Matiye 6:5 - Mbede Lə Luba Kone Gə Sigi

⁵ Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.

Testament ke Siki 1960 (Kabba Laka)

⁵ Tokou sésè edoudjidjé Allah, ase kare sésè edaidjé tokou ndjè kere ngemdjé ang, mbata dèdè ndiki ta karr ta doudjou mè kei Allah té ke to deo té, ta kare dooudjé wodè. Tokoro ma mpa maresè, dèdè dinga kouka lodè mbä.

Matiye 6:5 ပူးပေါင်းရင်းမြစ်များ

Matiye 21:22

Ne tɔ̰y gə a dəjije Luba gə takagə le, a kingaje ja.

Matiye 23:13

Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Matiye 23:5

ꞌƊa kulaje lə-je tɔ̰y mba tɔji ne rɔ-je kar dəwje d-o neje. To gə be ɓa d-um ngon ku ndaar gə bo ꞌtɔ ɓida noje ose kagə ji-je gə, cibi ꞌɗaje ta njəbə kubuje lə-je d-ar-ɛ tadə.

Matiye 23:6

ꞌNjigi lo kisi riɓar lo muru bula gə, ngaɓa kəy nendo gə nama lokisi gə kede ja ɓa ꞌnjigi kisi kəne, kar d-unda ji-je go naa ɓa d-uwa ne ji-je ta nada;

Matiye 6:1

Jeju təl pa ja cibi, ꞌngomje rɔ-si dɔ neɗa gə gadə-gadə gə ꞌɗaje mba kəm dəwje, mba kar d-o ne si ja baa, be nama Bɔ-sijee gə isi dara le a kuga dɔ ji-si ang baa.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:2

Lo gə un ne ar dəw ɗaa, uru ꞌkuwi dɔ-ɛ gə ang, to gə njetar mulaje d-aw ɗa mə kəy nendoje gə lə Jiibije, gə dan ɗəw booje gə, mba kar d-ɔsə ne gaji-je. Tar gə tɔgərɔ ja m-ula-si to gə d-inga kug-ɛ nam ngaa.

Matiye 9:38

May kar-si ꞌdəjije Mbayɓe ar-ɛje ula njekunja koje mə ndɔɔ gə.

Marəke 11:25

Logə ar-je taar gə mba dəji, ngaa ɓo ne kara tɔsə um-si naa gə gə dəw kara nama, ꞌɔrje tar dɔ-ɛ gə, mba kar Bɔ-sijee gə isi dara kara ɔr tar kal tar dɔ-si gə tɔ.

Marəke 12:38

Jeju pa tar tɔji ne nena: Aje rɔ-si rɔ njekɔr gəl toronduje gə; ꞌnjigi mba nja gə kubu gə ngal yududu-yududu, ngaɓa kar d-unda ji-je go naa gə ɓa d-uwa ne ji-je ta nada;

Lugu 11:43

Nekəmandoo to kar-sisəy, Parijiyɛ̰je! ꞌNjigi lokisi gə kede ja ɓa mba kisi kəne mə kəy nendo gə, kar d-unda ji-je go naa ɓa d-uwa ne ji-si ta nada.

Lugu 18:1

Jeju pa gusutar kara ar-je mba tɔji neje kar ꞌdəji Luba gə ndɔ-ndɔ ngaɓa d-ḭya̰ go-e ang.

Lugu 18:13

Njembo̰ lar gədə ɓe, ye ar ngərəng ngaɓa dɔ-ɛ kara ɔr gə taar ang nəm, ngaa unda kar-ɛ jab-jab na: Luba lə-m, o kəmtondoo lə-m ꞌma gə m-to gə njeneɗa gə kṵra̰y.

Lugu 20:47

D-o̰ mə kəy lə jene ndubaje ləm-ləm d-ore dɔ-ɛ nangə ndəng ꞌdəji Luba ngɔɔgɔ-ngɔɔgɔ d-ar koro-je əwu mba kar dəwje d-o-je ne. D-a gangə tar gə to ɓəəl ya̰ dɔ-je gə.

Lugu 6:24

Ngaa nekəmandoo to dɔ sisəy njenekingaje, mba ingaje nekul mə lə-si nam.

Jean 16:24

Saar ɓisine kara ꞌdəjije ne kara gə ri-m ang ja dɔrɔ ɓi; ꞌdəjije nama a kinga-je mba kar rɔləl lə-si gola ta mar-ɛ yal-yal.

Ephésiendjé 6:18

ꞌDəjije Luba gə dɔ karje tɔ̰y ɗəw njil gə gə pa dəji gə gə lo-e lo-e ꞌɗaje ne kɔgərɔ. Bənəng ɗaa, undaje kəm karə dɔ rɔ-si gə, ḭya̰je rɔ-si yag ja ꞌtugaje ne njoro lo dəji Luba gə mba njerɔsangəje tɔ̰y;

1 Thessaloniciendjé 5:17

Əwje rɔ-si dəji Luba ang

Jacques 4:6

Ngaa mənuji gə n-ar le, bo unda neje tɔ̰y, to gə be ɓa Mbede pa na: Luba ɔsə njekunda kar-jeje ngərəng, Ngaa n-ar mənuji lə-a nay gə nje gə d-ula dɔ-je ngulum.