə ang ngaa nje gə ꞌɗa ne kula ɓa d-o-je gə dəwje gə gadə-gadə.

Ephésiendjé 6:6

ɓo ꞌɗaje gə mba ta kəm-je baa ang, ngaɓa to gə gə mba may ne ta kəm dəwje gə, ngaa asə naa gə ngan lokisije lə Kirisi, gə ꞌɗa mə njigi lə Luba gə dɔ ɓəngərə-je tɔ̰y ja.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 4:3

Ne gə Luba njigi le, to sangə rɔ lə-si, kar ɔsəje kaya ngərəng,

1 Thessaloniciendjé 5:18

Dan neje gə tɔ̰y le, ꞌɗaje oyo; mba to gə mə njigi lə Luba gə ɔji dɔ-si ɗəw gə lə Kirisi Jeju.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Ebərəje 4:6

Be ɓa, d-ɔr ta ɗəw d-ar nje gə kɛm kar d-andə kəne ja ngaa, nje gə Tar gə May nee oso mbi-je gə dɔngɔr ja d-andə kəne ang mba ko tar ang lə-je,

Jacques 1:22

Tar gə oje le, ꞌɗaje kul-ɛ ɓa, ɓo ꞌtaje ꞌpaje ne tar kəm karə lə-si baa ang.

1 Piyɛr 2:15

mba Luba njigi kar pa nja-si to gə maj-ɛ ar mbəje d-o ne lo pa tar ang,

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

Apocalypse 2:27

Ɗaa n-a kul-je gə kagə ngaw lar, rundu neje to gə joo ə̰nji be.

Apocalypse 22:14

Nje gə ꞌtogo kubu lə-je le, ꞌto gə njenokarəje mba d-asə kusa kandə kagə təbə, ngaɓa mba kar d-andə mə ɓebo gə ta ɗəw kəyje tɔ.

Apocalypse 3:5

Be ɓa, dəw gə cɛdə ɗɔ nama, d-a kula-a kubu gə nda; m-a tuji ri-a mə mbede təbə gə ang, ngaɓa m-a pa tar lə-a gə ɗaga no gɔl Bɔy gə, gə no gɔl anjije gə lə-a.