Matiye 6:31 - Mbede Lə Luba Kone Gə Sigi

³¹ ꞌNoje rɔ-si ang ngaɓa ꞌpaje na: Ɗi ɓa ja kusa wa? Ose j-a kinga man ɗa ɓa ja kay wa? Ose ɗi ɓa ja kula kar-si gə wa?

Testament ke Siki 1960 (Kabba Laka)

³¹ Tokou ban, aridjé mèsè sangesè ang ta pana, Dja kön mourou di wa? Aséh, Dja kaih di wa? Aséh, Dja koula koubou di wa?

Matiye 6:31 ပူးပေါင်းရင်းမြစ်များ

Matiye 15:33

Ngan njenendoje ꞌpa d-ar-ɛ na: J-a ɗa ban ɓa j-a kinga mbə ndag lo gə nee kar bula bo dəwje nee le d-usa d-ar mə-je ci wa?

Matiye 4:4

Jeju ila kəne na: ꞌƊa mə mbede gə na: Dəw a kaw kəm baa mba mbə ja baa ang ngaa, tarje tɔ̰y gə ce ta Luba gə ɓa dəw a kaw ne kəm baa.

Matiye 6:25

Gəl-e gə ne ɓa m-pa m-ar-si na: ꞌNoje rɔ-si mba kisi kəm baa ɔji dɔ nekusa ta-si ang nəm ɓa, mba kubuje gə a kulaje rɔ-si gə ang tɔ. Kaw kəm baa nday nekusa nəm, darɔ dəw kara nday kubu nəm tɔ.

Matiye 6:27

Na ɓa horo-si əng asə no rɔ-ɛ kar ndɔ-ɛ oso dɔ mar-ɛ gə njɛ̰ be wa?

Lugu 10:41

Mbayɓe ila-a kəne na: Madə, Madə, ꞌno rɔ-i ngaɓa ꞌjɔgə rɔ-i dɔ neje gə ya̰.

Lugu 12:11

Logə d-a kuwa-si kaw gə si mə kəy nendo gə, no nje gangə tar gə ose no njeko̰ ɓeje nama, ꞌnoje rɔ-si mba gusu gə a paje ne tar ang, ɓa ɔji dɔ tar gə a paje ang nəm tɔ;

Lugu 12:22

Jeju pa ar ngan njenendoje lə-a na: ꞌNoje rɔ-si mba kisi kəm baa ɔji dɔ nekusa ta-si ang nəm ɓa, mba kubuje gə a kulaje rɔ-si gə ang tɔ.

Lugu 12:29

Arje kəji lə-si jɔgə si ɔji dɔ ne gə a kusaje gə ne gə a kayje ang.

Philippiendjé 4:6

ꞌNoje rɔ-si ɔji dɔ ne kara ang; ngaa dan neje gə tɔ̰y nama ꞌpaje ar-je Luba gə dəji, ꞌɗaje ne ndoo no-ɛ gə, ar-ɛje ne oyo.

1 Piyɛr 5:7

Ḭya̰je tar kəjije gə dum dɔ-si tɔ̰y mə ji-a gə, mba n-to nje gədə-si.